【轉】池邊曬彈頭 寸嘴芭比：呢啲叫無厘頭革命 ﹝有片︰池邊飛釘 & 大鬧屯門﹞

池邊曬彈頭　寸嘴芭比：呢啲叫無厘頭革命
2010年10月27日
Face



健身室飛點
寸嘴芭比於住所健身室真空做運動，鬆身衫低已經失守，同場 gym友應該流緊鼻血。

曾面試港姐被叮的寸嘴芭比（廖祉甯）， 25歲女忽然又轉戰亞姐誓入娛樂圈，不過 Barbie選亞姐卻又好有性格，竟然五度甩底宣傳活動，邊個夠佢大膽？
本刊早前更發現奇人 Barbie喺屯門新居會所泳池三點式豪曬 E奶，健身房真空起釘，事後仲無厘頭攞出火機話：「我心中有火……呢啲叫無厘頭革命！」女版金句黎明，你做硬啦！

互動片段

• 寸嘴芭比池邊起釘
  
  
  
• 寸嘴芭比金句大鬧屯門
  
  

終於蒲頭
週日（ 24日） Barbie終於現身亞姐宣傳，對於腳上瘀痕佢冇正面回應，但神化亂噏說：「我去睇跌打，最近好似突然間有啲 lucky，屋企人話我係時候會紅，打跛對腳都唔使驚。」

參選港姐已係風頭躉嘅寸嘴芭比，外貌夠索兼次次有話題，轉戰亞姐亦同記者開火見報，即使多次缺席宣傳，亞視仍力撐話佢因為接咗騷撞期唔推得先缺席，擺明要靠 Barbie姐谷宣傳。

真空起釘

以為寸嘴芭比做宣傳先出位，原來私下更加激。原居天后私人樓最近已搬至屯門浪濤灣，連日來於屋苑會所出沒，喺泳池邊三點式曬 E奶都算，估唔到臨走時竟公然在戶外解開泳衣帶換衫， 33E奶春光乍洩，仍然好自然。自知亞姐大熱，芭比當然要 keep fit啲，佢曬完太陽即入健身室真空狂拉划艇機，身穿鬆身 T恤的 Barbie唔小心再露點。



泳池露出
雖然寸嘴芭比小心翼翼着回連身裙準備離開，但話晒有 E奶，得塊泳衣布仔點包得住？之後佢話嗰日陰天，所以唔會曬黑，亞視唔會鬧嘅！




擺上枱面
唔知係咪想有健康膚色參選亞姐，連日見寸嘴芭比去會所泳池邊水着曬太陽，相當養眼，佢回應說：「其實得我咁厚面皮，所以影我好，見到其他朋友，唔好騷擾佢哋！」




畫畫天分
原來 Barbie畫畫甚有天分，見佢曬得悶悶哋攞出畫簿畫幾筆，已經畫出有紋有路嘅圖案，亞姐選唔到，可以諗吓做設計喎。




粉紅 T-back
除咗真空，記者更發現寸嘴芭比做運動時着住粉紅色 T-back，同件 T恤襯晒色！

金句難明

記者事後問佢係咪為亞姐備戰狂操，佢竟亂噏話：「鼻戰？ War of nose，多謝！」超級九唔搭八。
F：《 FACE》　廖：寸嘴芭比
F：你點解又再去亞姐宣傳嘅？
廖：因為我去咗另一個思維，我靈魂喺外星嚟、肉身喺地球，救我呀師兄（記者）！」
F：點解你講嘢咁九唔搭八？
廖：呢啲叫無厘頭革命！我想啲人開心啲，個個有壓力。
F：你男友做咩生意？
廖：火機生意（隨即於背囊攞出打火機），我要提自己要燃亮別人，心中有火即係做事有熱誠有衝勁，而且一撻即着！」電車仔睇完啲相仲有火呀， Barbie姐！



係地球租畀我。我靈魂係外星嚟！(真實對白)
再學劉華︰問寸嘴芭比係咪與男友同居屯門，佢就話：「係地球租畀我嘅。」答完仲學足劉華被問到太太朱麗倩時用手揞住話唔答。




我要燃亮別人！心中有火即係做事有熱誠！(真實對白)
神化火機︰唔食煙嘅寸嘴芭比竟然隨身帶住火機，一時又話因為男友做火機生意、一時又話要提醒自己要燃亮別人，好神化。




搬竇
7月︰ Barbie由天后單幢樓搬到屯門私人屋苑，雖然遠咗，但勝在有會所及泳池。




10月

出位靠寸



係咪唔簽（無綫）冇得選先？
o殊！乖就唔好影，乖就唔好問！
我唔係驕傲係少少自戀，至少差 3線！

本來廖祉甯靚靚女，係今年 5月港姐面試大熱，但當記者問佢叫咩名時，佢竟一句：「我贏咗冠軍先話你知！」而被起朵「寸嘴芭比」，除咗靠寸出名，仲俾人喺婚姻登記處搵到佢同會計師男友 Chen Min排期結婚通知紀錄，阿囡，想喺娛樂圈發展，人緣好緊要 o架！

【轉】亞姐孖妹導彈 嬌人身材！

孖妹導彈
忽然一周
2010年09月24日

1號　楊晴　 35D
當中最養眼都算祖籍湖南嘅孖妹楊晴同楊晶，佢哋今年只得 19歲，係標準舞教師，唔怪得信心爆棚，兩個夠晒養眼，擺盡 S甫士。

一年一度嘅亞姐選舉又嚟，以往以澎湃身材見稱，今年亦唔例外。周日（ 19日）， 19位佳麗進行第二輪面試，大會仲安排佢哋以三點式泳衣示人，當中不乏導彈級人馬，好似 1、 2號孖住參賽嘅「巨乳孖寶」夠晒突出，而陪跑一族亦出盡法寶，連粗髀巨腩都出晒埋嚟，真係少啲心血都嚇親！

2號　楊晶　 34C

6號　何丫
現年 23歲嘅四川姑娘何丫，喺溫哥華賽區冠軍而晉身複試，自信心爆燈，唔單只自爆 34C、 24.5和 35.5吋驕人三圍，仲用普通話說：「我對自己的樣子和身材都有信心。」

妖獸出擊

17號　黃葵恩
唔少亞姐揀大泳褲， 18歲嘅黃葵恩玩突出，佢嘅小三角褲夠細之餘，仲加條繩紥住腩肉，問你死未！

紮腩

7號　越雅楠
大隻妹越雅楠認真巨形，膊頭橫到可以去打美式足球，不過一擰轉身， pat pat居然冇乜肉，真係古怪。

冇 pat

16號　張頌恩
22歲嘅張頌恩，上身算係平均，不過下身完全唔合比例，可以擺足 4圍酒，屬下盤穩陣派。

巨躉

3號　吳曉妤
外表怕羞嘅吳曉妤，鬼咁驚青，一行出嚟成個人硬晒咁款，連下體現晒形都唔知。

現形

【轉】周圍賒借還俾甄穎珊 陳樂榣：我同佢再冇拖欠

周圍賒借還俾甄穎珊　陳樂榣：我同佢再冇拖欠
忽然一周
2010年09月24日

最初陳樂榣表示因受公司壓力而不便回應，其後說到甄穎珊向外唱她，陳就無名火起，最後更公開入數紙證明自己還咗錢。

出道四年的整容三嬌 Freeze最終因財失義，近日陳樂榣被爆借甄穎珊錢唔還。雖然甄穎珊事後澄清二人冇為錢反目，但據知甄近日多次向陳發短訊追對方還錢，加上欠債報道出街，令經常呻窮的陳樂榣最終要周圍問朋友和舊同事借錢，再還錢俾甄穎珊。
周二（ 21日），陳樂榣向記者展示入數紙，更眼泛淚光說：「做唔到朋友都算，總之我同佢再冇拖欠！」
整容三嬌 Freeze明年一月便與蕭定一旗下的「一元製作」約滿。已立定決心從良教畫畫的陳樂榣，原來多年前曾向拍檔甄穎珊借了幾萬元，作為供細佬讀書的費用。不過事後有人指陳有錢買衫冇錢還債，兩姊妹最終為錢反目。

承認未按時還錢

本周二（ 21日），記者到陳樂榣任職的畫廊訪問她，起初她不願接受訪問，「唔好意思，公司叫過我唔可以再講，總之喺呢件事上我學咗好多嘢，睇清楚好多人。」今次事件爆煲，全因陳樂榣今個月未有按時還錢，她亦承認自己理財不善，並向記者解釋當日向甄穎珊借錢的情況。「數目真係唔講得，我不嬲都要孭起老竇啲舊債，又要供細佬去台灣讀書。嗰時係佢（甄穎珊）主動話借錢俾我，佢話啲錢擺喺銀行冇息收，所以借俾我賺啲利息。我呢個月的確係遲咗還錢俾佢，不過冇諗過件事咁快會通天。」

《蘋果日報》圖片

陳樂榣（左）和甄穎珊出道時搭晒膊頭，以姊妹相稱，怎料最後因財失義。本周甄和石詠莉更飛起陳樂榣出席中秋節活動，甄在活動上擺明有你冇我，她說：「我同佢（陳樂榣）只係 hi bye friend。」

入數紙清楚寫明收款人為甄穎珊的英文名 Yan Wing Shan，總數為一萬五千元，過數日期是本周一（ 20日）。不過周三甄穎珊在活動中表示陳仍欠她 5位數。本刊記者致電甄，她即轉口風：「其實佢都真係還晒！」

三嬌賣肉多年，可惜撈極唔起，已落實玩到出年 1月拆夥。恨做歌手的石詠莉續約繼續發明星夢，甄穎珊則轉戰飲食界和朋友夾份賣糖水，而陳樂榣就從良教畫畫。

收追數 SMS

為了代父還債才去整容組成 Freeze的陳樂榣，年初已為自己鋪定後路，在中環和灣仔開班授徒教畫畫，下月更舉行慈善畫展。《 Face》圖片

曾經出手相助的甄穎珊，據知近日忙於搞甜品屋生意而性情大變，經常聯同另一成員石詠莉孤立陳樂榣，更周圍唱陳樂榣離隊唔撈。知情人士說：「甄穎珊經常同老闆蕭定一私自開會，話唔好再簽 Alley（陳樂榣），又同人講話以後啲 job淨係安排俾佢同石詠莉就得。 Alley知道仲點有心機撈落去。」另外甄穎珊為了逼陳樂榣盡早還清債，近日更多次 send「再唔還錢後果自負」等威嚇性的 SMS給陳樂榣。
記者向陳樂榣提及 SMS一事，她說：「我哋最近都係以 SMS聯絡，內容當然唔講得。我都聽過有人話唔需要安排 job俾我，但我覺得呢啲嘢唔係由藝人決定，如果客戶真係咁選擇，我都無話可說。」
對於欠債一事，陳樂榣坦言：「啱啱入咗數俾佢啦，仲用 SMS通知咗佢！我同佢做唔到朋友都算，大家仲係同事。」
記者追問陳樂榣錢從何而來，她解釋自上星期報道出街後，便有不少朋友和舊同事主動慰問，「啲錢我都係借返嚟，唔想件事愈搞愈大。總之我同佢再冇拖欠，做嘢一定會同佢見面，邊有得諗尷唔尷尬。」經記者多次游說下，陳樂榣最終向記者展示兩張櫃員機入數紙，收款人係甄穎珊，款項合共為一萬五千蚊。

【轉】臭口 Barbie 爆亞姐內定黑幕！！ ﹝ 有亞姐異獸戰片﹞

惹火尤物
嬲到失蹤　臭口 Barbie爆亞姐內定黑幕
Face
2010年09月22日

Barbie參加港姐面試前，曾拍過超激性感照，盡晒 33D巨咪。

今年 5月參加港姐面試，被記者問叫咩名，一句：「我贏咗冠軍先講你知！」而被封為「寸嘴 Barbie」的廖祉甯，雖被 out出局，但一直恨入娛樂圈，捲土再選亞姐，首輪面試寸問記者「你邊間報館，好似敵視我。」衰多錢獲封「臭口 Barbie」。
週日，原本晉身第二輪面試的 Barbie卻玩失蹤，據知她收到風亞姐一早內定 3甲人選，唔甘心陪襯的她嬲到缺席複試。 Barbie唔只「寸」，仲有性格喎！

互動片段

• 亞姐異獸戰
  
  

上週二（ 14日）亞姐正式舉行頭輪面試，一如既往，醜爆豬扒、師奶肥茄、國產北姑等應有盡有，最省鏡算係有樣有身材，早前被港姐叮出局的「寸嘴 Barbie」廖祉甯，頭輪即成焦點。當日 25歲 Barbie面對記者提問，依然發揮臭口本色：「我覺得你哋（記者）好似敵視我，我一直好禮貌，唔知點解你哋抽秤我，我係年輕人，諗到乜就講乜！」

自稱恨做明星嘅 Baribe，參選港姐被叮出局後，仍不死心， 6月尾曾約見 Chrissie經理人 Roy，好恨入娛樂圈。

上週參加亞姐首輪面試，影相時仲鬼咁好笑容，但一出聲又得罪記者，最後「寸嘴」升級封為「臭口 Barbie」。

5月參加港姐面試，雖有樣有身材，但據知她因見評判樂易玲時，出言頂撞：「係唔係唔簽約冇得選先？」最後冇得入圍。

頭輪豬扒

女生男相
雖然有對含笑酒凹，但塊面就似八両金起晒角兼冇下巴，唔出聲以為係男人，一樣冇得留低。

長面 Blue姐姐
笑時同兒歌天后 Purple姐姐（李紫昕）一個餅印，仲要豆豉眼加埋個麥當勞叔叔嘴，咁騎呢，唔怪得第一輪面試後已經被 out。《蘋果日報》圖片

面試冇影

Barbie心直口快，不過勝在群妖中最省鏡，自然有份成為週日（ 19日）第二輪面試佳麗，點知 Barbie卻臨時甩底影都冇。
其實本刊於 Barbie現身頭輪面試離去後，發現她與友人傾電話時黑面，還狂呻今屆亞姐有黑幕：「唓！都一早內定晒， 3甲人選係邊個一早定啦！唉，好似做陪襯咁！」據知情人士透露：「 Barbie一早收到亞視通知再去第 2輪面試，但面試前一晚， Barbie仲心大心細，一嚟嬲緊亞視內定黑幕；二來唔想咁快着泳衣見人，之後愈諗愈嬲，最後咪玩失蹤囉！」

亞姐異獸戰

亞姐頭輪面試，師奶豬扒多過索女，亞視有見及此，第 2輪面試篩走一打奇形怪狀妖物，搵班國內及海外索佳麗撐場，但當中亦有唔少次貨。

歪面法拉

脹爆雞泡

17歲錢怡
唔只面闊，可以擺圍酒，近睇仲歪面添。
啲朋友話我似法拉，我唔怕被列入豬扒一族！真實對白

18歲黃葵恩
雖有上有下，但塊面真係好似雞泡魚咁脹喎！
我係面闊、脹卜卜，但唔會整容，我勝在笑容好！真實對白

射喱矮腳虎

《蘋果日報》圖片

25歲羅昊昕
唔只射喱，仲係矮腳虎，佢解釋係東方女性嘅特質，佢不如話自己係人獸合一嘅品種啦！
我對眼係鳳眼，唔介意入唔到圍，我志在參與啫！真實對白

乳牛雙嬌

左： 19歲大孖楊晴
右： 19歲細孖楊晶
第 2輪唔少得大波妹充撐吓場面，來自深圳嘅乳牛孖女挺起至少 34D巨乳，二人年紀輕輕已係國際標準舞導師，「材」華出眾。

至省鏡

23歲何丫
5呎 7吋高嘅何丫，修讀卑詩省大學金融系，樣子甜美挾 33C好雙乳嘅佢在溫哥華賽區連奪最上鏡小姐及冠軍等成 6料冠軍，難怪面試當日，得戚到話冇留意對手！

闊面 Baby

17歲萬嘉麗
5呎 7吋高，身形瘦削兼全場最 young嘅萬嘉麗，眼大大樣似女神 Angelababy，惜來自上海只講普通話有啲趕客。

唔認結婚

6月尾 Barbie被揭在金鐘婚姻註冊處，與會計師男友 Chen Min排期註冊結婚，但當時還未有婚期顯示。《蘋果日報》圖片

惹火 Barbie一直是非多，曾拍過裸照的她，就算早前落選港姐後，一樣負面新聞一籮籮。

3個月前被踢爆她與 31歲任職會計師的男友 Chen Min已排期註冊結婚，但按照亞姐的規例，已婚人士不能參選，否則取消資格，玩失蹤兼資格受質疑，亞視製作部高級副總裁葉家寶就話：「我哋仲查緊，如結咗婚一定唔得，而佢（ Barbie）本人都唔認，就算佢註咗冊而未簽紙，我哋都當佢未結婚，佢仲有機會 o架。佢通知過我話有私人事，嚟唔到面試，我哋會安排佢再面試 o架！」有冇面試唔重要，最緊要唔係 Barbie所講一早內定啫！

【轉】Freeze反目 借姊妹錢被唱 陳樂榣：就迫死我啦！

錢作怪
Freeze反目 借姊妹錢被唱
陳樂榣：就迫死我啦！
Face
2010年09月22日

上水捱罐頭
為慳幾蚊，陳樂榣專登去到上水彩園邨一舊式雜貨鋪買 9蚊一罐嘅平價午餐肉，陳樂榣說：「呢度平幾蚊 o架，是但一餐得啦，午餐肉食麵又得、夾麵包又得呀！」

Freeze整容三嬌個個叫窮，其中陳樂榣（ Alley）更有報道話佢借甄穎珊錢唔還，孖住石詠莉一黨數臭姊妹，三嬌因財失義。
但陳樂榣冇錢還其實有苦自己知，要幫老豆還債仲要供細佬讀書，暑假時仲驗到細佬突然白血球過低要搵錢醫，屋漏更兼打大風，搞到陳樂榣要高呼：「就嚟迫死我啦！」

死還死，清咗條數先好喎！

三嬌之一嘅陳樂榣 16歲停學由加拿大返港幫老豆還 700萬炒樓債，除入行時問過老闆蕭定一借過 30萬之外，當年同隊嘅甄穎珊亦主動向 Alley借出 5萬銀幫補生計。

左起：陳樂榣，石詠莉，甄穎珊
Freeze初出道多登台撈算做搵到吓食，三位姊妹感情尚好，不過隨住 o靚模群起， Freeze愈做愈沉，家陣三嬌仲因 5皮嘢反目。《蘋果日報》圖片

陳樂榣細佬身在台灣讀音樂，不幸發現白血球過低，身為家姐的陳樂榣自稱要籌錢畀細佬睇醫生兼買補品補身。

關嘉美：有機會變血癌

陳樂榣話要買補品俾細佬補身，但家庭醫生關嘉美說：「白血球過低是一般由病毒感染，假如長期持續過低，會有機會變成血癌，就算唔係長期，都會影響人體抵抗力，最好都係跟醫生處方食藥啦，亂食補品未必有用！」

諗計度水

借錢
為咗撲水，陳樂榣又去銀行查詢私人貸款，據知 Freeze每月雖有約 10,000蚊底薪兼有薪金證明，但她問清借貸細節後卻憂心忡忡離開。

放袋
去完銀行，陳樂榣再去米蘭站打算放賣 Chanel手袋，職員表示回收價$11,000，不過佢唔知係咪嫌價低，最後冇賣。

鬧爆賤格

可惜近日姊妹情不再，甄穎珊先爆陳樂榣欠債唔還，跟手陳樂榣又話甄穎珊收足利息，據知 Freeze不和，始於上年蕭定一安排陳樂榣拍住黃子華為《我女友係 007》做男女主角配音， Freeze的石詠莉就港女上身唔抵得玩離間，知情者說：「 Sukie（石詠莉）好鍾意搞是非，由《我女友係 007》開始，就係咁同 123（甄穎珊花名）講阿一偏心，戥佢唔抵，覺得 Alley配（音）得唔好，俾佢離間到 Alley差啲唔續約。到今年 Alley教番畫畫，佢哋又夾埋唔就佢排舞時間， 123唱佢好賤格，乜都係有錢先肯做，又話佢擦阿一鞋、又話佢陪老細。最近借錢唔還單嘢爆咗出嚟，好多人都知係邊個講啦。」

上週五（ 17日），本刊發現債仔陳樂榣已搬回上水居屋與母親同住，又要去銀行查詢借錢度難關。週一致電陳樂榣，佢話：「我每個月都要用 4分 3人工幫老豆還債同供細佬讀書，暑假我細佬返嚟突然發咗兩個禮拜燒，醫生話佢白血球過低，影響抵抗力所以要食啲補品，家仲未知咩病，突然用多咗錢，我先同佢（甄穎珊）講今期錢遲 10日先還畀佢，點知咁快就有人寫我唔還錢，我已經搬番去上水同阿媽住，諗住慳啲錢啦，發生咁多事，就嚟迫死我啦！」

對於有傳甄穎珊唱佢賤格，陳樂榣說：「我都聽過，不過我唔想知係邊個講囉，總之呢兩個禮拜就會還錢畀佢，無謂再俾人唱啦！」係囉，有借有還上等人呀！

雙嬌反擊句句甘

債仔陳樂榣為還錢諗盡計，其實 Freeze其餘雙嬌都唔好過，石詠莉繼續等運到，而甄穎珊好彩有兩個錢積蓄，可以同朋友夾錢在尖沙咀搞茶餐廳，不過兩位姊妹對於陳樂榣大反擊都唔多滿意，甄穎珊話：「我冇催過佢還錢喎！」石詠莉則說：「邊個唔啱大家心知肚明啦！」

週一（ 20日）下午橫風橫雨，不過甄穎珊仍然有落尖沙咀新鋪做捧餐妹，由於新店在試業階段，甄話暫時唔想宣傳：「投資幾多錢唔想講喇，到正式開張先再宣傳啦。」

我冇時間搞呢啲是非囉，搞是非冇飽飯食 o架，上個月我屋企有事，我隨口問吓佢啫，冇諗住催佢呀，我都冇收過佢利息 o架，唔明點解有啲咁嘅報道，有時間不如諗吓點樣照顧屋企人啦。真實對白

Freeze三嬌係得石詠莉未有後路繼續要發星夢，問佢有乜搞作時，佢仍話：「家陣排緊舞囉！」

嘩！又關我事呀？唔好乜都拉我落水喎，我冇眼紅過佢呀，邊個唔啱我唔識講，好多嘢大家心知肚明， 123（甄穎珊）為咗呢件事都好唔開心 o架，總之我覺得欠債還錢就天經地義嘅！真實對白