DIVA華麗之後

【轉】林欣彤旺角 cosplay激凸 李治廷巨雀小龍（有片！）

林欣彤旺角 cosplay激凸　李治廷巨雀小龍
Face
2010年12月15日

21歲林欣彤的綾波麗造型雖然唔夠正版 G奶 Cup數，不過在冷空氣寒風吹襲下激凸，夠可愛！
果然扮開李小龍，李治廷的黃色戰衣 look fit到漏，胸肌同下體一樣若隱若現。

聖誕檔港產片得套《婚前試愛》，怎及賀歲檔熱鬧。
舊年套《 72家租客》做咗港產冠軍收過 3千萬，邵氏今年再接再厲，曾志偉吹大雞，搵梁家輝、吳君如擔大旗，帶住全台上下藝員再登大銀幕！本刊獨家直擊拍攝現場，真人不露相，激凸孖寶林欣彤和李治廷一出馬，影帝影后都失色。

互動片段

• 林欣彤旺角 cosplay激凸　李治廷巨雀小龍
  
  

死對頭黃百鳴的《最強囍事》集合甄子丹、古天樂、張栢芝和劉嘉玲等影壇最強，上週正式煞科；曾志偉監製、由邵氏出品的《我愛 HK開心萬歲》就玩大堆頭，動員全台藝員再加梁家輝和爆笑一姐吳君如人多蝦人少，男女主角更加係 2010年人氣冠軍，由扮《李小龍》人人話似的李治廷同《巨聲 2》巨肺林欣彤擔綱，一樣有綽頭。

G奶正版
原裝綾波麗係《新世紀福音戰士》女角，藍頭髮同胸大腰幼造型係宅男至愛，亦係 cosplay界少女第一選擇。

林欣彤飾演梁家輝女兒，有鋪 cosplay癮，早排已經扮過 Lolita。

Keroro加李小龍加變形金剛，仲有君如同綾波麗，淨係睇造型已經夠爆笑！

有姿勢有實際的李治廷身手同拍《李小龍》時一樣靈敏，不過日日操勞，背部生瘡少不免。

戲中細妹扮綾波麗，做大佬嘅李治廷就扮李小龍，着埋小龍黃色戰衣，李治廷有晒當年小龍 feel。

有料變裝

上週末一連兩日(11、 12日)，拍攝進度一直神秘過人的《我》片行蹤曝光，週日在旺角西洋菜街行人專用區，四位男女主角梁家輝、吳君如、李治廷和林欣彤更齊齊露面，上演街頭鬧劇。
據悉，與《 72家租客》一樣玩香港情意結的《我》片，今次由梁家輝、吳君如飾演一對家住公屋的普通香港夫妻，梁家輝投資損手要背住老婆在旺角擺街檔賣玩具。為增客量，更找來一對兒女李治廷、林欣彤玩 cosplay李小龍、綾波麗搶客。

串爆星

去年被爆無綫藝員客串《 72家租客》連利是都冇封，今年樂小姐同志偉都澄清：「絕對有酬勞！」即係話今次《我》片唔會發生「無言感激」事件啦！

張可頤

商天娥

黎諾懿
吳卓羲

黃宗澤
王祖藍
賈曉晨

激凸男女

李治廷在《李小龍》中扮演少年李小龍，雖然鋼條身形同小龍一樣 fit，不過喺新片穿上李小龍經典黃色戰衣才見「真章」，天賦巨雀雄赳赳夠霸氣！
至於小巨肺林欣彤，雖然唔夠正牌宅男女神綾波麗招牌 G奶強大，不過 C Cup Mag勝在的的骰骰夠可愛。劇情講述 cosplay林欣彤大受歡迎被大班龍友鏡頭包圍，當日氣溫得 20度又沒有太陽，傍晚時分拍戲的林欣彤唔知係唔係戲服單薄，凍到激凸，層層包圍的旺角途人紛紛拿出手機狂影，早知邵氏連扮龍友個臨記費用都可以慳番！

勢強人殘

不過咁，人氣愈強曝光愈多反而愈捱愈殘。記者現場所見李治廷遇着梁家輝、君如等影壇前輩，雖然表現滿分導演迅速收貨，整個月日夜顛倒要宣傳《李小龍》、又要趕拍賀歲片，難怪一叫 cut即時落晒形、背部又驚現壓力瘡。
同場巨肺林欣彤簽約 TVB三個月以來工作不斷，又喺台慶亮燈企頭位又獲重任主演賀歲片，週日拍足 8粒鐘外景再返廠繼續，第二日又再馬會活動上獻唱，難怪面豬爆晒瘡啦！
記者完場問小巨肺，着住咁貼身戲服在鬧市拍戲，有否感到尷尬，林欣彤只笑不語，一味被工作人員拉着走，再問她是否打算停學全力攻娛圈，佢就話：「唔係，我仲一直讀緊！」至於小龍上身的李治廷，拍完旺角街景後，即上廠車轉場地去邵氏片場再拍過，手拿 iPad狂玩的李治廷，問佢着到咁激有冇尷尬，佢就好大方：「唔會，大家開心就得啦！」真識撈，抵你紅硬！

鬥扮嘢《最強囍事》

黃百鳴監製的《最強囍事》確實卡士最強，不過 46歲劉嘉玲在銅鑼灣街頭帶假髮扮 o靚模，都幾驚嚇。《蘋果日報》圖片

栢芝復出拍戲，日日開工帶住 Lucas，兩母子片場合照經常讓劇組放上微博。

《最強囍事》官方微博近日接連鋪出宣傳海報，古天樂、栢芝、嘉玲人人有份做《 Times》封面，早志偉一步搞宣傳。

《我愛 HK開心萬歲》

除咗黎耀祥，林欣彤等等 TVB人氣王，志偉還請來影帝梁家輝，老笑匠馮萃帆同三姑吳君如出馬，論笑點唔比對手差。

除咗小龍同綾波麗，仲有童星扮 Keroro同陸 Wing扮《 Toy Story》綠軍人。

李治廷戲中女友係陳法拉，上週六（ 11日）就在彩虹邨齊齊搭巴士。

賀歲三國

去年曾志偉同黃百鳴兩位監製都話對自己套賀歲片有信心，點知由電視台藝員掛帥的《 72家租客》贏幾條街，今年仲熱鬧，陳可辛加入戰團，有古天樂打古天樂，咁至叫賀歲檔 o架嘛！
曾志偉《我愛 HK開心萬歲》
邵氏×志偉今年再接再厲再動員電視台上下拍賀歲片，志偉撬埋黃百鳴愛將吳君如過檔，仲讚君如「棄暗投明！」話有信心再做票房冠軍，繼續寸嘴。
黃百鳴《最強囍事》
有甄子丹、劉嘉玲、張栢芝、古天樂同杜汶澤影壇最強，繼續黃百鳴招牌大堆頭系列，不過劇情如果似舊年咁爛，就真係卡士點強都救唔番！
陳可辛《神奇俠侶》
古天樂加吳君如，雖然卡士一般，勝在宣傳超班。 7月已經有惡搞登陸月球宣傳片 hit爆 YouTube，仲話疑似被《變形金剛 3》抄橋，為港產片爭光！

曾志偉

黃百鳴

陳可辛

【轉】前後腳上羅孝勇家 林欣彤巨星戀升溫

前後腳上羅孝勇家　林欣彤巨星戀升溫
2010年11月10日
Face

5/11孭袋走人
剛出席完:CHOCOOLATE活動就上 Sheldon屋企，逗留 13分鐘，阿 Mag攞住同一品牌嘅紙袋走人，當日羅孝勇身在天津做華姐表演嘉賓，咁袋衫佢究竟幾時放上去呢？

巨肺林欣彤（ Mag）喺《超級巨聲》音速爆紅後，難得有新女唱得兼純情，絕種純殼搞到班宅男狂流口水。
貴為 TVB力捧新人， Mag近排接 job多過瞓覺，但據知絕種 Mag已經和巨聲 2幫富貴仔、有翻版陳冠希之稱的羅孝勇（ Sheldon）暗撻，但話晒係熱戀期，後生仔女梗想密密見， Mag上週五更踩上緋聞男友家，不過只逗留 13分鐘就離開，純過蒸餾水嘅巨聲戀正式升溫。
巨肺林欣彤和翻版陳冠希羅孝勇屢傳拍拖，兩人死口唔認，不過據知兩人確實撻着近 4個月，超忙 Mag經常到緋聞男友家爭取時間見面。

自出自入
上週五（ 5日）林欣彤出席於 I.T活動後，衫都唔換就即踩上羅孝勇位於堅道的住所，其間見佢按密碼好熟手。

寄住阿哥家
羅孝勇曾表示現居於阿哥位於堅道的家，早前本刊亦見他返上同一大廈。

細心照顧

醒目睇中純情 Mag嘅混血富貴仔羅孝勇出身不俗，擁有 4分 1愛爾蘭血統喺澳洲長大，大學畢業回港後，寄居兄長於港島西半山堅道慧源閣，據知鬼仔追 Mag過程絕不少爺仔。
知情人士說：「比賽中段， Sheldon已經同阿 Mag好好傾，雖然成班巨聲都成日上佢屋企 hea，但 Sheldon對 Mag特別照顧，佢知阿 Mag飲凍嘢氣管唔舒服，就留番包飲品唔擺落雪櫃，做完嘢又成日送阿 Mag返大埔，自己再搭車返西半山，來回要兩、三個鐘， Mag唔想 Sheldon咁辛苦，咪有時同巨聲幫朋友上佢屋企囉！ Sheldon仲話女友諗嘢好深沉，想用開朗嘅性格感染佢喎！」

客廳對唱
當日《巨聲工房》家訪， Sheldon就請林欣彤做嘉賓，仲當眾喺客廳對住 Mag唱情歌。

單人睡房
睡房細細間得張單人床，但床邊就放咗 4個結他， Sheldon仲話成日喺床上練歌，單身寡仔真純情。

獨男廚房
Sheldon同律師阿哥同住， 2條仔好少煮飯，節目中羅姑媽便教 Sheldon焗菊花茶。

有米巨聲
羅孝勇（上右二）畢業於西澳洲大學經濟系，阿哥做律師，阿爸係建築師，而母親更係中國愛爾蘭混血兒，家族傳統優良，難怪連純情 Mag都俾佢追得掂。

上樓快閃

Sheldon對 Mag愛護有加， Sheldon上週為中華小姐決賽上天津工作，上週五 Mag出席完 I.T:CHOCOOLATE活動後，便行色怱怱趕到 Sheldon家，出入時大廈保安員仲主動同阿 Mag打招呼。 Mag喺 Sheldon屋企逗留約 13分鐘，落樓仲攞住兩袋衫走人。

《巨聲》戀蒲面
10月︰食完唔走
雖然拍拖要低調，但都要醫肚，上月 24日本刊拍得鬼仔 Sheldon帶林欣彤食完漢堡包後依依不捨，企喺快餐店門口唔願走，足足傾咗成廿分鐘先肯送阿 Mag返屋企。

9月︰開心船河
二人唯一一次唔算工作性質嘅合照，已經係比賽中段時嘅巨聲船 P。

8月︰ High玩海盜船
Mag和羅孝勇又同成班巨聲去海洋公園玩海盜船，羅孝勇已經全程坐喺阿 Mag隔籬。

情歌撻着
有傳兩小無猜為於《巨聲》中合唱〈 In Love With You〉，兩人於綵排時投入而漸漸撻着，當日演出仲鬼死咁纏綿。

中學情人
Skeleton Koo係阿 Mag中學年代嘅男朋友，早前訪問時阿 Mag就讚佢打鼓時好型，不過幾好都唔夠 Sheldon型。

林欣彤愛心玩狗

有讀者報料羅孝勇經常孖住林欣彤出現喺堅島長電梯附近一間寵物店，仲成日和店內貴婦狗玩到唔捨得走。阿 Mag回應話：「咁啱啫，要等埋其他人一齊上佢屋企，冇碇去先至入去玩吓狗啫！」

有養狗嘅 Mag視犬如命，話狗仔陪佢度過咗好多日子，所以見到狗特別有感情。

呢間就係兩位經常出沒嘅寵物店。

有次寵物店嘅客人見到阿 Mag顧住喺寵物店裏面玩狗唔願走，跟住羅孝勇仲話：「夠鐘喇，要走啦！」阿 Mag先肯放手。好襯！組情侶檔肯定大受歡迎。

做偶像劇一姐

顧家乖女
林欣彤跟細佬和父母同住大埔居屋，家陣顧家 Mag神速搵錢，家人生活亦應該得到改善。《忽然 1周》圖片

為保豆芽戀，拍拖要低調，但講工作， TVB實想捧 Mag上天，除拍攝中電影《我愛香港》外，早前亦為保險公司廣告唱主題曲，當選後亦出席了 4個公開活動，每次出席都收 5-6萬，忙到連月中開始喺 J2播嘅《巨聲 Mini Concert》（暫名）都未知幾時有期。
據知無綫更打算食住個勢搵林欣彤做下年開拍的青春歌舞劇女主角，而男主角會在吳業坤（坤哥）或大隻隊長陳國峰（ Penny）中二選一。知情者說：「套劇會以歌舞為主，想學台灣同韓國嘅偶像劇咁，吸引後生仔又可以谷到新人，除咗 Mag、坤哥同大隻隊長外，一幫同好多後生歌星都會客串，家度緊劇本，連六嬸都覺得有得做！」
獲公司力捧，阿 Mag上週五話：「如果有得拍劇的話好開心，可以再同班巨聲朋友一齊，但我都好想快啲拍 J2個 mini concert節目，每集有成個鐘，可以多啲同大家交流音樂，歌、影、視發展當然好，但我最鍾意係唱歌！」至於跟羅孝勇拍拖一事， Mag週一電話澄清：「嗰日下晝要攞衫夜晚活動用，之後要去 set頭同化妝，趕唔切攞嘢返大埔先至問佢借個地方擺嘢，我哋唔係拍拖，其他巨聲都會上佢屋企 o架！」

2個月掘 200萬

林欣彤除早前為大新人壽以過 50萬價錢拍平面廣告外，更有傳她已接了 9個廣告排住隊拍，絕對係大金蛋。

連接 9廣告

《蘋果日報》圖片

Mag唱得兼外形討好，自從 9月奪得《巨聲》冠軍後，工作排住隊做，據知短短 2個已為無綫吸金 100萬，靚聲王曉生金蛋，無綫實行電影、電視、出騷三面谷行。

做綜藝主持

《蘋果日報》圖片

贏咗巨聲冠軍後，無綫為 keep阿 Mag（右三）人氣，除了安排她上《勁歌》外，又派她主持《金曲擂台》幫佢谷人氣，不過林欣彤由於太受歡迎，所以佢要度啱期先可以客串做幾集主持，忙過好多歌手。

奪冠彈起

《蘋果日報》圖片

林欣彤於《巨聲 2》大熱奪冠，而緋聞男友羅孝勇則得第三，而另一參賽者胡鴻鈞則奪亞軍。

密接搵錢騷

林欣彤接 job冇停手，上週五（ 5日）和林海峰齊齊做 I.T品牌:CHOCOOLATE活動嘉賓，據知搵阿 Mag做嘉賓都係林狗主意，其間連林海峰都說：「睇電視就見影像，終於見到你真人啦！」

又執 10萬

到 10月林欣彤全力出動，先出席 Nikon數碼相機活動，再去 Red Valentino的 pop-up store開幕禮，執到冇停手。

《蘋果日報》圖片

《蘋果日報》圖片

拍戲扮女僕

我最鍾意係唱歌！(真實對白)《蘋果日報》圖片

人氣王林欣彤處女電影作係邵氏出品的賀歲片《我愛香港》， Mag飾演吳君如和梁家輝的女兒，要扮女僕 lolita，搞笑都考佢唔到。

有價有市

林欣彤上月 23日孖住古巨基出席 Kiehl's活動，亦是她第一個收錢活動，據知穩袋 5萬。

《巨聲》好感情

其實《巨聲》兩輯以來，都先後有多個參賽者傳出緋聞，不過都正常，參賽者全部十幾廿歲又愛唱歌，日對夜對係易啲撻着 o架喇！

林欣彤受保護

《蘋果日報》圖片

二幫林欣彤威盡，巨肺上到台係男仔見到都冧，所以攞第二、三名嘅羅孝勇同胡鴻鈞（右）都好錫佢，大把男仔追啦！

林師傑拖兩件

澳洲讀書返嚟嘅林師傑先傳同滿口英文嘅何雁詩啱 key撻着，佢哋個網頁就發現二人私底下做 gym相，有相為證，但冇耐又傳出同另一位巨聲駱胤鳴拍拖，台上打情罵俏，林師傑夠魅力。