現今的港女太開放…西鐵上偷桃…香港西鐵上「猴急女」狠抓嫩男鳥

如果馬利奧救著個港女公主

香港地鐵互屌大賽[ 背心港女VS iPhone港男 ]

低胸怨女旺角當街臭鬧負心男

港女Isabella Lit 自白:男人， 唉... 就是這樣

[港女，有片] 香港之恥…港女南韓首爾發難…

故事背景︰

呢條八婆黎到首爾用左好短時間就當左呢度係屋企。佢第一日推住行李就去勾引一個不幸的男人。像一個任性的小孩乞求人地請佢食長腳蟹，跟住又要係人屋企住左一個禮拜，仲要人請佢去日本。呢段關係一開始就注定失敗。

附近的酒吧都唔比佢入，因為佢賒左好多數。

勾引客人去請佢飲酒，對酒吧員工極不友善。去左SamRyans四日，經常罵酒巴女員工為淫婦。經常騷擾其他客人請佢飲酒，令佢極不受歡迎 。酒吧員工有禮貌地叫佢走。

Note: 係呢條片拍之前，佢大叫大喊左好奈。拍片原因係為日後若要提堂而提供證據。佢絕對不是受害人，亦沒被歧視。佢可以隨時離開，但係因為佢賴死唔走所以能拍得此片。

Youtube 原文︰

This crazy bitch arrived in Seoul and wasted no time in making herself feel at home. She seduced one hapless guy on her first day with suitcase in tow. Demanding king-crab like a spoilt child, then accommodation in his apartment for a week and airfare to Japan, the relationship was doomed from the start! She quickly became barred from a host of drinking establishments around Itaewon due to constantly racking up bar tabs, hitting on patrons to pay them for her and her appalling attitude towards the staff. After being in SamRyans above 3Alleys Pub http://www.3alleypub.com/ for four days running, calling the bar girls whores, pestering the patrons for drinks and generally making herself unwelcome, she was politely asked to leave. This is what happened.....................


Note. She was screaming and shouting for a while before the video was started and the video was being taken for evidence incase of a criminal offence. She was in no way victimised or subjected to any form of racism. She could have left at anytime of her own accord, it was a just good fortune she provided material for a great video!

哇！港女示範用胸開酒樽！

實試 32D美乳開樽蓋

7個結識國產潮男的準備！

主題：7個結識國產潮男的準備
簡介：香港女多男少，交男友難度高，有否想過將目光北移，找一位國產潮男？看片學習啦！
日期：2010-10-22

【轉】陪旅行社太子上房 高海寧即揸 30萬寶馬 ﹝有片︰咪神高海寧陪完仔 shopping﹞

陪旅行社太子上房　高海寧即揸 30萬寶馬
Face
2010年09月29日

高海寧 34C身材一向勁，呢張上年為《美女廚房》去泰國拍外景時的經典象拔咪相，更加係宅男必儲。

選港姐前仲喺女人街打躉嘅無綫咪神高海寧，最近同旅行社太子丘至剛（ Andy）打得火熱，把口唔肯認，上週五（ 24日）本刊卻撞破高咪神着住街坊裝鬼鬼鼠鼠陪男友上男方位於深井海韻花園嘅住所。
孖得太子爺男友，高海寧自己點可以失禮，最近更忽然見佢新牌仔揸部價值 30萬的寶馬新車四圍遊。
咪神吸金升呢快，幾時都話咪睇小女人。

• 互動片段
  
  咪神高海寧陪完仔 shopping
  

6呎太子爺

高海寧男友丘至剛身高 6呎 3，年約 30歲，喺加拿大 York University讀數學系，畢業後回港幫父親打理「東南西北旅遊有限公司」，旅行社主要幫人訂機票、酒店和自由行套票，現跟家人同住的深井海韻花園，是丘父於 93年以 240萬買入，現市值約 300萬，丘至剛唔算太富貴，但都算薄有家底啦！

24/9

19:00凌志接送
男友貴為旅行社太子，平時出入都有部價值 58萬的凌志四驅車車女友，之前亦試過俾雜誌影過喺此車內攬啜數分鐘。

19:45撞破揞面
男友買餸擺明準備同女友返屋企撐枱腳，可惜後來高海寧發現記者，除了刻意用手掩面外，又上樓 10分鐘即撇，連短聚都唔想俾人知。

19:55 10分鐘急閃
入屋遮晒樣，離去時就大方任你影，不過咪神冇叫男友揸車，自己搭的士去海港城繼續做騷。

20:45買貴嘢
揸得 30萬寶馬梗係要買番啲靚嘢襯吓，上週五（ 24日）高海寧從男友家閃撇後，明知有記者跟都繼續到尖沙咀海港城買 Giorgio Armani化妝品，擺明要話畀大家聽升咗呢。

高海寧的新款寶馬 118i私家車車價 27萬 8千，車輛登記顯示剛於今年 8月 24日落地，但登記人則是一名叫 Keung Oi Kam的人士，高的經理人話部車係佢自己儲錢買，咁點解又唔用自己名登記呢？

25/9新牌靚車

08年港姐出身嘅高海寧當年雖然落選，不過 34C上圍令人印象難忘，至上年 9月《美女廚房》泰國鹹象鼻事件，無綫新咪神正式誕生，連蘇民峰主持《民峰學院》都話佢條事業線生得好。

實花弗男友

雖則話高海寧谷胸搵到食，但女仔始終搵個靠山最實際。上週五（ 24日）高海寧呢頭喺旺角朗豪坊行完街，嗰頭就有個身高 6呎 3嘅旅行社太子丘至剛（ Andy）揸架凌志四驅車接送，跟住兩人仲直駛往男家位於深井海韻花園住所，可惜臨門一刻高海寧發現門外有記者，掃興逗留男家 10分鐘就搭的士走人。高海寧要把握時間黐實男友，原來全因太子仔個底有啲花，據知情人士說：「其實 Andy份人都幾花弗，加上佢有 6呎幾高又幾靚仔，一向都好多女埋身，所以高海寧一唔開工都會陪男友，方便實佢呀！」

新牌仔揸寶馬

上完男友屋企，翌日（ 25日）出席活動嘅高海寧突然揸架落地個多月、價值近 30萬嘅寶馬 1系新車離開，仍要貼 P牌嘅高海寧沿途打錯燈又行錯路完全係新手，揸住架寶馬個多月唔揩花都算奇蹟。
週一本刊致電高海寧問她有關摸上男友家同有新車揸，高海寧只透過經理人 Cindy說：「架車係佢呢兩年接 job儲錢買 o架，仲有嗰個男仔（丘至剛）只係佢好普通嘅男性朋友，佢哋冇拍拖呀！」斷到咁正都仲可以話係普通朋友，唔通真係當人儍嘅？

高媽與繼父於女人街擺檔賣銀器，週一本刊問佢繼父阿女有冇帶男友仔畀佢見吓先，繼父只說：「唔知你講乜喎！」同阿女夾晒口供！

健康靠對胸

咪神高海寧有身材亦多負責水着拋胸谷收視，最近終於有套《健康奇案錄》而叫做有啲正經嘢做吓，佢仲話節目出街之後好多人當佢醫生乜都問一餐。
高海寧一心講吓醫學可以洗底，可惜網民嘅注意力似乎仍只集中喺佢嘅 34C身材上，有網友又提議個節目「不如驗吓高海寧對波係咪真好過啦！」想洗底，暫時未得囉！

高海寧於《健康奇案錄》封咪講解醫學常識，可惜網友仍然只集中討論她的外貌和身材。

【轉】港女扮韓妹 A貨少女時代抄到開騷 ﹝有A貨跳舞片！！﹞

港女扮韓妹　 A貨少女時代抄到開騷
Face
2010年09月29日

A貨「少女時代」連制服同 pose都跟正版一樣，成隊除咗一個讀緊 IVE外，其餘全部係中學生，最索嗰件係排頭位嘅 Aya，算有市場策略。連死忠「少女時代」歌迷會（ SONE）成員阿倫都說：「佢哋 ok o架，跳得幾好，唔會討厭佢哋嘅！」

上年韓國少女組合 Wonder Girls憑一首〈 Nobody〉 hit爆，連福祿壽都爭住跳佢哋隻低能舞，不過 WG得頭威，未夠兩年已經俾死敵「少女時代」踢低晒。
「少女時代」氣勢勁，最近喺香港亦有隊 A貨組合全套制服抄到足，最叻係班女無師自通跳「少女時代」舞步亦似模似樣，仲俾 apm、 megaBOX等商場睇中邀請表演。最衰家陣冇咗《殘酷一叮》，唔係上埋電視發到圍呀！

• 互動片段
  
  A貨少女時代抄到足
  
  
  

查實呢隊 A貨「少女時代」隊名叫「 Sweetness」，全隊有 15個 90後 o靚妹輪流上陣扮「少女時代」，雖然佢哋次次出騷都係咪嘴齋跳唔開聲，不過勝在舞步同造型神似，一樣被各商場同亞洲遊戲展邀請做表演嘉賓。

抄埋封面
A貨乜都抄到足，連「少女時代」 09年嘅大碟《 Genie》封面都抄埋，但當然冇堅版咁多 details位。

正版

「 Sweetness」將早前喺亞洲遊戲展嘅表演短片放上 YouTube，唔少網友讚，仲有人話：「跳得好睇過李蘊同劉欣宜！」

正版
「少女時代」唱新歌〈 Oh!〉時所着的數字衫加白色熱褲， A貨亦抄足 8成。件數字 tee係專登搵人印，唔使$100。

周秀娜經理人 Roy：香港好少呢類組合，佢哋呢隊雖然高矮肥瘦不一，唔排除都有自己 fans嘅，其實入面有幾個人都幾 sharp，其中以 Aya最正，可能有市場，但有啲應該去『修身堂』走番轉囉。

貼錢出騷

呢隊 A貨港女頻頻出騷，但表演全部冇錢收，最多只有少量車馬費，平時仲要貼錢租場地練舞同訂做制服。成員 Yuki話：「出騷冇錢 o架，我哋全部都仲讀緊書，一放假就約出嚟練舞，就算喺屋企都喪煲 MV！」要讀書又要扮 A貨，當中梗有家人唔贊成，另一成員 20歲的 Miyuna說：「阿媽覺得我嘥好多時間跳舞，所以今日出 show都唔敢畀屋企人知！不過我覺得成班人做到一件事好有成功感，好滿足，所以都會 keep住扮！」
扮得咁落力，應該又係另一班發明星夢少女組，但 18歲的團長 Misako則堅持說：「我哋好鍾意外國組合，又鍾意跳舞，所以先組嚟玩吓啫，試過出騷後有星探搵過我哋，不過我哋冇考慮，所以連名都唔記得喇，組合喺香港好難紅，真係有人捧先算啦！」
連組合難撈都諗埋，定係想自己殺出重圍先？

港女爭跳韓舞

Rick

韓風吹得勁，唔少港女亦學跳韓國舞，曾獲無綫《財經透視》訪問嘅排舞老師阿 Rick淨教學生跳 MV舞都月入 5萬，佢話：「我 8堂收$640，最多人學跳 Super Junior同『少女時代』嘅舞，幾乎全部係學生，大部分學嚟自娛，好少諗住表演！」

A貨貼錢排練

上週四（ 23日）， 9位「 Sweetness」成員為晚上的屯門區議會中秋晚會表演綵排，租場錢自己畀，而主辦單位說：「係我哋主動搵佢哋嘅，上次喺 apm見到佢哋覺得好 impress！」

「少時」允兒最紅

喺「少女時代」中，以允兒人氣最高，允兒除咗單飛拍廣告， 08年擔正做主角的韓劇《你是我的命運》更成為韓國最高收視劇集，在港 fans亦最多。反而隊長金泰妍（右一）則只專心唱歌，冇乜其他搞作。

右四

允兒

WG急跌

信和另一專賣日韓唱片的「 Echo」老闆亦說：「《 Two Diffenent Tears》冇乜人買。」

08年紅極一時嘅 Wonder Girls憑一首〈 Nobody〉衝出亞洲，成為當年銷量最高韓國女子組合，估唔到今年 4月出的新碟《 Two Diffenent Tears》直線仆直，喺南韓最具代表流行榜《 SBS人氣歌謠》未攞過冠軍，新碟喺香港銷情一樣不濟，據信和專賣日韓唱片的「鋪頭仔」負責人胡先生說：「 Wonder Girls去貨好慢，一日都賣唔到一隻，反而『少女時代』就斷晒貨，連韓國都冇貨返。」

援交少女有得揀？

主題：援交少女有得揀？
嘉賓：畢國智、邵家臻 、謝紀良、曾國祥、援交少女May （化名）
簡介： 後生最緊要有say，我的身體我話事，但係一個萬事向錢看的社會，身體有幾多成係屬於自己，屬於個人？
日期：2010-09-28

【轉】港女過埠賣肉求存

港女過埠賣肉求存
壹週刊
新聞耳目
2010年09月16日



隨着香港夜總會沒落，一向在香港做小姐的港女 Miu Miu，唯有過海到澳門做「外勞」。

九十年代，夜總會「陀地港女」代表高質素，市價一向比其他小姐高，時至今日「港女」卻淪為貶詞，既不及北妹豪放，又不及台灣妹溫柔，市價一落千丈。

港女為掙扎求存，不惜放下身段，過海到澳門與北妹爭食。原來澳門近年因賭業興旺，連帶夜場娛樂亦一日千里，為加強競爭力，不少澳門夜總會聘請港女到澳門做外勞，專門服侍一批依舊對港女有幻想的大陸賭客，港女終可在夜場中苟延殘喘。

不願漂洋過海賣肉的，則只好扮成 o靚模，繼續在油尖旺樓上夜總會留守苦戰。

近期不少歡場客都在熱烈討論，指今日要玩高質素「陀地（港女）」，不是去香港夜總會，反而是去澳門。
原來近年澳門賭場興旺，不少賭場夜總會為了吸引更多大陸賭客幫襯，聘請各式各類小姐駐場，除了例牌北姑和台灣妹，還有來自俄羅斯、韓國、日本等，當中最受歡迎的，便是近期大熱的港女陪坐。

記者跟一班色途老馬來到澳門新葡京賭場的華盛世俱樂部，該店經理帶來八名小姐到房內挑選，有穿比堅尼的來自福建、穿肚兜的來自韓國，還有幾名穿 Tube top的鬼妹，一名身材最矮小，穿中間開胸旗袍的竟是來自香港。

大陸佬愛港女

該夜場經理阿昌忙不迭地推介說：「起初因為有大陸客要搵識講廣東話的小姐，我哋啲大陸小姐全部講鄉下話普通話，佢哋唔 like；後尾有個好熟的大陸客問我哋有冇香港女仔，佢仲建議我老細不如請香港女過來做。老細覺得有得諗，一來港女根本喺自己地頭搵唔到食，請佢哋過來做唔會好難；二來又可以吸引班大陸客，啲大陸客始終鍾情香港女仔，以為佢哋唔同啲。」

阿昌說該夜總會遂在今年初開始聘請港女駐場，本來只得兩、三個，後來市場反應熱烈增至現時七人，樣貌身材雖比不上北妹，但卻有大陸捧場客，廿一歲的 Miu Miu算是最紅的一個。



廿一歲的 Miu Miu以「港女」身份在澳門夜總會做小姐，成功吸引一批仍然對港女存幻想的大陸賭客。




在澳門做小姐， Miu Miu自覺有市有價，地位比北妹高。

陪客人入賭場

Miu Miu七月入職，貌似江若琳的她五呎四吋、九十八磅，平胸無身材，愛減肥愛名牌愛錢，是典型港女類型。

「喺香港做過拳手搵唔夠食，之後去過旺角夜總會做 partime仲衰，啲場又舊又臭又無客，而且佢哋話我唔夠高唔夠班北姑大波，又話我寸，咪唔撈囉……」 Miu Miu呷一口酒後說，她在香港「不值錢」，但在澳門卻「有價有市」。

「啲大陸客特別鍾意我香港妹妹仔，話我哋有 feel有性格識得駁嘴，而且會知道我哋有 taste識講幾嘴天下事，識乜嘢係名牌識講英文，所以老豆（夜場經理）特別照顧我哋，平日 keep住我哋幾個香港女仔淨係招呼熟絡的大陸客，我哋喺澳門唔知幾矜貴。」 Miu Miu自負地說，大陸客還喜歡帶她去賭場，有港女陪着賭，幫口用廣東話說「要牌」，或「投降」，大陸客也特別高興。

每月底薪三萬



到澳門做小姐三萬元月薪做底薪，每次一千五百元肉金再與公司分賬，收入穩定外，比在香港賺得多一倍。

她笑說當自己是以「外地專才」的身份來到澳門當外勞，身份是夜總會專業人士，地位超然，雖然要穿性感旗袍，但比起透視裝的北妹而言，仍自覺高一班。

「我哋香港女仔連住宿都好啲，公司安排我哋住宿舍兩個人一間房，大陸妹六個人一間；我哋香港妹肉金千五，大陸妹千二咋，平日經理對我哋都特別客氣，不會呼呼喝喝，我哋乜嘢待遇都好啲。」 Miu Miu說該夜總會合約寫明月薪制，每月底薪三萬，一個月四天假期，公司還提供每月四套港澳來回船票讓她回家，全部符合澳門外勞法例。

她說，來澳門賺錢還有個好處，就是逼着她日日上班，沒有外出花錢的機會，變相逼她儲錢。目前她一星期才回港一次，家人問起，也只表示自己在澳門賭場做公關工作。

港女貪婪本性



Miu Miu是典型港女（左二），貪錢貪名牌，回港後最愛到蘭桂坊蒲。

「不過，除了底薪，出街、過夜的錢都要交返公司，客人喺公司裡面的任何打賞都要交返公司，我試過有個客喺場裡面醒我一千，都要交返公司。而且遲到罰二千，唔返工病假罰三千，有客投訴罰三千……好似返回學校被嚴管。」她不願透露肉金分賬，只表示每次一千五百元的肉金與公司拆分，整體收入高過香港數倍，所以她打算港女熱潮在澳門方興未艾，趁機賺一、兩年快錢。

「公司乜嘢都罰錢，我一個香港女仔千里迢迢來到澳門搵食，乜嘢都要錢，好慘，你俾多啲貼士我啦。」典型港女的 Miu Miu最擅長瞪大眼搏同情，且滿口是錢，出街時又刻意走到名店街附近想買手袋。

「我最鍾意 Prada同 Gucci，仲有我個名 Miu Miu。」她咧大嘴不住叫記者買名牌。

悽涼身世搏同情

Miu Miu說自己是獨生女，在香港灣仔一所中學預科畢業後曾任職文員，其後遭逢家庭巨變才做夜總會小姐。

「我同父母住喺牛頭角，老豆做小生意，本來是小康之家，不過老豆因為金融海嘯破產走去做大廈保安，阿媽要去酒樓做清潔……嗰陣做文員得六千蚊收入，放工之後我就去尖沙咀諾士佛台的 Bubble做拳手，時薪得九十，始終捱唔到，後尾有人話去澳門做有得撈，我只希望儲多啲錢可以供養自己父母……」

她苦不堪言地訴說自己的故事，看來是想搏不同客人同情。反而另一名同場港女 Joey，卻說出了另一版本，廿六歲的她坦言她們這班港女之前都是在尖沙咀柯士甸小路的「俏佳人」做小姐，這間場以前專做陀地 o靚妹，後來因為生意不好才轉戰澳門。

「初時做都有三幾萬收入，後來真係好難撈，啲客全部返大陸玩，有時返工真係要獨自飲悶酒，坐成晚蚊都冇隻。」 Joey說離開俏佳人之後曾經想轉行，不過回頭很難，聽聞澳門新葡京請人，便打電話託人搭路。

「我哋過澳門撈起碼都仲有價，收入好過香港之餘，我覺得自己更受歡迎，而且呢邊無嘢玩無嘢俾你使錢，只要唔賭，容易啲儲錢……」 Joey說。




幾個港女一早到公司戴大眼睛貼假眼睫毛，又大露事業線務求吸引多些貼士。




澳門夜總會為了增強競爭力，聘請各式各類的小姐駐場，比堅尼的是北姑、穿着最保守旗抱的（右二）是近期大熱港女，南北佳麗同場比併。




部分繼續留在香港夜總會做小姐的只有搞搞新意思掙扎求存，性感熱褲扮 o靚模吸引麻甩佬。

扮周秀娜搶客



最後來客仍然得小貓三四隻，幾個阿伯在場嘩叫， KK在偌大的梳化自飲半醉，慨嘆在香港做小姐都甚艱難。

不願坐以待斃的港女，隻身赴澳門掘金，另一些不願離開香港的，只好留守夜總會苦戰。

其實近年隨着香港夜總會沒落，不少本來在尖東一帶豪華夜總會做公關的，都被迫轉工，本來在旺角、佐敦及油麻地一帶樓上夜總會做小姐的，就唯有鬥平鬥賤搶客，但都毫無起色。

「其實根本冇得做，得番好少熟客，不過老細只求搵夠租養住班舊伙記，而且執一間無一間，老細只係想 keep住個牌。」佐敦道「怡情島」夜總會做小姐的 KK說。

KK在該夜總會做小姐兩年，目前每月收入只約一萬多。

「客仔都是附近的咕哩佬，唔得閒返大陸先來，根本唔使得多錢，我哋唯有鬥平，什麼水著之夜，免費任飲玩遊戲，幾百蚊一晚任玩。」 KK說。

當晚「怡情島」夜總會就舉辦了抽獎活動，還加添「 o靚模行 Catwalk」環節，希望搞搞新意思吸引客人。 KK與另四名港女都算勤力，未到黃昏便穿性感短褲背心返工化妝，還買來雪糕準備當晚扮周秀娜舐雪糕，不過當晚又是小貓三四隻，只得幾位阿伯在場嘩叫。

戴上大眼睛隱形眼鏡，配以誇張的假眼睫毛，並在胸口擠出一條「事業線」， KK坦言以前從未想過，做「雞」都要搞這麼多包裝，最使她洩氣的，原來一個女孩，把自己的尊嚴底線放到最低，竟然還是賺不到錢。「我哋廿零歲已經叫老，啲人一係上大陸，一係上網搵十零歲援交妹，以前入行聽媽咪講，呢行點都捱到卅歲，依家睇來廿五歲就要退休。」

「有姊妹曾經過來話可以幫我搭路過澳門搵食，可以揀的話我始終想留番喺香港，班 friend同屋企人喺度邊個想離鄉別井，而且去澳門日日困喺夜總會同客做，咁同以前北妹去砵蘭街跑鐘有咩分別，我唔想咁 cheap。不過你睇今日個場面，就知道呢行女仔，一係轉行，一係過澳門，其實已經無得揀……」半醉的 KK躺在沙發上嘆息地說。

港男港女典範︰情聖蔡子強 vs. mean 爆張寶華

轉貼一下近日的鬧劇，男﹝蔡子強﹞的戇直，女﹝張寶華﹞的 mean 爆。年紀一把的港男港女典範…

首先 quote 一段 蕭若元 蕭鼓聲中 節目講述本事件看法，好好笑！！

2010-04-30 ( part 3) - 蕭若元頻道-蕭鼓聲中(第88集).mp3

等待愛

蔡子強

說要訪問蔡子強，同事間引起一陣小哄動，「唔好啦，又講政治。」

在政治名嘴形象以外，想不到蔡子強也有情深一面；已進展到談婚論嫁階段的女友，一聲不響走了，蔡子強極痛心，要經過長達三年半的療傷期，才能再爬起身。但是愛過、痛過，他的人生已大不同，自言懂得看女孩子眉頭眼額，對女仔也敏感多了。

愛情路上，他跌跌碰碰好幾次，少年時怕女生，大學時代識女仔太過煞有介事，長大了煲過無數「無米粥」，加上失戀重創，寂寞中年等待愛情再來臨，蔡子強自喻是漫畫家朱德庸筆下的一條狗，「狗仔在街上散步，沿途看見的人類，不是嗌交就是爭家產，但牠依然樂觀，認為往前走總會遇上好風景的。」

女友不辭而別，蔡子強整個世界幾乎塌下來，因為當時他的人生色彩，是女友為他蘸上的。

「我是那種只顧工作，做到累了在辦公室過夜的男人，只會煮公仔麵加兩條腸來吃，但九九年認識她之後，她教我欣賞北歐樂隊組合Secret Garden，她又會煎龍柳、香辣蝦，我放工回家就有得吃。」

蔡子強口中的這個她，氣質有幾分似藝人李若彤，她成為蔡子強的人生動力，「以前沒時間去旅行，連睇戲都少，和她一起後，朋友說我改變好大，成個住家男人款。」

女友○○年到英國唸書，分隔兩地，感情自然多變數，蔡子強為了維繫感情，逼自己清晨七時起打電話，一星期做足七日，放長假立即飛過去陪女友，本來覺得送花浪費的他，情人節破天荒從網上訂了一紮橙色玫瑰，「識做」地送上驚喜。

高山求婚記

一年過去了，女友沒變心，蔡子強的心定下來，「所以，我真的沒想過大家會分手，我是想結婚的。」事實上，他真的求過婚，就在女友畢業那年，大家一起去旅行，當攀上瑞士的少女峰時，蔡子強從袋中拿出戒指，正想開口，偏偏高山症發作，他躺在女友大腿上，嘔到七彩，只能把戒指遞上去，場面非常「黑色幽默」，女友忙照顧他，沒有回應，蔡子強又傻得當正「打風都打唔甩」。

感情維持了四年，就在○三年「七一」前夕，女友無聲無息走了。

「好似拍戲咁，放工回家發覺她所有衣服、鞋襪、書籍、ＣＤ都不見了，但那隻戒指就留了下來。我打電話問她搞乜鬼，她cut了我線，之後連電話號碼都改了。」

蔡子強最初好嬲，嬲到寫了封充滿怒氣的電郵，但最後扣起沒有send出，「她點解不給我一個機會？點解唔好好傾？」蔡子強最難過的，是女友在他人生最低潮時放棄了這段感情，「她離開我的同一個星期，城大傳出會解散副學士，我教的部門可能執笠，我或者會失業，她怎可能在這個時候丟下我一個？」蔡子強同時要面對的，是九八年買下的物業變成負資產的壓力。

「壓力大到透唔到氣，想搵個黑洞埋葬自己算了。」

怒氣過後，是更深的不忿，蔡子強不斷問自己，問朋友，到底做錯了甚麼？「一直以為愛情好簡單，只要你關心我，我關心你，又沒有第三者就得啦，原來都係唔得。有時我反而希望是第三者令她變心，可以明正言順憎佢。」每次說到傷心處，總忍不住淚流滿面。

多謝口罩

「試過好多次搭地鐵時，女友影子無端端走出來，堂堂大男人就在車廂內流眼淚，幸好那時是沙士時期，我戴口罩遮，無人睇到我出醜，所以我要多謝口罩。」

蔡子強思前想後，都想不出分手死因，直至朋友向他訴苦說，每晚洗澡都很久，原來浴室是他唯一可以逃避太太的空間，「我才猛然驚覺，女友臨出走前，同樣沖涼沖好耐，我還問她做乜沖成半個鐘？原來她早想逃避，有時她又說笑般的說要『飛』我，如果我敏感些，無理由唔知佢唔開心。」

蔡子強仔細回憶，女友心死，或跟自己的「大佬」性格有關，「女友從英國回來後，工作上跟老細鬧得很不愉快，嚷要辭工，我說辭乜鬼工，你讀書把錢用得七七八八了，況且打工一定唔開心……」

「我嘗試說服她現實點，以為自己是她的mentor，現在回想，我可能錯，沒有察覺她極度不開心，她未必想要理性分析，而是要我和她站在同一陣線，一齊去鬧佢老細，可能她認為我不體諒佢。」

蔡子強在家中是大仔，中學參加辯論隊，大學又是學生會主席，一直扮演「大佬」角色，習慣了「很男人」、「很理性」的處理問題，忘記了感情不能以辯論去定輸贏。後來，女友不理他反對，自己辭工了，沉默的空氣，亦逐漸在兩人之間漾開，「沒怎樣吵過架，她總是鼓埋泡腮，本來計劃和她旅行散心，但因為沙士，航班取消了，幾日後，她就走了……」

衰遲鈍

他的財政狀況也實在差，無法說出「我養你啦」此等豪言壯語，減輕女友的鬱結。

「現在我可以好瀟灑的說：『你咪辭工囉，我照顧你！』但當時層樓負資產，城大份工又危危乎。」

經歷三年半的時間沉澱，蔡子強慢慢了解，自己衰遲鈍，不夠敏感，不夠體諒。

「問題是日積月累的，佢同我講生活不開心，我就只同佢分析，講大道理，有時對女人，聆聽更重要，不必講咁多道理。」

蔡子強很遲才學懂與女生相處。中學唸男校，有點怕女生，上學時在電車站見到鄰校校花，蔡子強只是遠遠地望，和她一起上車下車，望了兩年，望到人家轉校，消失了，失落了一陣子；中五暑假和同學柴娃娃學日文，又見到靚女，「她有次和我們一起乘電車，更站在我前面，我個心十五十六，好唔好同佢傾偈？結果都係無勇氣，事後我好，唔通個女仔會主動開口咩？梗係我做主動啦！」

中七高考，等入試場時，有女仔主動和蔡子強傾偈，問他「考試呀？」、「讀邊間學校？」等無內容只為打開話匣子的問題，「我又唔知點解蠢到唔問人電話，傾完就走。」

更多無厘頭瘀事，大學時期繼續上演，約心儀對象去看戲，人家第一次不應約，就當成拒絕，他就連朋友也不做，有女仔叫他去食飯，他又想：「我又唔係追佢，都係唔好了。」

「現在至識諗，當時識女仔太過煞有介事，其實應該識多些朋友，我想得太複雜了。」

大學畢業後，他有過些像霧又像花的感情，一個約會了幾個月，對方竟說：「我未ready。」有些約會又總有一大班人在旁邊。跟女性發展親密關係，對蔡子強來說，複雜過討論普選議題。

對不起　想攬你

直至遇上前女友，人生才出現色彩，亦正因如此，蔡子強需要三年半時間，才逐漸忘懷失戀之痛，「她每年生日，我都send電郵約她吃飯，她總說不，我會很不開心，直至去年她再拒絕我，我卻再無沮喪，我就知道我好番了。」再入情場，蔡子強說，他不會像從前般粗心大意，「我喜歡朱德庸筆下的一隻狗，雖然見盡人間悲劇，但依然樂觀向前走，相信前面會有好風景，我等待愛情亦一樣。」

「你問我有乜心願，我想再見她一次，跟她講句『對唔住』，然後攬住她，痛痛快快喊一場，從前的我不夠好，現在我懂了。」

給女友的電郵

分手三年半，蔡子強不時給女友寄電郵，她都只回覆幾個字，後來更完全無回音，這是他向女友發的最後一封。

「分開已經四年了，沒有你在身邊的日子，很想做的一些事：

一邊讓你躺在我腿上靜靜看書，一邊撫摸你的頭髮，

在洗澡時幫你搓背，

把我的牙刷和你的，偷偷對換一次，

去看你的父母，次數盡量比看我的父母多，

每天醒來時，看看你熟睡的樣子，然後輕輕吻你一下，

在街上走的時候，不讓你離開自己半米，

晚上故意叫醒你，聽你倦懶的聲音，

每次過馬路的時候，都要抓住你的手，

下雨的時候，出現在你面前，

認真聽你每句話，

分開後，希望你能找一個比我對你更好的男人，

每天都感激上蒼，曾經讓我們相遇、相知、相愛……」




男女大不同

蔡子強和女友常常周遊列國，男的喜歡拿地圖搏命行，偏偏女友想睡到日上三竿，「佢話平日做好辛苦，旅行不想太早起，但我十點已催佢，喂，起身去玩啦。」為了幾點出門口，二人都會嘈一餐。

去景點怎樣走，兩人意見亦不同，「佢總問我有無行錯，有時會窒佢，說『地球是圓的，理論上行哪方向，最後都會到達目的地』，氣得她鬧我，話咁叻你行飽佢。」

現在一個人旅行，蔡子強常想起這些往事，「家無人同我拗，行幾遠都得，可惜風景再美，都只是一個人。」

資料來源 : 東周刊

原文︰http://www.hkheadline.com/culture/culture_content.asp?contid=35501&srctype=g




男人不壞，女人不愛?
張寶華

男人不壞，女人不愛? 這句話是梁家權在他星島的專欄內問的。(題目是:蔡子強不壞)

男人不壞，是不是就沒有女人愛? 作為女人的我可以告訴KK (家權的英文名): 當然不是! 不壞的男人有人愛，只有心胸X窄的男人沒人愛!

所以，KK說的那位講師沒人愛，不是他壞，而是他小家氣。

那位講師曾經是我的朋友。(留意: 是曾經) 什麼時候不再是朋友? 就是當我在英國回來後一次跟他見面時交談，他一面傲慢，半隻眼沒有看過我，然後跟我說: (大概內容，因為大部份的我已經忘記) 如果你還想做記者，就踏踏實實地做吧! 我當時一頭霧水: 難道這些年來，東奔西跑還不是踏實? 然後他又在我面前眩耀一下自己作為 (最有前途)講師，人工如何豐厚 (不過是幾萬元而已) ，福利如何好…原本想老朋友一年不見，聚聚舊，結果被人噴到一臉屁，非常無癮。

我自覺無癮也吧了，不見就是了! 可是這位講師在人前人後，甚至在他的專欄內久不久就抽我水，說對我是大哥哥看待小妹一樣，看見我這樣很心痛! 心痛? 我做十惡不赦的事嗎? 簡單說: 他說我作為記者去社交場合是不對! 我年資有限而出書是我不對! 問了一個TOO SIMPLE的問題而被人關注都是我不對! 很多學界和政界朋友看到他的大大小小專欄後走來問我: 為什麼講師總是咬着你不放? 我苦笑。總之以後對他我就避之則吉。

哼! 就算真是十惡不赦，自甘墮落，本人上有高堂下有兄弟，要痛心疾首，還淪不到他的份兒! 何況是我根本沒有。

KK呀KK，所以你真是寫錯了! 難道你沒聽過 :可憐之人必有可恨之處嗎?

男人，好的壞的都會有人愛，就是除了是小家敗氣的一種。

原文︰http://cheungpowah.blogspot.com/2010/04/blog-post_14.html

蔡子強不壞
非佬正傳
梁家權

每一次見到蔡子強，都能從他的眼神感覺到他的寂寞，可惜我不是女孩子，無法排遣他心靈上的空白。他幾乎每次都半開玩笑的對我說：「最重要是先找一個女朋友！」我用感歎號，是完全準確描畫出他說這句話時的心情。

我們幾個朋友曾經研究和分析過蔡子強的形象與找女朋友的關係，我們不是八卦，而是從關心的角度，用近乎學術研究的態度去探討，希望為他推演出解決問題的程式。有人說他太正經的外在形象嚇怕了女孩子，因為別人看電視和報章上的訪問，只會認識到一個非常理性、論點清晰、針砭政治的學者，而很多女仔最怕被人悶親。不過，解構出這個因素的是男人，未必說得準。

起初我都這樣看蔡子強，但跟他在書展 上一齊睇檔多天，吃過幾次飯，又看過他寫政評和書評以外的抒情散文，對他的認識稍為立體。他的確是表裏如一的正經，但我認為正經只是他做人的原則，只是他過於珍惜和保護這個正經的形象，可能令有心人也難以接近。

一旦沒有鏡頭對著、不是站在講台上，他說話反應的敏銳，其實非常抵死到肉。他喜歡旅行，但我覺得他更喜歡家，很著重有自己的天地，他可以終日在家看書，是學者型的住家男人。人夾人緣，總有女孩子喜歡這種生活，只是彼此不曾遇上，又或者曾經擦身而過，卻被一道正經的高牆阻住晒。雖然有人說男人不壞，女人不愛，但相信蔡子強不會喜歡這種女人，而且壞男人通街都係，壞了的蔡子強更不矜貴。



kkleung1009@yahoo.com.hk