'Kanamara Matsuri' Festival of the Steel Phallus 2014 Japan

日本水晶球街頭藝人

日本競輪学校６１期学校生活第１部 １９８７年

Siri vs Japanese

Charlie "Two Cute Dogs" Kirk - A Documentary

TOKYO SLO-MODE

Smile + ひとりじゃない + Pray for Japan ！

【轉】港澳淪陷 AKB48 o靚界最強

港澳淪陷　 AKB48 o靚界最強
2010年11月24日
Face

AKB48成員由 13歲至 26歲，其中前田敦子曾經係最具人氣隊員，傳聞因為前田唔聽話，早前其所屬經理人公司「 AKS」搞人氣選舉，大島優子竟後來居上，打低前田敦子成票后，當上 AKB48第 1位人氣成員。

「 Morning娘」 out晒，呢期 o靚界至愛必屬由 48個 80、 90後少女組成的 AKB48。
喺日本紅到爆燈，最近 AKB48旋風更席捲港澳，信和、深水埗腦場變成 AKB集中營，上週只得 3個成員於香港官方專門店舉行握手會，一樣引到 200位港男爭崩頭排隊。
上週二更夾埋姊妹組合 SKE48到澳門開騷，雖只派班蛋散成員演出，但唔只港、澳宅男爭住捧場，連大陸粉絲都組團到澳門朝拜。史上最強美少女組合呢個朵，唔係齋吹。王祖藍又有扮嘢對象啦！
左起：
No.7小 嶋陽菜
No.3篠田麻里子
No.2前田敦子
No.1大島優子
No.4板野友美
No.16北原里英

以「每天都可遇見的偶像」為理念的 AKB48，於 05年組成，由遴選產生的 48位成員分為 A、 K、 B三隊，由秋葉原專用劇場演出起家的 AKB48，唔只唱歌、跳舞，家仲紅到參演定期綜合節目、電視劇、廣告甚至廣播劇等，上月尾推出新細碟《 Beginner》，首週已賣出 82萬張成銷量榜 no.1，喺人人 download少買碟嘅世代，打破 98年 Speed的《 All My True Love》首週創下的 60萬張紀錄，成為日本史上最強美少女組合，強！

16/11澳門晒馬
上週二， AKB48孖住 SKE48踩入澳門開騷，雖最紅成員前田敦子及大島優子等缺席，但勝在有 24位成員人多勢眾，仲玩埋制服誘惑又唱又跳，一樣引到班粉絲 high爆支持。

信和專架
由於 AKB48寫真集及做封面嘅雜誌多到爆，於信和專門出售日本偶像書籍嘅「橫濱」書店，更專門開一個書架放 AKB48嘅書籍。

殺入腦場
唔只信和，最近連黃金及高登等腦場嘅店鋪，都播 AKB48嘅片段吸引宅男，同少女時代搶地盤。

中港 fans勁迷

楊先生　學生
來自深圳嘅楊先生話：「最鍾意前田敦子，因為佢可愛又靚，唱歌又好，佢唔嚟澳門好失望。」

阿超　學生
來自廣州嘅阿超表示：「最迷小野惠玲奈，今次見唔到佢冇所謂，仲有其他隊員都好 kawaii。」

Miyo　學生
香港代表 Miyo：「板野友美跳舞好勁，我想飛去日本睇佢演出。」

17/11空降香港專門店

左起：
北原里英
河西智美
峯岸南

上週三， 3位隊員來港舉行握手會， 200 fans唔只排長龍見偶像，仲爭住畀錢買精品，迫爆收銀櫃位。

位於深水埗西九龍中心嘅 AKB48香港專門店，於中心（圖）外貼上一張成 4層樓高嘅大海報，好有氣勢。

佔地 1,800呎嘅香港專門店，唔係齋賣精品，仲有部大電視不斷播 AKB48嘅 DVD，引 fans入場。

店中最暢銷係只售 100件嘅限量 tee，售價成$1,000蚊都賣斷市。該店位於深水埗，負責人 Eric解釋：「因 AKB48由秋葉原出身，因深水埗跟秋葉原都係賣電腦嘅集中地，所以咪揀深水埗為總部。」

爆紅 5招

1密密水着
要吸引宅男，水着寫真唔少得，難得 kawaii隊員唔介意騷身材， 5年前出道至今，影過超過 20本寫真集。

2勁上電視
齋講今年， AKB48已有 8個定期演出嘅綜合性節目，差唔多間間電視台都見到佢哋，其中日本電視台製作嘅《 AKBingo》最受歡迎。

3夠多花臣
曝光率高外，最緊要係公司不停搞花臣，除每年搞一次人氣投票選舉，最近仲舉行「猜包剪揼大賽」，最後贏家可當上細碟封面中間嘅主角位，雖然無聊，但就造成話題。

4大師 MV
早前 AKB48，仲搵埋名攝影師蜷川實花執導單曲〈 Heavy Rotation〉 MV，當中板野友美更與前田敦子互咀搞 les，咪話唔激。

5日日開騷
由 05年開始， AKB48每日都有隊員於秋葉原 AKB專門劇場交替演出，完騷後 fans更可同偶像握手，夠晒親民。

大陸粉絲組團

上月 27日推出新碟《 Beginner》，至今大賣超過 100萬張；最近更獲雜誌《 Dime》主辦嘅「潮流大獎」選為最具話題人物。

於自己地頭紅到拆天，上年開始已衝出日本進軍美國紐約，最近更搶攻港、澳市場。上週二代表秋葉原的 AKB48夾埋代表名古屋的 SKE48先到澳門金沙酒店開騷，雖然 AKB48王牌前田敦子、大島優子及板野友美冇到，但 660張門票一早賣清光，當日更有一班來自廣州、深圳及上海宅男到場霸靚位支持偶像。
而 AKB48澳門演唱會門券，早於上月 20日於香港 AKB48專門店發售，雖香港只獲派 200張門券發售，但負責人 Eric透露：「喺門券發售前一晚，已有 fans通宵排隊，賣飛當日，唔使兩個鐘， 200張飛已經賣晒，都幾誇張。」港澳有市場，難怪 AKB48幕後主腦秋元康都對記者表明：「話唔定有日可以組成 Hong Kong48或 Macau48，又或者搵港、澳女仔加入 AKB。」

來港吸金

成功搶攻澳門後，食住上再攻香港。上週三便派出三名成員河西智美、峯岸南及北原里英踩入 AKB48香港專門店舉行握手會，唔只吸引約 200名港男排隊見偶像，更有 fans準備定禮物同分別於 15、 16日生日的峯岸南及河西智美補祝生日，氹到 2人鬼咁開心。最重要係班 fans肯扲荷包掃店內精品，據稱，峯岸及河西 2人價值 80元的肖像旗幟於握手會後已被 fans掃清光。 AKB48唔只係「 o靚界最強美少女組合」，仲係「史上最強吸金寶寶」喎。

音樂人唔 buy

DJ Tommy：冇乜驚喜
AKB48嘅 MV喺 YouTube每條都過百萬人睇，其中以互咀為賣點嘅〈 Heavy Rotation〉仲破 500萬點擊率， DJ Tommy：「 AKB48啲女仔質素好平均，但唱功唔算突出，但勝在夠青春，日本不嬲都好受呢種女子組合，換轉係香港就未必紅到喇！佢哋啲 MV就好平淡冇乜驚喜，但唱功比 Morning娘好啲。」
陳奐仁：意識不良
「 AKB48個形象好鮮明，又夠青春，佢哋嘅 MV雖然旋律簡單，但個編曲包含咗好多元素，製作亦相當揼本。加上佢哋人多勢眾，又可以同時間喺唔同地方出 show，增加曝光率，咁紅亦不無道理。不過可能係我保守，啲 MV嘅概念有啲意識不良，例如俾人偷睇或獻身畀男仔，睇完有少少唔舒服。」

DJ Tommy

陳奐仁

棄將拍 AV

曾是 AKB48核心主將的中西里菜，早前因腰傷退隊，之後卻突然改名叫山口里子轉戰 AV界，同原紗央莉爭飯碗。

5呎 2吋、擁有 34F上圍的里菜，曾於寫真集中夾出 6吋長專業線，絕對有料。

出道初期，里菜着住校服嘅形象，仲鬼咁純情。

改名為山口里子的中西里菜，處女 AV已於 8月尾出籠，片中她還 3點盡露，剝到盡。

港女抄到足

由 8位港女學生組成嘅「 shining hearts」起初只屬自娛形式 cosplay，喺各大大學秋祭 cosplay扮 AKB48跳舞吸引唔少龍友同宅男捧場。排練認真又揼本整制服，今年 10月仲被海港城睇中，獲邀喺萬聖節出商場 show添！隊長 Emily Chan喺本月 16日拉大隊去澳門睇 AKB48演唱會，夠晒神心。

真貨
《蘋果日報》圖片

港版
港版 shining hearts成員年紀同 AKB48相若，大部分都係在學學生，制服抄到足，驟眼睇又幾似正貨，當中以成員 Yuki（中）最索亦最似 o架妹。曾多次被邀出演同公開活動，連海港城同 Asia Game Show都有佢哋份。

「 shining hearts」仲擁有自家 blog放活動相跟 fans分享， AKB48粉絲就話：「佢哋好努力，不過同正版 AKB48差好遠囉。」

AKB48 寫真連結︰

• http://harem.servepics.com/category/japan/akb48

蒼井空自爆無乜人追！

蒼井空教「超變態」

主題：蒼井空教「超變態」
嘉賓：蒼井空、麥浚龍 Juno
簡介：Juno(麥浚龍)與AV女神蒼井空在新片《復仇者之死》飾演純愛情侶，兩人緋聞鬧哄哄之際，Juno公開與女模Janine(戴庚玲)拍拖。蒼井空不知拍擋原來蜜運中，高呼：「我唔知佢有女朋友！」
日期：2010-10-11

【轉】勁搶港模 Job 蜜桃胸松岡賣口乖：港仔溫柔啲 ﹝有片︰松岡李那拒學周秀娜拍性感照！﹞

勁搶港模 Job　蜜桃胸松岡賣口乖：港仔溫柔啲
忽然一週
2010年10月08日

最近中日關係因釣魚台事件勢成水火，日本人見到中國人喊打喊殺，而港人就罷去最愛嘅日本，連經常到日本搵食嘅 Angelababy都話暫時唔去日本住。
香港女神對日本避之則吉，但由日本來港搶名模飯碗、擁 33C並自封蜜桃胸嘅日模松岡李那（ Linah）就唔怕人身安全，繼續密密接 job。
松岡自言來港 3個月已勁賺 60萬，但為保飯碗，佢就賣口乖冧港人：「我好鍾意香港，呢度啲男仔都溫柔啲！」

• 互動片段
  
  松岡李那拒學周秀娜拍性感照
  

33C蜜桃胸
天生一副好身材嘅松岡， 5呎 7吋高，加埋 33C蜜桃胸，恨死唔少港女。

現年 23歲的日模松岡李那，來港只有 3個月，上月她與 Jessica C.出席活動時自封 momo胸（蜜桃胸）而為人熟悉，加上近排日播夜播的麥當勞廣告，令她人氣更盛，成為港模頭號勁敵！

來港搵真銀

家境貧窮的松岡 16歲已在酒廊賣唱，之後簽約日本環球唱片公司加入女子組合，可惜 1年貨仔即宣告解散，其後一直當模特兒，收入不多。去年她認識日本通王友良後決定來港博一鋪。松岡表示來港發展全為賺錢，「屋企唔算有錢，以前讀書都要自己賺學費，依家更加要養自己，仲想俾錢屋企人，等佢哋生活得好啲！」
松岡為改善家人生活來港打工，相比起自稱賺錢買花戴的日模椋名凜更得人憐愛。「我絕對唔係博同情，只係想盡我努力得人認同。離鄉別井工作係辛苦啲，不過呢度會有更多機會。依家身份係模特兒，不過我想行潮流路線，亦相信同 o靚模有一定分別。我學緊廣東話同國語，希望可以嘗試唱歌同演戲。」

日本仔大男人

適逢釣魚台事件，在港生活了 3個月的松岡話未驚過：「日本朋友都有打電話問我近況，佢哋都擔心我。但我覺得香港係個好安全嘅地方，香港人都對我好好，我完全唔驚。」松岡坦言大部分時間都在工作，甚少出街，所以並冇拍拖，不過她勁賣口乖，大讚港仔比日本仔溫柔。「我覺得日本男仔同香港男仔有分別，日本人好大男人，着重輩份。香港男仔溫柔啲，細心同浪漫啲。喺日本情人節係女仔送禮俾男仔，香港就掉番轉，所以我好想同港仔拍拖！」
松岡早前一口氣接下多個名牌廣告，又密密出席活動，因此 3個月勁賺 60萬。但她坦言害怕中日爭拗影響接 job量，「可以拍到香港大品牌廣告真係好開心。希望唔好受釣魚台事件影響，繼續有唔同嘅廣告商搵我啦！」

3個月狂賺 60萬

來港將 3個月的松岡，原來已密密接 job密密賺，睇嚟松岡嘅吸金力已經逐漸逼近港模！

出席商場活動約 20個共 15萬
廣告 5個（包括麥當勞、馬會、啤酒節、化妝品及名牌二手店）共 45萬
賺 60萬

松岡 7月時為蘭桂坊啤酒節拍廣告，大着三點式，非常惹火。

麥當勞廣告近排日播夜播，雖然松岡（左）出鏡率少過個包，但已經夠晒搶眼。

7月松岡出席啤酒節活動，拍住林莉雖然輸身高，不過真材實料 33C絕對有睇頭！《蘋果日報》圖片

松岡 9月初拍住 Jessica C.出席活動，當日仲自封 momo蜜桃胸，搶晒鏡！《蘋果日報》圖片

o架妹難紅

過往 o架妹來港發展，成績只屬一般，好似樋口明日嘉同椋名凜，前者喺香港娛樂圈闖咗十幾年，發展平平。後者雖然肯搏肯性感，但是非多唔討好。唔知松岡會唔會打破呢個宿命？

樋口明日嘉紙上明星

今年 34歲的樋口明日嘉， 96年在東京贏得第一屆《 CM美少女大賽》大獎後，在日本拍過廣告同出唱片，再俾蔡瀾睇中隻身赴港發展，可惜樋口來港後星運平平。令觀眾較有印象的除了與成龍傳緋聞外，就只有 04年一個豐胸廣告，以唔鹹唔淡廣東話講出經典對白「我要丟晒啲舊 bra」。近年樋口出鏡率非常低，只間中出席公開活動。

《蘋果日報》圖片

椋名凜是非多

08年由日本到港發展的椋名凜（ Rin），擁有 35E驕人身段，喜歡賣弄身材，有「日本版 Paris Hilton」之稱。一心來港做模特兒的椋名凜，被踢爆在日本曾拍 AV及全裸寫真。為求出位，她曾自爆港男黃長發以短訊追求她，又與周秀娜傳不和，即使是非新聞不絕，但工作仍然不多。