FACE獨家 - 林宥嘉狂扯記者 G.E.M激動喝止

【轉】戴 3 個 bra 加 6 個墊 囧探激凸 OL：咀八両金都得（有片︰囧探假 G奶倫紫玄！）

戴 3 個 bra 加 6 個墊　囧探激凸 OL：咀八両金都得
Face
2010年12月29日

倫紫玄
為本刊拍照時，倫紫玄以真身 32B上圍加 38吋長腿，冇激凸，硬 sell均勻身材。

《囧探查過界》有宅男女神鍾嘉欣 chok樣扮 o靚模，又有華姐冠軍朱璇係咁放電，不過以王喜搭鍾嘉欣做賣點？零幻想！收視平均 28點，最高 31點，算係超額完成！
主角唔爭氣，配角就易突圍，喺劇中做石修秘書、 08年落選港姐倫紫玄，雖然對白得幾句，但激凸胸火速招兵。迫爆效果原來靠食腦，難得有人注意，只要有機會，佢話：「咀八両金都得！」

互動片段

• 囧探假 G奶倫紫玄
  
  

喺《囧》劇做石修性感秘書嘅倫紫玄（ Nadia），為 08年落選港姐，雖然對白少，不過造型取勝，疑似 G奶巨胸同長腿，加上日本 AV式四眼 OL造型，啱晒宅男口味，成功被高登仔留意。喺劇中身材迫爆，但原來裝假狗，佢話：「戲入面我要激凸，服裝部就畀咗一 set wonder bra我戴，係 3個大 bra連埋，然後我再喺裏面每邊加 3個墊，先有 G奶效果咋！本身我對腳都係得 38吋咋。」

《囧》劇收視麻麻，好在仲有靚女做話題，倫紫玄（左）喺劇中成日着住迫爆恤衫又 sell腿，閒角但都有高登仔留意，可以「凸」圍而出。

月薪一千

24歲倫紫玄港姐出身，同屆有 hea后張舒雅、高海寧、馬賽，當年因為唔想做國泰空姐參選港姐，自言參選時同張舒雅一樣 hea，佢話：「參選嗰陣我同張舒雅最 hea，成日都問幾時收工！之後冇嘢做，咪入無綫做一騷藝員囉，雖然收入真係唔多，試過糧單得一千蚊，但原來做茄喱啡做得好，都有人睇到，經 PA讚好之後再被《囧》劇監製羅永賢搵我做呢個角色！」
難得有人留意，倫紫玄由 hea變積極，當日為本刊影相時，超搏晒性感，對攝影師要求亦冇托手踭，佢話：「我樣唔係特別靚，身材又唔係正，我諗我勝在夠搏囉，其實陳法拉身材同我差唔多，當然佢正好多啦，但佢都好性感咁搏先去到家呢個位！我會比佢更搏！」為有演出機會，倫紫玄幾閒角色如路人甲、乙、丙都做，佢話：「拍《談情說案》我要同蔡淇浚濕住激吻，雖然最後出街連個樣都睇唔到，不過只要有機會，你叫我咀八両金都得！」

華裔小姐出身、出道 5年嘅陳法拉，過往曾有不少性感演出才奠定今日花旦地位，播緊嘅《誘情轉駁》，法拉繼續唔錫身擘髀跳鋼管舞。

08年參選， 5呎 6吋高嘅倫紫玄（左）拍埋同屆九頭身嘅張舒雅（中）和大咪港姐高海寧（右）身邊，明顯蝕底。

身材樣貌唔突出，惟有靠搏，毛毛外衣裏面，倫紫玄僅以 nude bra遮胸，仲以 bikini褲打底，露出白滑 pat pat。

咁益我！設計對白

【轉】H 奶襲港！！瑤瑤師妹豪語失豬！！

H奶襲港　瑤瑤師妹豪語失豬
Face
2010年12月29日

騙了我的初夜！（真實對白）
港女個個想豐胸，但 34H小羽反而嫌棄大咪，原來小羽身材豐滿經常惹人博懵：「小時候常常被撞胸，很討厭！買的衣服又不合穿，全部都要拿去改。」

港女貪慕虛榮又難頂，港仔北上尋溫柔已經令港女唔值租，最慘仲要面對巨乳兼嗲爆的台妹夾擊。
來自台灣年僅 20歲的小羽（鄭羽家）上週五（ 24日）便以性感 cosplay造型現身《亞洲遊戲展》，號稱 34H身材引盡全場宅男圍觀爆奶奇景，同場陀地代表 DaDa（陳靜）輸新鮮感。
其後小羽接受本刊訪問時，更晒命自稱胸大買唔到內衣，又自爆 17歲便被靚仔男友呃初夜：「我早就不是處女，全部帥哥都是騙人的！」
原來感情受騙，難怪家陣剝得咁盡啦！
年僅 20歲、就讀台灣高雄設計學院的鄭羽家（小羽），一向係台灣電玩展主膽，憑 34H爆乳身材加上唔怕剝，上週五（ 24日）出席《亞洲遊戲展》時，更加吸引成班電車男瘋狂出動圍影，加上小羽有求必應，間中講兩句台式超嗲：「謝謝噢！」連同場陀地 DaDa（陳靜）都甘拜下風。

胸贏陀地

平安夜（ 24日）跟陀地 DaDa同場，小羽一件中空衣已經夠殺，最慘 DaDa條胃腩下墮要用條腰帶束實（小圖）。對手失手，小羽輕易 K.O.。

小羽吸引過百龍友圍觀喪影，仲有宅男擒梯喪，認真誇張！

靚仔呃豬

有身材又順得人，以為佢一定大把仔排隊溝，點知小羽話自己家單身之餘，兩年前更試過遭台灣帥哥呃處：「以前男友雖然很帥，但他外面竟有 5個女朋友，還騙了我的初夜。所以我不要帥哥，他們都愛騙人，不是好人！」
講開揀男友，小羽續說：「我要的是對我專一、可以跟我溝通的人，我對外形沒要求，比我高就 ok！但一定不可以是帥哥，因為全部帥哥都會騙人！」

薄背巨咪

記者親自同小羽度胸圍， 34H仲要 3吋半薄背絕對真材實料，小羽話全靠以前阿媽日日迫飲木瓜奶喎。

咪夾電話

遊戲展當日小羽將電話夾喺事業線，學足巴拉圭波神列基美，開工都要電話跟身，小羽就解釋：「我習慣把電話帶在身上，但開工時不會接聽的。」咁究竟帶喺身做乜呢？

嫌棄胸大

小羽揀男友難，原來 34H巨乳搞到佢買內衣都有困難，小羽說：「不論我在台灣或者香港都買不到胸圍，就算去 H&M等買外國尺碼衣服的地方，也買不到胸圍，真的很煩人。」堅大胸又晒命嫌棄，難為其他女要搏命加墊裝假狗或隆胸呀陰功！

黑帶二段

除咗讀設計，小羽原來仲係胎拳道黑帶高手：「我自小就陪弟弟學拳，現在都考到兩段了！」大家遠睇好啦，埋身做傻事小心頸都斷！

台模三級制

台灣出名多模，而且種類豐富，唔似香港得天橋模同 o靚模咁悶，以殿堂級名模林志玲為例，一場騷起碼穩袋 4萬蚊港幣，對比剝到盡嘅小羽同另一脫模劉伊心，都係得幾千蚊港幣，幾時都話搵皮肉錢有血又有汗。
殿堂級
代表：林志玲、白歆惠
騷價： 4- 5萬
主要工作：行天橋騷、剪綵嘉賓、品牌代言等。

二級
代表：郭書瑤、李毓芬、豆花妹
騷價： 2- 3萬
主要工作：品牌活動、商場騷、陪襯名模。

最近陀地雷凱欣（右）赴台拍住劉伊心做車展，原來都係襯托奀模。台灣《蘋果日報》圖片

三級
代表：大元、劉伊心、小羽
騷價： 8千- 1萬
主要工作：遊戲展 game girl、車展模，主要靠剝。

【轉】斷正 Boxing day食 G.E.M. 林宥嘉發狂打人

斷正　 Boxing day食 G.E.M.　林宥嘉發狂打人
Face
2010年12月29日

你不要這樣！(真實對白)
我不要保持風度！(真實對白)
斷正起火︰平時唱歌深情又溫柔，但被記者撞破即發怒強搶相機的林宥嘉把 G.E.M.亦嚇親， G.E.M.即時繑實男友手臂希望令他冷靜：「你不要這樣。」

聖誕佳節凍冰冰，人人想攬實另一半人肉暖爐保溫最浪漫， 19歲巨肺 G.E.M.都唔例外， boxing day終於等到男朋友仔林宥嘉秘密抵港陪伴，食飯睇戲拆禮物一氣呵成！
可能二人行埋一年未有準備斷到咁正，加上首次被記者撞破拍拖好事，林宥嘉突然發難拉扯記者追打，又發狂想搶奪相機，護花心切 5呎 3的林宥嘉變猛男。
其實拍拖又唔係偷情，兩個唱得小情侶外形實力都襯到十足，以一敵四搞到有損傷報警又嚇親女友仔，林宥嘉冷靜咗就發覺自己過分嘞。
今年初，首次推出國語專輯的鄧紫棋長駐台灣三個月錄音加宣傳，與星光小天王林宥嘉傳撻着，不過男女雙方都態度一致玩收埋，見面偷會又夠小心，相戀將近一年都係有聲冇畫，至週日（ 26日） boxing day下午出席完公開活動的 G.E.M.極速奔家，到晚上 7時，終於看見落了妝戴上眼鏡和口罩的小巨肺拖實一早在鄧家等候的林宥嘉從荃灣寓所步出過節，親密關係首次斷正。

溫馨拆禮物
下午做完公開活動時，笑到見牙唔見眼的 G.E.M.（右圖） boxing day跟男友見到面，就算只喺荃灣行街冇貴禮物冇名店， G.E.M.一臉冧樣，一對小情人戴埋情侶眼鏡仲全身黑，非常襯。

你（林）先放開！(真實對白)
女友嗌停︰大學讀體育及休閒系的林宥嘉蠻力扯記者相機帶時， G.E.M.高聲勸阻話：「你先放開好不好！聽我說好不好！」混亂中記者被抓傷手背。

你們不要再拍。(真實對白)
怒搶相機︰記者和 G.E.M.力勸，亦無法平復火爆的林宥嘉，攝影閃光燈亦因此跌爛。

忽然後襲︰一輪拉扯後，為在女友面前表現英勇一面，身材瘦小的林宥嘉以一敵三， 5呎 3都變小巨人，忽然從後撲向記者想再搶另一記者攝影機。

我不信你們（香港人）這套！(真實對白)
拑手批踭︰搶相機事敗，林宥嘉轉攻另一位手持攝錄機的本刊記者，其間施拑臂批踭必殺技，記者焗住硬食一招。

你相不相信我！(真實對白)
報警、報警、報警(真實對白)
拉埋勸交︰ G.E.M.終於拉埋林宥嘉一邊，勸佢先上寓所自己善後，「你先上去，你相不相信我！」但林宥嘉依然企硬向 G.E.M.大嗌：「報警呀！快點呀！」

警察調停︰直到警察和香港唱片公司人員到場，林宥嘉才平靜下來，願意賠償記者損失，雙方不作追究。

偷拆禮物

上月才推出新碟《 My Secret》的 G.E.M.近月一直忙於為新碟宣傳，人人以為她與林宥嘉上次見面已經是四個月前的「新城國語力頒獎典禮」。事實上即使身處兩地、工作繁忙亦無阻這對小情侶的熱情，知情者說：「佢哋成日瞞住雙方唱片公司，爭取時間偷會，月初 G.E.M.先抽時間去咗台灣兩日一夜見男友，今次林宥嘉啱啱平安夜（ 24日）先喺上海開完演唱會，返台前咪途經香港同 G.E.M.一齊賀聖誕囉！今次連佢公司都唔知 o架！」

樹熊掛頸
相戀一年聚少離多，難得見面二人還是像熱戀男女一樣，似足連體嬰。

入行前初戀男友及林宥嘉之間， G.E.M.曾經與有嶺南 Eason之稱的 Aaron拍拖，去年分手。

發狂台男

在 boxing day出席活動時， G.E.M.仍公開說：「聖誕同林宥嘉冇見面、冇短訊、冇送禮物，爸爸、堂哥就係男伴。」估佢唔到原來男友一早在家久候，二人的拍拖行動都集中在甚少記者巡視的荃灣區內進行，加上二人戴上眼鏡和口罩、穿起大褸和牛仔褲極平民，即使兩人全程又拖又攬又咀，肆無忌憚一樣成功隱藏於荃灣街坊堆中。拍拖期間兩人鋸完扒再睇埋娜姐激片《婚前試愛》，又在附近公園連體漫步足足 15分鐘，當兩人正準備上樓之際，冷不防記者上前拍照的林宥嘉，竟忍唔住出手搶相機。

成熟解放
出道兩年的 G.E.M.，除了巨肺唱得，亦出晒名身材好。

同場偷望
異地戀難得見面，今年 8月二人一同出席「新城國語力頒獎典禮」，林宥嘉忍唔住經常偷望 G.E.M.。

報警認衰

其間努力護花的林宥嘉表現熱血，又批踭又扯相機一輪推撞，嚇到本來企開一邊的 G.E.M.亦忍唔住高叫：「你冷靜點！」林宥嘉卻邊喊：「這是私人事，我是台灣人，我來做音樂，不想上你們雜誌！」又一邊提出要報警， G.E.M.情急下再說：「你先上去（ G.E.M.寓所），你相不相信我！」但林宥嘉依然充耳不聞，結果擾攘半小時，直到警方到場、其所屬香港唱片公司 Wow Music負責人到場，林宥嘉才被勸服。
冷靜過後，週一 G.E.M.說：「我係嚟做音樂嘅，希望大家淨係留意番我音樂上嘅嘢啦。」而林宥嘉則透過經理人回應：「他上週六、日在大陸演出，只是路過香港去找好朋友而已，他很欣賞她（ G.E.M.）的音樂，兩人在音樂上也有一些交流，當天攝影師突然衝出來，他被嚇到，才會有那些反應也是基於本能吧！」咀晒都係好朋友，其實音樂人都可以拍拖，唔使繼續講大話啫！

我來做音樂。(真實對白)
夾埋口供︰林宥嘉自稱「我來做音樂！」，週一（ 27日）， G.E.M.亦跟足口風話：「我係嚟做音樂，希望大家淨係留意番我音樂上嘅嘢啦。」

希望大家淨係留意番我音樂上嘅嘢啦。(真實對白)

平民價$721　 G.E.M.畀晒錢

G.E.M.同林宥嘉由晚上 7點於荃灣麗城花園女方寓所出發，行街食飯睇戲 5粒鐘遊勻荃灣市，真正只係使咗 721蚊，仲要全程由阿 G.E.M.埋單，呢個女友識得過呀！

19:00 Start

晚上 7點兩人手拖手由女家荃灣麗城花園步出，展開浪漫 5小時街頭漫遊。

19:40
Outback鋸扒$589︰兩人由寓所搭的士到愉景新城的 Outback鋸扒， 2人一碟沙律加兩客牛扒再搭兩杯飲品，盛惠$589，由女友 G.E.M.埋單。

21:40
圍頸巾︰食完飯臨出商場， G.E.M.仲好細心咁幫男友圍條頸巾，估唔到 G.E.M.人仔細細又識做廿四孝女友本分喎！

22:00
睇激片$132︰食完飽飽，小情侶搭的士去到荃灣另一商場荃新天地 II期的嘉禾戲院睇《婚前試愛》，又係阿 G.E.M.用信用咭預先網上訂飛畀錢！

《婚前試愛》有羅仲謙同周秀娜肉搏連場，睇戲期間兩人不時頭黐頭，佳節流流揀啲激戲睇， G.E.M.鬼馬喇！

23:20
公園漫步︰小情侶之後落咗去商場附近公園漫步，其間繼續連體攬頭攬頸，行公園咁浪漫，真係 19歲先會做。

23:40
忍唔住咀︰行完公園等的士返歸期間， 19歲 G.E.M.終於忍唔住當街攬住男友條頸就隔住口罩咀落去，少女情竇初開，係好難忍嘅！

台男多躁底

23歲情歌王子林宥嘉變臉發狂未算異數，其實包括周杰倫在內不少台灣情歌天王，台上深情台下愛蒲愛飲又火爆，狼過啲香港男星好多 o架！

積犯周董

在樂壇呼風喚雨的周杰倫一直是中港台記者追訪頭號目標，周董痛恨狗仔隊作歌唱衰之餘，多次在被追訪途中與記者發生推撞。

花心陶喆

緋聞多到爆又愛嗒奀茄，陶喆 08年初爆醉酒街頭連吻兩女，又因醉酒傷人兼拒捕，事後要開記招道歉。

逸臣射尿

《海角七號》男主角范逸臣愛飲眾所周知，經典作是醉酒當街小便、宿醉後更連上門叫起身的經理人都拳頭侍候。

【轉】男賤女姣 維園阿哥滾女 周澄哨牙仔都食（有片！！）

男賤女姣　維園阿哥滾女　周澄哨牙仔都食
Face
2010年12月22日

19/12玩自拍
週日中午，周澄孖住新歡哨牙仔在油麻地一間 cafe食 tea，情到濃時，哨牙仔仲從背囊攞出相機同周澄玩自拍，難得周澄肯港女上身齊齊玩自拍！

香港政壇捲起桃色風波。有「維園阿哥」之稱嘅社民連成員任亮憲，上週三（ 15日）被指涉嫌非禮及強姦 29歲女粉絲，「 o靚界民主女神」周澄隨即以「受害者」身份，踢爆有人玩弄感情，瞞婚之餘仲「一腳踏四船」，食遍政黨索女。
引爆政圈淫亂史嘅烈女周澄連日咬實賤男冇放口，以為女神情傷變貞烈，原來觀音新兵已及時補上。換仔密手嘅周澄，今次竟然揀中四眼哨牙仔，騎呢擇偶品味，叫人跌爛眼鏡。
女神連哨牙仔都唔嫌棄，唔知一班宅男會幻想破滅，定希望重燃？

互動片段

• 周澄密會哨牙仔
  
  

23歲周澄雖然生得清純可愛，查實性格反叛剛烈。除咗被本刊拍到煲煙相，女神依然死撐唔認之餘，今年 7月突然自爆 07年因同當時男友鬥氣，而在尖沙咀新花都夜總會下海做咗三個月陪酒。

戀史立立亂

女神唔只身世奇情，密換男伴嘅佢情史亦一籮籮，而佢同任亮憲亦因五區公投運動而撻着。今次周澄「挺身頂證」爛滾友，大罵有人扮單身呃女人：「佢原來未離婚，又有其他女朋友……佢同一時間呃住幾個女仔，我覺得好唔舒服，咁樣對幾個女仔亦唔公平！」
倒「亮」之言一出，任亮憲翌日即表明保留向「發放假消息」的人士法律追究的權利。過氣情侶隔空互插，精采過舌戰論壇。

周澄同新仔食完下午茶，就行去油麻地百老匯中心旁的「 Kurbrick」書店睇書，夠晒同聲同氣。

食完再食
行到近晚上 7點，二人入咗廟街一間糖水鋪食甜品醫肚，一邊食一邊傾唔停。

被本刊發現後，周澄帶住哨牙仔通街走避記者，二人最後竄上的士離開，而哨牙仔一直以紙袋遮樣，冇厘自信。

19/12清者自清
週日（ 19日），任亮憲聲明周澄等人要為自己言論負責：「我會保留對發放假消息追究的權利……言論的發放者除了不道德外，在法律上亦是有影響及後果的！」

新仔重口味

週日（ 19日），前度頭痕出席《城市論壇》交代，周澄冇繼續追擊加多腳，原來約咗新男友四眼哨牙仔食飯行書局，心情靚絕。
同行新歡年紀同周澄相若，其貌不揚嘅佢哨牙外露，加上孱弱外形，與一般宅男冇乜分別，睇嚟女神嘅口味相當神化難捉！
新仔曝光，敢言嘅周澄極力迴避：「我哋……朋友嚟 o架！」而怕醜哨牙仔亦只肯透露係女神嘅大學同班同學。對於任亮憲寸佢亂噏，周澄就晦氣話：「咁由得佢講囉！」仔死仔還在，邊得閒理閉翳舊愛！

在「 6． 23反政改運動」中，周澄與任亮憲經常拍住出席兼食飯，原來二人一早暗中撻着。

今年 6月初，周澄於任亮憲 facebook留言「我好掛住你」，又送埋冧歌〈 Somethin' Stupid〉寄情，被網友話任將周澄「私有化」。當時任亮憲對本刊回應話：「我同佢真係冇嘢 o架，黐線啦，唔使發聲明呀？」原來有人擘大眼講大話！

政壇「食家」

31歲嘅任亮憲在《城市論壇》以火爆形象「手指指」評彈論政而被封「維園阿哥」。今次涉嫌非禮及強姦事件曝光後，立即遭舊愛周澄踢爆賤男真面目，兼為政壇「食家」傳嗒過「社民連張栢芝」林采薇及「民主黨小百合」鄭莉莉，鄭大怒發聲明否認。
周澄力指任隱瞞已婚身份追求佢，而且「一腳踏四船」，分別與兩名泛民的女成員發生關係，並對佢一名女性朋友摸手摸腳：「第一次出街已摸手摸腳，個女仔已即時反抗，覺得佢真係好差！」今年 6月，任接受本刊訪問話唔希望女友係社運人，最好係唔黐身同唔係小女人，但睇嚟有人最鍾意在政圈「開餐」就真。

去年 7月，任亮憲已被拍到手抱囝囝出席「 7.1遊行」，但任一直冇公開已婚及有仔一事。《蘋果日報》圖片

任亮憲任職基金公司聯席董事，老豆係親台灣前立法局議員任善寧（左），算係有貨有家底。

女神多仔

拍 10次拖
周澄成名後私相不斷流出，包括與男友人嘅泳衣合照。

周澄清純外貌秒殺宅男，加上貴為金像編劇兼導演岸西之女，曾於訪問中表示自己拍過 10次拖嘅周澄， 7月時自爆 20歲時在暑假同男友鬥氣而去夜總會做陪酒：「你話我衰，我就挑戰自己底線囉，可能因為我反叛。」

社運男友
06年間，周澄因參加社運活動而和年長 8歲嘅智庫（ Roundtable Community）總幹事林輝撻着半年。林輝強調因「普通感情問題」而分手，但私底下已再冇聯絡過。

當街攬
今年初周澄以「大專 2012」成員身份出戰「五區補選」，當時佢男友為社民連第二屆行政委員曾浚瑛，但參選不久已告分手。而周澄於 5月出選新界東補選拉票活動時，被傳媒影到同一名黑衫四眼仔當街攬。