5種治不舉的偏方解讀

主題：5種治不舉的偏方解讀
嘉賓：香港性教育會主席黎定基
簡介：如果有人同你講，六神丸溝可樂醫不舉，你唔好驚唔好亂，睇今集百答教室，就知信唔信得過。
日期：2011-10-26

CFG - What Girls Look At

【轉】少男情聖

少男情聖
陳頌紅
2010年6月18日

都說上了年紀的女人比較喜歡跟年輕男子談戀愛。除了因為年輕男子體格精壯之外，科學的解釋，是他們非常重視愛情，幾乎人人都是情聖。他們為情所困的比重，遠遠高於同年紀的女性。這對於逐漸失去自信的遲暮美人來說，受重視、被需要，是不可抗拒的誘惑。

美國維克森林大學（Wake Forest University）社會學教授Robin Simon對超過一千名年齡為十八至二十三歲的年輕男女進行分析調查，發現傳統觀念認為女性比男性容易被情所傷的說法有商榷餘地。他在今年六月號《健康與社會行為》期刊（Journal of Health and Social Behavior）發表研究報告，指出青少年男性對於愛情出乎意料地比女性更着緊，一旦關係生變，傷害也尤其大。同樣，如果感情關係美滿快樂，他們的正面情緒會比女性更高漲。

Simon解釋，不論處於哪一個年齡層的女性，都比男性有更多可以傾訴心事的同性好友，而女孩子跟家人關係向來密切，當她在戀愛時遇上任何不如意的事，都有不同的人為她輔導和安撫情緒。

相反，青少年男性大多不喜歡說話。他們除了戀人之外，再沒有其他跟他有親密關係的人。正如Louann Brizendine在她的The Female Brain（《女人的大腦很那個》）中也提到，青少年時期的男孩，睪丸素濃度會急遽上升，而研究證實，睪丸素是令人降低社交興趣，不喜歡說話（除了運動和性交例外）的元兇。「我的世界只有你」，就可以輕易解釋為什麼年輕男子這麼重視他跟女朋友的關係。加上青少年男性剛踏足社會，在短時間內，都無法在工作上獲得大成就，在其他成熟而成功的男性面前甚至自慚形穢，能令他們拾回自信的，就是女朋友對他們的崇拜。

Simon認為，年輕男性因為自尊和存在價值的問題，比較需要一段穩定而快樂的關係。如果鎮日吵架，對他們的影響至深。而女性相對下重視的是對方能不能夠公開承認他們是一對。女性在關係不明朗或者一直得不到男友確認自己身份前，會顯得悶悶不樂。簡單來說，男性偏好無風無浪的愛情關係，女性就比較重視名分。有了名分，其他什麼都好說。

【轉】澳門大戰 3日 2夜 Jessica C.濕身巨乳夾死仔

澳門大戰 3日 2夜　 Jessica C.濕身巨乳夾死仔
2011年03月10日
壹週刊

「警鐘胸」 Jessica C.星期日（三月六日）出席完髮型騷後，便暫別香港娛樂圈，到美國荷李活為電影及廣告試鏡，與拍拖兩年巴西籍男友 Sergio，分頭搵食。
即將與男友分開三個月起碼，一開完工， Jessica即與男友出發到澳門度假。三日兩夜行程， 34D Jessica經常谷行「警胸鐘」，搞到 Sergio忍唔住，不時在大街大巷連環激嘴；二人又大玩鴛鴦戲水，招式多多！

分隔三個月

決定要勇闖荷李活的「警鐘胸」 Jessica C.，將暫別香港一段時間，到美國進行一連串試鏡，爭取拍荷李活電影機會。
「 Jessica對今次去荷李活好有期望，因為嗰邊嘅經理人公司話有唔少製作人對佢好有興趣，想佢儘快過去試鏡，所以今次佢會喺美國逗留起碼幾個月，睇吓有無機會被揀中。男友 Sergio會先陪佢去 LA，等佢安定好晒啲嘢，就去第二度做嘢， Jessica好唔情願同男友分開咁耐！」 Jessica友人說。

濕啜
兩人十分恩愛，不時「打茄輪」，就連在水中都不時車輪戰。

警鐘上身
著起泳衣， 34D「警鐘胸」即時上身，果然名不虛傳。

拋起
玩到興起， Sergio更將 Jessica成個拋起。

揸胸
Jessica採取主動，胸襲男友出手胸，不過 Sergio表現得十分享受。

擒住
Jesscia與男友在水中大玩花式，「擒、騎、啜、」招招出齊。

浮波
Sergio將 Jessica抱起，令她身材浮現在水面上。

取暖
當日氣溫只有二十度，一上水 Jessica即攬住男友取暖。

漏夜過澳門

本星期日 Jessica在港出席完活動，就正式暫別香港。

臨別秋波，一做完活動， Jessica便急急腳趕返灣仔住所，會合 Sergio到上環港澳碼頭，漏夜搭船去澳門；由於有不少人都認得「警鐘胸」生招牌而眼望望，故兩人未有任何親熱 舉動。

六星級享受

位於 氹仔路金光大道的澳門四季酒店，耗資十億美元（約七十八億港元）建造，雙人房間收費最平二千七百蚊一晚，最貴的總統套房四萬蚊一晚，房價已比旁邊的大熱酒店威尼斯人度假村高。
酒店共有三百六十間客房，分為高級客房、行政套房及最豪華的總統套房等八種房間，內有水療中心、多個大型會客及活動宴會廳、五個游泳池、六間餐廳及酒吧等。另有樓高三層的「四季．名店」豪華購物中心，擁有一百八十間世界名牌店鋪。要同男友分開數月的 Jessica C.，選擇六星級享受作為補償。

客房

泳池

到達入住的澳門氹仔四季酒店，同 Sergio在房內逗留了兩小時後， Jessica才換過全身造型，著住低胸吊帶裙谷行「警鐘」，與男友行去威尼斯人酒店搵食。巴西籍的 Sergio更刻意揀了一間食巴西燒烤的餐廳醫肚，陪女友食家鄉菜。
開餐期間， Sergio不時將食物餵到 Jessica嘴邊，情到濃時，即使食到成嘴油淰淰， Sergio照樣唔抹嘴就同女友嘴嘴，不過 Jessica未有介意，十分享受。

「警鐘」出山，在場男士到眼定定， JC鴻運當「胸」，第一鋪玩輪盤便買中，一賠三十五。

一到步，二人在房間休息兩粒鐘， JC換出「警鐘」低胸短裙，與男友步行到賭場賭兩手。

玩完之後， JC與男友攬埋如連體嬰經過購物中心的內衣店， Sergio對女裝性感內衣甚有興趣。

二人出動夜蒲， JC坐在男友身上，身體隨音樂搖擺，表情極之享受。

賭場有斬獲

食完飯去賭場， Sergio換了五百元籌碼，在賭場行了一個圈後，才決定玩輪盤。當 Jessica低身放籌碼一刻，全枱男賭客都被她的「吊鐘」吸住。結果開出 Jessica所買的號碼，一賠三十五，兩人興奮到即時攬住錫。
在賭場玩了接近三個鐘，有斬獲的 Jessica決定蒲吧慶祝，兩杯落肚，兩人愈來愈 high， Sergio一手從後攬住女友， Jessica就索性坐埋上 Sergio大髀，隨住音樂一路「 un」，蒲到凌晨三點，才返酒店。
第二日中午， Jessica同 Sergio見有太陽氣溫回暖，於是到泳池游水。著住黑色比堅尼泳衣的 Jessica， 34D「警鐘胸」身材表露無遺，二人先到暖水池熱身，再跳落泳池，當日氣溫只有二十度左右，落水後 Jessica凍到大叫， Sergio即刻攬住女友，攬了一陣， Jessica開始手多多胸襲男友。
女友主動出擊， Sergio還手，將 Jessica成個抱起掟落水，兩人越玩越激， Jessica成個人騎到男友膊頭上，夾實男友玩水戰，其間兩人又不時在水中濕啜，相當煙韌。

男友主動幫手壓腿，躺在地上的 Jessica，招牌「警鐘胸」依舊有睇頭。

在觀光塔預備一躍而下的 Jessica，一臉自信對住攝錄機，大講自己準備玩笨豬跳的感受。

Jessica成功從 338米高的觀光塔跳下來，興奮得猶如樹熊一樣拑實男友。

最後一跳

水中大戰完，再去 shopping，精力十足！一直到傍晚才返回酒店，跟住又落健身中心做 gym玩瑜伽，玩開健身的 Sergio主動幫女友拉筋，壓住 Jessica再將她成隻腳托起，花樣多多。
三日兩夜最後一日行程， Jessica與 Sergio去到 338米高的澳門觀光塔，激玩笨豬跳，兩人輪流從高空跳下，當 Jessica落到地面時，興奮到忍唔住成個跳起，再使出絕招，用雙腳夾實男友，裡裡外外都咁激。

兩模火併

兩女唔妥出面，出席 party時半推半就合照。

周秀娜曾對外透露會為新片，與死敵 Jessica C.一齊合作拍寫真，但上月尾， JC卻擺明車馬，不屑與比自己低檔的娜姐合作，「我同佢冇 嘢，唔係唔想合作，但唔係呢個時候！我想出一 啲可以表達我內心 嘅 嘢，想去更高層次，未必係寫真形式！」
周秀娜被公開嫌棄，忍唔住隔空罵戰，「件事其實未落實，不過冇 咗『警鐘』好大鑊喎，係咁就唔好去乾燥地方拍喇，去潮濕少少 嘅地方安全 啲！」之後，二人同場面左左唔肯合照，不和升級。

名模多仔

近年 o靚模輩出，條件較好如 Angelababy、周秀娜等極速升價，成為宅男女神，但女神身邊早已名花有主，亦樂於公開另一半，與圈中女星作風相反。

周秀娜

08年入行，憑住巨胸火速在模界打響名堂，名成利就，但對身邊的髮型師男友不離不棄，由於在佐敦開 salon的 Avis是兼職 model，娜姐走紅後，亦帶挈男友齊齊行騷搵銀。

Angelababy

Angelababy（楊穎）與 William（陳偉霆）玩完後，火速搭上內地億萬小生黃曉明，拍拖一年半，由最初相當避忌至今已先後四次拍拖斷正，戀情半公開。

Janice Man

入行前， JM（文詠珊）已與有米肥仔男友李冠峰拍拖多年，男友在旺角、銅鑼灣開時裝店， JM簽約 A Music後，獲老闆賜封「模 Art」，卻有傳黎明不滿她高調拍拖，迫令二人轉玩地下情。

情為何物？！﹝旁白勁搞笑﹞

蔡慧敏被封「勾夫達人」

主題：蔡慧敏被封「勾夫達人」
嘉賓：蔡慧敏 Joey
簡介：勾夫都有達人？擁有33F巨胸，有「大乳牛」之稱的性感藝人蔡慧敏，曾經與小雪前夫陳迅元開房，去年再與楊紫瓊胞弟楊南日在街頭激吻互摸，被踢爆與已婚男士關係密切，仲被封為「勾夫達人」，有乜解釋先？
日期：2011-01-09

FACE獨家 - 林宥嘉狂扯記者 G.E.M激動喝止

【轉】斷正 Boxing day食 G.E.M. 林宥嘉發狂打人

斷正　 Boxing day食 G.E.M.　林宥嘉發狂打人
Face
2010年12月29日

你不要這樣！(真實對白)
我不要保持風度！(真實對白)
斷正起火︰平時唱歌深情又溫柔，但被記者撞破即發怒強搶相機的林宥嘉把 G.E.M.亦嚇親， G.E.M.即時繑實男友手臂希望令他冷靜：「你不要這樣。」

聖誕佳節凍冰冰，人人想攬實另一半人肉暖爐保溫最浪漫， 19歲巨肺 G.E.M.都唔例外， boxing day終於等到男朋友仔林宥嘉秘密抵港陪伴，食飯睇戲拆禮物一氣呵成！
可能二人行埋一年未有準備斷到咁正，加上首次被記者撞破拍拖好事，林宥嘉突然發難拉扯記者追打，又發狂想搶奪相機，護花心切 5呎 3的林宥嘉變猛男。
其實拍拖又唔係偷情，兩個唱得小情侶外形實力都襯到十足，以一敵四搞到有損傷報警又嚇親女友仔，林宥嘉冷靜咗就發覺自己過分嘞。
今年初，首次推出國語專輯的鄧紫棋長駐台灣三個月錄音加宣傳，與星光小天王林宥嘉傳撻着，不過男女雙方都態度一致玩收埋，見面偷會又夠小心，相戀將近一年都係有聲冇畫，至週日（ 26日） boxing day下午出席完公開活動的 G.E.M.極速奔家，到晚上 7時，終於看見落了妝戴上眼鏡和口罩的小巨肺拖實一早在鄧家等候的林宥嘉從荃灣寓所步出過節，親密關係首次斷正。

溫馨拆禮物
下午做完公開活動時，笑到見牙唔見眼的 G.E.M.（右圖） boxing day跟男友見到面，就算只喺荃灣行街冇貴禮物冇名店， G.E.M.一臉冧樣，一對小情人戴埋情侶眼鏡仲全身黑，非常襯。

你（林）先放開！(真實對白)
女友嗌停︰大學讀體育及休閒系的林宥嘉蠻力扯記者相機帶時， G.E.M.高聲勸阻話：「你先放開好不好！聽我說好不好！」混亂中記者被抓傷手背。

你們不要再拍。(真實對白)
怒搶相機︰記者和 G.E.M.力勸，亦無法平復火爆的林宥嘉，攝影閃光燈亦因此跌爛。

忽然後襲︰一輪拉扯後，為在女友面前表現英勇一面，身材瘦小的林宥嘉以一敵三， 5呎 3都變小巨人，忽然從後撲向記者想再搶另一記者攝影機。

我不信你們（香港人）這套！(真實對白)
拑手批踭︰搶相機事敗，林宥嘉轉攻另一位手持攝錄機的本刊記者，其間施拑臂批踭必殺技，記者焗住硬食一招。

你相不相信我！(真實對白)
報警、報警、報警(真實對白)
拉埋勸交︰ G.E.M.終於拉埋林宥嘉一邊，勸佢先上寓所自己善後，「你先上去，你相不相信我！」但林宥嘉依然企硬向 G.E.M.大嗌：「報警呀！快點呀！」

警察調停︰直到警察和香港唱片公司人員到場，林宥嘉才平靜下來，願意賠償記者損失，雙方不作追究。

偷拆禮物

上月才推出新碟《 My Secret》的 G.E.M.近月一直忙於為新碟宣傳，人人以為她與林宥嘉上次見面已經是四個月前的「新城國語力頒獎典禮」。事實上即使身處兩地、工作繁忙亦無阻這對小情侶的熱情，知情者說：「佢哋成日瞞住雙方唱片公司，爭取時間偷會，月初 G.E.M.先抽時間去咗台灣兩日一夜見男友，今次林宥嘉啱啱平安夜（ 24日）先喺上海開完演唱會，返台前咪途經香港同 G.E.M.一齊賀聖誕囉！今次連佢公司都唔知 o架！」

樹熊掛頸
相戀一年聚少離多，難得見面二人還是像熱戀男女一樣，似足連體嬰。

入行前初戀男友及林宥嘉之間， G.E.M.曾經與有嶺南 Eason之稱的 Aaron拍拖，去年分手。

發狂台男

在 boxing day出席活動時， G.E.M.仍公開說：「聖誕同林宥嘉冇見面、冇短訊、冇送禮物，爸爸、堂哥就係男伴。」估佢唔到原來男友一早在家久候，二人的拍拖行動都集中在甚少記者巡視的荃灣區內進行，加上二人戴上眼鏡和口罩、穿起大褸和牛仔褲極平民，即使兩人全程又拖又攬又咀，肆無忌憚一樣成功隱藏於荃灣街坊堆中。拍拖期間兩人鋸完扒再睇埋娜姐激片《婚前試愛》，又在附近公園連體漫步足足 15分鐘，當兩人正準備上樓之際，冷不防記者上前拍照的林宥嘉，竟忍唔住出手搶相機。

成熟解放
出道兩年的 G.E.M.，除了巨肺唱得，亦出晒名身材好。

同場偷望
異地戀難得見面，今年 8月二人一同出席「新城國語力頒獎典禮」，林宥嘉忍唔住經常偷望 G.E.M.。

報警認衰

其間努力護花的林宥嘉表現熱血，又批踭又扯相機一輪推撞，嚇到本來企開一邊的 G.E.M.亦忍唔住高叫：「你冷靜點！」林宥嘉卻邊喊：「這是私人事，我是台灣人，我來做音樂，不想上你們雜誌！」又一邊提出要報警， G.E.M.情急下再說：「你先上去（ G.E.M.寓所），你相不相信我！」但林宥嘉依然充耳不聞，結果擾攘半小時，直到警方到場、其所屬香港唱片公司 Wow Music負責人到場，林宥嘉才被勸服。
冷靜過後，週一 G.E.M.說：「我係嚟做音樂嘅，希望大家淨係留意番我音樂上嘅嘢啦。」而林宥嘉則透過經理人回應：「他上週六、日在大陸演出，只是路過香港去找好朋友而已，他很欣賞她（ G.E.M.）的音樂，兩人在音樂上也有一些交流，當天攝影師突然衝出來，他被嚇到，才會有那些反應也是基於本能吧！」咀晒都係好朋友，其實音樂人都可以拍拖，唔使繼續講大話啫！

我來做音樂。(真實對白)
夾埋口供︰林宥嘉自稱「我來做音樂！」，週一（ 27日）， G.E.M.亦跟足口風話：「我係嚟做音樂，希望大家淨係留意番我音樂上嘅嘢啦。」

希望大家淨係留意番我音樂上嘅嘢啦。(真實對白)

平民價$721　 G.E.M.畀晒錢

G.E.M.同林宥嘉由晚上 7點於荃灣麗城花園女方寓所出發，行街食飯睇戲 5粒鐘遊勻荃灣市，真正只係使咗 721蚊，仲要全程由阿 G.E.M.埋單，呢個女友識得過呀！

19:00 Start

晚上 7點兩人手拖手由女家荃灣麗城花園步出，展開浪漫 5小時街頭漫遊。

19:40
Outback鋸扒$589︰兩人由寓所搭的士到愉景新城的 Outback鋸扒， 2人一碟沙律加兩客牛扒再搭兩杯飲品，盛惠$589，由女友 G.E.M.埋單。

21:40
圍頸巾︰食完飯臨出商場， G.E.M.仲好細心咁幫男友圍條頸巾，估唔到 G.E.M.人仔細細又識做廿四孝女友本分喎！

22:00
睇激片$132︰食完飽飽，小情侶搭的士去到荃灣另一商場荃新天地 II期的嘉禾戲院睇《婚前試愛》，又係阿 G.E.M.用信用咭預先網上訂飛畀錢！

《婚前試愛》有羅仲謙同周秀娜肉搏連場，睇戲期間兩人不時頭黐頭，佳節流流揀啲激戲睇， G.E.M.鬼馬喇！

23:20
公園漫步︰小情侶之後落咗去商場附近公園漫步，其間繼續連體攬頭攬頸，行公園咁浪漫，真係 19歲先會做。

23:40
忍唔住咀︰行完公園等的士返歸期間， 19歲 G.E.M.終於忍唔住當街攬住男友條頸就隔住口罩咀落去，少女情竇初開，係好難忍嘅！

台男多躁底

23歲情歌王子林宥嘉變臉發狂未算異數，其實包括周杰倫在內不少台灣情歌天王，台上深情台下愛蒲愛飲又火爆，狼過啲香港男星好多 o架！

積犯周董

在樂壇呼風喚雨的周杰倫一直是中港台記者追訪頭號目標，周董痛恨狗仔隊作歌唱衰之餘，多次在被追訪途中與記者發生推撞。

花心陶喆

緋聞多到爆又愛嗒奀茄，陶喆 08年初爆醉酒街頭連吻兩女，又因醉酒傷人兼拒捕，事後要開記招道歉。

逸臣射尿

《海角七號》男主角范逸臣愛飲眾所周知，經典作是醉酒當街小便、宿醉後更連上門叫起身的經理人都拳頭侍候。