蔡慧敏被封「勾夫達人」

主題：蔡慧敏被封「勾夫達人」
嘉賓：蔡慧敏 Joey
簡介：勾夫都有達人？擁有33F巨胸，有「大乳牛」之稱的性感藝人蔡慧敏，曾經與小雪前夫陳迅元開房，去年再與楊紫瓊胞弟楊南日在街頭激吻互摸，被踢爆與已婚男士關係密切，仲被封為「勾夫達人」，有乜解釋先？
日期：2011-01-09

又攬女！Edison 連體取暖！

又攬女！Edison 連體取暖！
Face
2010 年 12 月 7 日

話無限期退出香港娛樂圈嘅30歲陳冠希（Edison），今年10月話復出，果然說到做到，又出新歌又開微博又代言亞洲遊戲博覽，仲聲稱做Lady Gaga演唱會代理添！
踏入12月更加忙，FBI聽聞上個星期至喺LA忙緊娛樂生意嘅Edison，週五急急腳趕去上海外灘拍咗一日廣告，拍完廣告留喺外灘食飯都勁多女性工作人員黐到佢實。又攬又要影合照無任歡迎，兩年前發生咩事？唔記得啦！

3/12上海猴擒
為女出過事的Edison始終受女歡迎，趕去機場前與女工作人員講再見都要嚟個熊抱！

多女黐
餐廳門口遇上貌似哨牙珍女歌迷要求合照，Edison有求必應。

6/12變番正經
週一晨早出席活動的Edison，嗱嗱聲上載微博，show同陳寶珠、舒淇合照，跟內地同胞拉近距離。

【轉】潛入金馬慶功 P 阮經天濕啜磨爆（有片！！）

潛入金馬慶功 P　阮經天濕啜磨爆
2010年11月24日
Face

磨大髀
緊張咗幾日，阮經天出席私人慶祝 party時顯得超 high，狂煲煙兼與在場正妹玩，女友許瑋甯就坐喺佢大髀，好有夜場 feel。

上週六（ 20日）晚，「第 47屆金馬獎」喺台灣桃園舉行，之前被視為得獎大熱的謝霆鋒、湯唯和張艾嘉全部落選。
反而台劇一哥阮經天（小天），憑《艋舺》飾演和尚一角，以黑馬姿態擊敗另一勁敵《十月圍城》的內地戲王王學圻封帝，當然小天索模女友許瑋甯都有到場撐男友，冧爆話：「如果小天得獎，他想要什麼都可以」。
以為女友吹吓水，小天當晚拉大隊到私竇慶祝，本刊獨家潛入私 P，發現 high爆小天食煙隊酒兼同女友磨大髀。玩得咁 open，女友真係兌現承諾喎！

• 互動片段
  
  直擊金馬影帝阮經天慶功 P
  

今屆「金馬獎」大熱如謝霆鋒、湯唯、張艾嘉和張靜初等紅星全部落馬，剩番阮經天憑電影《艋舺》獲封影帝，一人獨撐金馬，成為中港台傳媒報道焦點。

喊到豬頭

女友高調與小天影帝碰杯祝賀，問到會否考慮以情侶檔合作，二人大方回答唔介意，夫妻檔搵真銀，夠綽頭， why not？

話晒 28歲仔第一次擔正男主角就初嘗影帝，試過窮到連水費、電費都冇錢交的小天，得獎後忍唔住開心到喊，又忍唔住連環多謝索模女友許瑋甯。小天說：「瑋甯給我非常大的力量，不論是我有是非、還是我有麻煩、還是我有低潮的時候、還是在我身體上有勞累，她都給我很大的支撐跟支持。」頒獎禮過後小天隨即到《艋舺》的慶功宴，女友許瑋甯就做跟得夫人到場賀男友，雖然中港台記者要求小天與女友祝酒時合巹交杯兼互咀慶祝，可惜都遭小天拒絕，甜蜜點到即止。

夜場放肆

大約凌晨兩點，女友許瑋甯換上窄身牛仔褲加低胸吊帶衫，先到忠孝東路 Primo夜店準備，十分鐘後小天亦換埋便服加鴨嘴帽會合，原來一眾圈內外朋友及女友已 book定枱為小天贈興，其間小天一到場大班朋友鼓掌及大叫金馬影帝，有人醒目即為小天點煙，小天亦立即坐正兩位性感正妹旁邊不斷咬耳仔，席間亦有不少索模上前恭賀，難得女友許瑋甯亦相當識做，未有上前打擾影帝男友雅興。
之前在記者鏡頭前，小天死都唔肯同女友咀嘴，但到慶功 P就大解放，二人主動打茄輪冇托手踭，足足錫咗成分鐘，在場過百老死即時 high爆尖叫，一個靚女一個事業有成做埋影帝，打個茄輪祝賀攞影帝啫！女 fans唔會嬲嘅！

獨家 P圖　攬正妹
雖然女友在場，但小天（黃圈）少理，不斷同旁邊正妹咬耳仔，其間更攬到實，女友許瑋甯（箭嘴）就識做當睇唔到。

專人點
爽呀！（真實對白）
一到派對，老死即上前為出爐影帝點煙祝賀，小天就回一句：「爽呀！」頂咗一日煙癮可以歎番支，難得有人服侍埋，確實享受！

茄輪助興
小天酒量唔錯，全場走勻與朋友互隊慶祝，之後就在眾人要求下與女友打茄輪（黃圈），朋友掌聲未停，二人繼續錫，十足婚宴新人一樣咁 sweet！

小天感動喊

F：現在得獎，怎樣答謝女友？
阮：我想說許瑋甯給我非常大的力量，不論是在我有是非、麻煩、低潮時，她都給我很大支撐跟支持，好感謝她！
F：女友說你得獎她什麼都願意給，那你想要什麼？
阮：其實沒有想過，可能是讓我們有一個好好的假期休息，享受一下吧！

女友情深撐

F：你家人有沒有見過小天？
許：有，我爸爸媽媽都好喜歡他。他們看電視直播知道得獎馬上打電話給我代為祝賀！
F：男朋友得獎你會送什麼給他？
許：其實我還沒想到，如果小天得獎，他想要什麼都可以。
F：現在小天事業有成，你會有結婚的打算嗎？
許：沒有那麼快啦！現在才是他事業起步，結婚的事再說吧，不用擔心我！

小天與許瑋甯多次拍到出入住所，二人同居已是公開新聞，二人亦唔介意任影唔嬲。

金馬驗衣　台女唔谷胸

話晒「金馬獎」係台灣演藝界大 function，中港台女藝人當然着到行一行出席，不過班台星冇好似台慶花旦咁一味谷大胸，反而走穩陣路線，名設計師 Walter Ma仲激讚林志玲着得好正身材優點盡現，各位花旦又不妨參考吓！

林志玲身形最 fit（ GOOD）

最好睇，始終係 model出身，條裙顯出佢身形，上身同腿比例好特別，但係嫌少咗以前 model氣質。
95萬台幣 Valentino黑色長裙、 Damiani 700萬台幣鑽石耳環配約 55萬台幣的浪琴鑽表。
任頒獎嘉賓的林志玲，被主持小 S玩指佢長腿係電腦修改，女神即攞起長裙騷美腿，證明正貨全無加工，畫面超誘人。

小 S蛋撻頭仲型（ GOOD）

套衫好啱佢，好在小 S好 fit先着到，其實佢個頭可以試吓男仔蛋撻頭，分界仲型啲。
C.H.Wedding白色長裙 32萬台幣、 VCA鑽戒總值約 2千萬台幣。

蕭亞軒又肥又矮（ BAD）

雖然黑色會顯得人瘦，但係佢條裙 size唔 fit佢，加上啲褶紋，本來已經唔高嘅 Alva睇落肥咗同矮咗好多。
Vivienne Westwood黑色連身裙

李冰冰裙唔啱身（ BAD）

條裙太長啦，始終呢啲裙以外國人 size造，所以未必適合亞洲人，其實佢賺咁多，點解唔自己造一條啱身呢？
Armani Prive藍色長裙、伯爵藍寶石鑽戒，約值 3千萬台幣。

張靜初花裙太娘（ BAD）

佢條 one piece裙，花太 lady、 over得滯，有啲娘，如果揀 L.V.有啲款有暗花，會時代感好多。
Dolce& Gabbana花花裙、鑽飾約值 2千萬人民幣。

霆鋒 chok極都輸

霆鋒以《十月圍城》飾演拉車仔入圍男配角，賽前被視為大熱，可惜最終輸畀台灣甘草演員吳朋奉的《父後七日》，但係佢賽前勁有信心，頒獎禮當日佢齋着件 BV西裝褸、裏面唔着衫、戴埋黑超四哥上身行紅地毯，被問到自己有冇信心，佢就再 chok住咁話：「我平常心啦，太太（張栢芝）喺大陸拍緊戲唔得閒嚟，但係佢對我好有信心，都祝福我，（咁你自己有冇信心呢？）一陣你咪知囉！」答都答得超 chok。

霆鋒除咗行紅地氈似四哥上身，臨出發前佢亦於助手的微博內放上於酒店房內自拍相打氣，不過都係衰收尾，輸畀台灣幫。

賽前霆鋒視為男配角大熱，有機三連霸，臨公布結果前，小 S寸佢有着衫，霆鋒則回敬一句你不是要了小天嗎？（之前小天搞笑說得獎會將身體交給小 S）霆鋒以為好風趣，結果全場冇人識笑。

哇！港女示範用胸開酒樽！

實試 32D美乳開樽蓋

變態導演威迫barbie除衫

主題：變態導演威迫barbie除衫
嘉賓：寸嘴Barbie 廖祉甯
日期：2010-11-17

寸嘴Barbie似陳慧琳？

主題：寸嘴Barbie似陳慧琳？
嘉賓：廖祉甯 (寸嘴Barbie) (2)
簡介：樣靚身材正的「寸嘴Barbie」廖祉甯，被人話似湯唯、Race或者陳敏之，原來仲有化妝師話佢唔化妝都似陳慧琳，總之個個都係靚女。Barbie成日被指「無厘頭」，佢真係好恨同星爺拍戲，但最最想做棟篤笑。
日期：2010-11-10

寸嘴Barbie單挑全宇宙

主題：寸嘴Barbie單挑全宇宙
嘉賓：廖祉甯 (寸嘴Barbie) (1)
簡介：參加港姐面試被記者問及姓名時，一句「等我攞咗冠軍先話俾你聽啦！」令廖祉甯贏得「寸嘴Barbie」的封號，從此金句不絕，知道笑死唔知道就嚇死。由港姐玩到亞姐，Barbie自認出晒位勁成功，下一站要向住宇宙進發！
日期：2010-11-06

【轉】池邊曬彈頭 寸嘴芭比：呢啲叫無厘頭革命 ﹝有片︰池邊飛釘 & 大鬧屯門﹞

池邊曬彈頭　寸嘴芭比：呢啲叫無厘頭革命
2010年10月27日
Face



健身室飛點
寸嘴芭比於住所健身室真空做運動，鬆身衫低已經失守，同場 gym友應該流緊鼻血。

曾面試港姐被叮的寸嘴芭比（廖祉甯）， 25歲女忽然又轉戰亞姐誓入娛樂圈，不過 Barbie選亞姐卻又好有性格，竟然五度甩底宣傳活動，邊個夠佢大膽？
本刊早前更發現奇人 Barbie喺屯門新居會所泳池三點式豪曬 E奶，健身房真空起釘，事後仲無厘頭攞出火機話：「我心中有火……呢啲叫無厘頭革命！」女版金句黎明，你做硬啦！

互動片段

• 寸嘴芭比池邊起釘
  
  
  
• 寸嘴芭比金句大鬧屯門
  
  

終於蒲頭
週日（ 24日） Barbie終於現身亞姐宣傳，對於腳上瘀痕佢冇正面回應，但神化亂噏說：「我去睇跌打，最近好似突然間有啲 lucky，屋企人話我係時候會紅，打跛對腳都唔使驚。」

參選港姐已係風頭躉嘅寸嘴芭比，外貌夠索兼次次有話題，轉戰亞姐亦同記者開火見報，即使多次缺席宣傳，亞視仍力撐話佢因為接咗騷撞期唔推得先缺席，擺明要靠 Barbie姐谷宣傳。

真空起釘

以為寸嘴芭比做宣傳先出位，原來私下更加激。原居天后私人樓最近已搬至屯門浪濤灣，連日來於屋苑會所出沒，喺泳池邊三點式曬 E奶都算，估唔到臨走時竟公然在戶外解開泳衣帶換衫， 33E奶春光乍洩，仍然好自然。自知亞姐大熱，芭比當然要 keep fit啲，佢曬完太陽即入健身室真空狂拉划艇機，身穿鬆身 T恤的 Barbie唔小心再露點。



泳池露出
雖然寸嘴芭比小心翼翼着回連身裙準備離開，但話晒有 E奶，得塊泳衣布仔點包得住？之後佢話嗰日陰天，所以唔會曬黑，亞視唔會鬧嘅！




擺上枱面
唔知係咪想有健康膚色參選亞姐，連日見寸嘴芭比去會所泳池邊水着曬太陽，相當養眼，佢回應說：「其實得我咁厚面皮，所以影我好，見到其他朋友，唔好騷擾佢哋！」




畫畫天分
原來 Barbie畫畫甚有天分，見佢曬得悶悶哋攞出畫簿畫幾筆，已經畫出有紋有路嘅圖案，亞姐選唔到，可以諗吓做設計喎。




粉紅 T-back
除咗真空，記者更發現寸嘴芭比做運動時着住粉紅色 T-back，同件 T恤襯晒色！

金句難明

記者事後問佢係咪為亞姐備戰狂操，佢竟亂噏話：「鼻戰？ War of nose，多謝！」超級九唔搭八。
F：《 FACE》　廖：寸嘴芭比
F：你點解又再去亞姐宣傳嘅？
廖：因為我去咗另一個思維，我靈魂喺外星嚟、肉身喺地球，救我呀師兄（記者）！」
F：點解你講嘢咁九唔搭八？
廖：呢啲叫無厘頭革命！我想啲人開心啲，個個有壓力。
F：你男友做咩生意？
廖：火機生意（隨即於背囊攞出打火機），我要提自己要燃亮別人，心中有火即係做事有熱誠有衝勁，而且一撻即着！」電車仔睇完啲相仲有火呀， Barbie姐！



係地球租畀我。我靈魂係外星嚟！(真實對白)
再學劉華︰問寸嘴芭比係咪與男友同居屯門，佢就話：「係地球租畀我嘅。」答完仲學足劉華被問到太太朱麗倩時用手揞住話唔答。




我要燃亮別人！心中有火即係做事有熱誠！(真實對白)
神化火機︰唔食煙嘅寸嘴芭比竟然隨身帶住火機，一時又話因為男友做火機生意、一時又話要提醒自己要燃亮別人，好神化。




搬竇
7月︰ Barbie由天后單幢樓搬到屯門私人屋苑，雖然遠咗，但勝在有會所及泳池。




10月

出位靠寸



係咪唔簽（無綫）冇得選先？
o殊！乖就唔好影，乖就唔好問！
我唔係驕傲係少少自戀，至少差 3線！

本來廖祉甯靚靚女，係今年 5月港姐面試大熱，但當記者問佢叫咩名時，佢竟一句：「我贏咗冠軍先話你知！」而被起朵「寸嘴芭比」，除咗靠寸出名，仲俾人喺婚姻登記處搵到佢同會計師男友 Chen Min排期結婚通知紀錄，阿囡，想喺娛樂圈發展，人緣好緊要 o架！

【轉】女同志吧真人騷 藍燕轉性啜爆 TB助手

女同志吧真人騷　藍燕轉性啜爆 TB助手
2010年10月22日
忽然一週



摸大髀車輪 2分鐘
當晚「 Secret」全場爆滿，雖然藍燕與 Adam身邊有不少同志客人，但情到濃時一錫不可收拾。記者清楚見到兩人脷疊脷， Adam仲肉緊到出手在藍燕身上狂摸，藍燕咀到露底都唔知，其他客人就當睇戲咁睇足兩分鐘。

曾大爆與導演唐季禮一晚做愛三次嘅國內演員藍燕，自從被唐導演發聲明劃清界線後，不但性情大變，甚至連性取向都變埋。記者發現留港拍《 3D肉蒲團》嘅藍燕，最近喺 Facebook內上載多張與 TB助手嘴對嘴嘅照片，將同性關係大公開。
上周六（ 16日）晚，藍燕與該名 TB助手到銅鑼灣同志私竇玩，情到濃時仲激到當眾打「車輪」激咀 2分鐘。難怪藍燕早前拍《 3D肉蒲團》見到對手葉山豪出現生理反應時，曾揚言：「我唔鍾意男人，因為遇到嘅男人都好衰。」睇嚟藍燕受情傷真係好深，搞到要搵女人慰藉。
現年 24歲嘅藍燕來自上海，今年 8月來港拍三級片《 3D肉蒲團》期間，曾向傳媒大爆 06年與唐季禮搭上的性史，仲激到連一晚做幾多次及用咩體位都大膽透露，搞到唐導演要發聲明同佢劃清界線。藍燕其後開記者會，聲淚俱下澄清所講的都是事實，同時亦向唐季禮道歉，事件才得以平息。情傷過後，記者最近於藍燕 Facebook內，發現她上載了多張與 TB助手的親密合照。



又挨又繑
上周六（ 16日）晚上 11時許，藍燕與助手 Adam到位於銅鑼灣的同志酒吧「 Secret」消遣。藍燕一坐低就挨實 Adam，隻手仲繑住人㖭！兩人有講有笑，旁若無人。




TB主動出擊
幾杯雞尾酒落肚，兩人愈攬愈實， Adam主動咀藍燕，而藍燕亦非常受落，瞇住眼迎吻。




突然喪喊
啜完一次又一次，藍燕突然酒精上腦不停喪喊， Adam不斷安撫佢同幫佢抹眼淚。無幾耐見藍燕笑番晒， Adam女果然有一手。




High爆孖住走
玩到凌晨 3點幾，藍燕同 Adam拖實離開酒吧， Adam非常有風度為藍燕推門。之後兩人搭同一架的士離開。

唔再相信男人

據知情人士透露，藍燕近月與一名 TB行得好埋，兩人幾乎每個星期六都去銅鑼灣一間同志私竇消遣，「藍燕自從唐季禮件事後，一直都好唔開心，佢唔明點解曾經拍拖唔可以公開。前排佢約班朋友出嚟玩，飲大咗就喊晒話以後唔再相信男人，仲話成日都俾男人呃。冇幾耐佢身邊出現咗一名叫 Adam嘅 TB，睇佢哋又攬又拖，都知係咩關係。佢哋仲成日去同志私竇玩，話喺嗰度玩得放啲喎！」
上周六（ 16日）晚上 11時許，藍燕與 TB助手到達銅鑼灣同志酒吧「 Secret」，兩人坐在酒吧一角談心，飲多兩杯愈黐愈實，還情不自禁開始熱吻，錫足兩分鐘先肯停。一直表現陶醉的藍燕唔知受咗咩刺激，突然喊到收唔到聲，要 TB助手安慰佢。待藍燕情緒平伏後，兩人才離開。



都係女仔好啜啲！（設計對白）




《 3D玉蒲團》第一女主角
藍燕（左二）全裸演出三級電影《 3D肉蒲團之極樂寶鑑》，演男主角葉山豪的太太。片中焦點除了兩位日本 AV女優原紗央莉（左一）及周防雪子（右二）外，還有本地艷星雷凱欣（右一）。

拍牀戲壓力太大



8月喊住道歉
今年 8月，藍燕向雜誌大爆與唐季禮有過一段情，之後唐季禮表示會告她。她即舉行記者會，聲淚俱下向記者舉手發誓從沒說謊，並向受影響的唐季禮鞠躬道歉。《蘋果日報》圖片

本周二（ 19日）記者致電藍燕，問她與 TB助手去同志私竇玩樂一事，她表示最近連場肉搏戲壓力太大，情緒低落要借酒澆愁。她說：「那個 T（ Tomboy內地稱呼）叫 Adam，是我的助理。我跟她在上海讀書時已經認識，她知道我在香港發生了很多事情，搞得不愉快，所以專誠來香港陪我拍戲。最近拍《 3D肉蒲團》有不少很激的牀戲，壓力很大，心情很難平伏，那晚我喝多了酒， Adam才親我安慰我，我們不是那種關係。」藍燕死口唔認是女同性戀者，記者問她會否從此「轉性」鍾意女仔，她說：「她很細心，又很懂得照顧我，不過我暫時都不會想這些。」
除了同性戀疑雲外，更有傳藍燕在拍《 3D肉蒲團》期間曾失蹤幾日，據知情者透露，「藍燕突然唔見人幾日，之後劇組要佢解釋，佢先話去完汶萊一趟，大家都知咩事啦！」記者問藍燕為何玩失蹤，她詐儍扮懵，企圖蒙混過關：「冇喎！我一直都喺香港，唔知你講幾時。」呢啲藝人，真係唔知邊句真，邊句假。

Facebook揭同性戀情

記者於藍燕 Facebook及微博內，發現多張她與助手 Adam嘅親密合照。相中從兩人不避忌地嘴對嘴，藍燕更以「我親愛的小花花」稱呼助手，兩人關係似乎非比尋常。



的士車廂狂啜




探班合照




會員制私竇
位於銅鑼灣的上樓同志吧「 Secret」，屬同志有名蒲點，酒吧實行會員制，以便男女同志們玩得放心。

【轉】婚後照曳曳 家英哥搵骨女降火

婚後照曳曳　家英哥搵骨女降火
2010年10月22日
忽然一週



放鬆戒備
睇咗幾秒見無可疑車輛，家英哥即放鬆戒備，一副熟客樣同門口知客打招呼。家英哥幫襯嘅骨場，做緊$388雙鐘。對於骨精羅家英而言，揼兩粒鐘邊夠下火。

去年 63歲的羅家英如願迎娶拍拖廿年的汪阿姐。踏入人生另一階段，家英哥亦修心養性，忍住幾十年的骨癮，絕跡骨場。
不過「守齋」年多，家英哥近日終按捺不住。上周三骨癮發作的他，趁老婆汪阿姐開工，就背住她殺落色情架步雲集的砵蘭街，一間被網友評為有料的骨場揼骨四粒鐘。
家英哥又曳曳，管唔掂佢嘅汪阿姐竟然反常唔發火，但好緊張八番記者：「間嘢叫咩名？」人妻阿姐唔通真係「骨」聲吞咗去？抑或返到屋企至審佢？
與汪阿姐一起廿載的家英哥，婚前屢傳出「偷食」緋聞。 05年肝癌剛癒，骨癮甚大的他即把握回勇時機再踏骨場。直至去年中同汪阿姐結婚，有咗老公名份的家英哥鳴金收兵，婚後年多以來沒被傳媒拍到他出入骨場。
不過廿年骨癮，婚後可能一直靜極思動。去年底曾在訪問中自爆「我同阿姐無性生活」的家英哥，「餓骨」年多，近日終忍唔住要「重出江湖」。
根據過往家英哥被影到去骨場的紀錄，均正藉阿姐忙碌工作或不在港。今番家英哥再度出擊，亦是趁老婆阿姐忙着台慶綵緋及《荃家福祿壽演唱會》開會的無王管良機。過往鍾情佐敦區骨場的他，今鋪亦選擇重遊舊地，且要到佐敦滿布色情場所的砵蘭街當中的東方棕×桑拿。
上周三（ 13日）下午，家英哥出席完地鐵的宣傳活動，即一支箭颷上七人車，由司機載他去佐敦。由於以往試過斷正，故重臨骨場的他明顯提高警覺。為防司機報寸俾阿姐知，他故意着司機在彌敦道的舊普慶戲院落車，然後步行 10分鐘去骨場。沿途他左顧右盼，睇下有無俾狗仔隊跟住。行到骨場門口，他亦小心地回望經過門口的車輛，確認無狗仔隊在附近才急步進入。



提高警覺入骨場
婚後乖咗一輪的家英哥，上周三（ 13日）下午再戰骨場。為怕被狗仔隊發現，入骨場前見有車輛在門口慢駛，即停低下係咪採訪車，揼骨都揼得步步為營。




天光揼到天黑
到晚上九點，揼骨揼咗四粒鐘的家英哥一身鬆晒，並坐男友人車齊齊離開。




阿姐緊張：間嘢叫咩名?（真實對白）




搵骨妹前拉定筋
當日幫襯骨場前，家英哥先出席地鐵一個宣傳活動。 64歲的他有心有力，單腳拉筋馬步仍然好穩。




網友話有特別服務
在討論區，有網友稱東方棕×桑拿的技師向客人暗示有「特別服務」提供。




骨女暗示個場有兩味




新婚最聽話
去年中家英哥同阿姐喺拉斯維加斯註冊結婚，全城都戥他倆開心。婚後家英哥自爆同阿姐冇性生活，兩公婆係神交。

家英哥揼骨去火四粒鐘後，便與一名男友人齊齊離開。走時唔 call自己的司機來接他，反而登上男友人的私家車，顯然唔想俾司機知道行蹤。
家英哥今趟幫襯的骨場，有些網友在討論區交換心得時，均稱這場的技師會為「熟客」提供「特別服務」。記者日前到骨場放蛇，發現場內技師雖大部分係「阿嬸級」技師，但她們跟少數的妙齡技師一樣，統統短裙仔上陣。其中一名中女技師大爆好多男藝人幫襯：「除咗羅家英，仲有譚詠麟、杜汶澤、梁漢文同許冠文都係熟客！阿倫以前就鍾意去兩制嘅場。（咩叫兩制？）咪就係俾你揀制同唔制囉！（咁呢度係咪兩制？）呢度係齋揼，不過都有灰色地帶嘅！」

阿姐：佢無同我講

本周三（ 20日），汪明荃出席《荃家福祿壽演唱會》記招時，被問到家英哥又被影到去骨場，她即護夫地說：「揼骨有咩問題！（不過間嘢唔知係咪唔正經！）係咩，間嘢叫咩名？」她緊張地問，顯然對老公行蹤毫不知情。當她得悉後，便裝出一副滿不在乎的表情說：「佢無同我講去邊間，不過我諗揼骨係好多香港人會做嘅嘢。你會唔會？唔會就試吓啦！」婚後的阿姐，唔通已經進入化境。
至於無報定案的家英哥，現身處內地，沒有回覆記者電話。



放蛇實錄
骨場侍應見記者係生客，即煞有介事，不斷強調呢度係齋揼。




場內無論妙齡抑或中女技師，一律短裙仔上陣。

最愛尋歡揼骨



香港骨妹出火
97年 3月 羅家英在佐敦松濤澗桑拿揼骨，記者訪問招呼羅家英的一名上海按摩女郎，她坦白承認羅有要求特別服務。她說：「羅家英咪係男人，一樣要搵我打飛機（手淫）。」
汪明荃發爛渣說：「呢啲嘢你咪問番佢囉，做乜啲咁私人嘅嘢要我答，唔係你問乜就要答啫。」
澳門夜總會尋歡
2000年 2月羅家英、曾志偉和譚詠麟等明星足球隊成員在澳門踢完波後，齊齊去金域酒店的富都夜總會消遣，找來十多位小姐陪坐。
深圳 K妹伴唱
2000年 12月拍到羅家英與男友人在深圳金殿卡拉 OK尋歡，之後與伴唱女郎到對面「金苑火鍋之家」消夜，有講有笑。但發現記者在場後，便匆匆埋單。
汪明荃火爆回應：「咪問我！」
病癒骨癮即起
2005年 肝癌病情受到控制，羅家英即身痕瞞住阿姐到灣仔馬師道骨場揼骨，事後場內骨妹形容家英哥非常生猛。