【轉】H 奶襲港！！瑤瑤師妹豪語失豬！！

H奶襲港　瑤瑤師妹豪語失豬
Face
2010年12月29日

騙了我的初夜！（真實對白）
港女個個想豐胸，但 34H小羽反而嫌棄大咪，原來小羽身材豐滿經常惹人博懵：「小時候常常被撞胸，很討厭！買的衣服又不合穿，全部都要拿去改。」

港女貪慕虛榮又難頂，港仔北上尋溫柔已經令港女唔值租，最慘仲要面對巨乳兼嗲爆的台妹夾擊。
來自台灣年僅 20歲的小羽（鄭羽家）上週五（ 24日）便以性感 cosplay造型現身《亞洲遊戲展》，號稱 34H身材引盡全場宅男圍觀爆奶奇景，同場陀地代表 DaDa（陳靜）輸新鮮感。
其後小羽接受本刊訪問時，更晒命自稱胸大買唔到內衣，又自爆 17歲便被靚仔男友呃初夜：「我早就不是處女，全部帥哥都是騙人的！」
原來感情受騙，難怪家陣剝得咁盡啦！
年僅 20歲、就讀台灣高雄設計學院的鄭羽家（小羽），一向係台灣電玩展主膽，憑 34H爆乳身材加上唔怕剝，上週五（ 24日）出席《亞洲遊戲展》時，更加吸引成班電車男瘋狂出動圍影，加上小羽有求必應，間中講兩句台式超嗲：「謝謝噢！」連同場陀地 DaDa（陳靜）都甘拜下風。

胸贏陀地

平安夜（ 24日）跟陀地 DaDa同場，小羽一件中空衣已經夠殺，最慘 DaDa條胃腩下墮要用條腰帶束實（小圖）。對手失手，小羽輕易 K.O.。

小羽吸引過百龍友圍觀喪影，仲有宅男擒梯喪，認真誇張！

靚仔呃豬

有身材又順得人，以為佢一定大把仔排隊溝，點知小羽話自己家單身之餘，兩年前更試過遭台灣帥哥呃處：「以前男友雖然很帥，但他外面竟有 5個女朋友，還騙了我的初夜。所以我不要帥哥，他們都愛騙人，不是好人！」
講開揀男友，小羽續說：「我要的是對我專一、可以跟我溝通的人，我對外形沒要求，比我高就 ok！但一定不可以是帥哥，因為全部帥哥都會騙人！」

薄背巨咪

記者親自同小羽度胸圍， 34H仲要 3吋半薄背絕對真材實料，小羽話全靠以前阿媽日日迫飲木瓜奶喎。

咪夾電話

遊戲展當日小羽將電話夾喺事業線，學足巴拉圭波神列基美，開工都要電話跟身，小羽就解釋：「我習慣把電話帶在身上，但開工時不會接聽的。」咁究竟帶喺身做乜呢？

嫌棄胸大

小羽揀男友難，原來 34H巨乳搞到佢買內衣都有困難，小羽說：「不論我在台灣或者香港都買不到胸圍，就算去 H&M等買外國尺碼衣服的地方，也買不到胸圍，真的很煩人。」堅大胸又晒命嫌棄，難為其他女要搏命加墊裝假狗或隆胸呀陰功！

黑帶二段

除咗讀設計，小羽原來仲係胎拳道黑帶高手：「我自小就陪弟弟學拳，現在都考到兩段了！」大家遠睇好啦，埋身做傻事小心頸都斷！

台模三級制

台灣出名多模，而且種類豐富，唔似香港得天橋模同 o靚模咁悶，以殿堂級名模林志玲為例，一場騷起碼穩袋 4萬蚊港幣，對比剝到盡嘅小羽同另一脫模劉伊心，都係得幾千蚊港幣，幾時都話搵皮肉錢有血又有汗。
殿堂級
代表：林志玲、白歆惠
騷價： 4- 5萬
主要工作：行天橋騷、剪綵嘉賓、品牌代言等。

二級
代表：郭書瑤、李毓芬、豆花妹
騷價： 2- 3萬
主要工作：品牌活動、商場騷、陪襯名模。

最近陀地雷凱欣（右）赴台拍住劉伊心做車展，原來都係襯托奀模。台灣《蘋果日報》圖片

三級
代表：大元、劉伊心、小羽
騷價： 8千- 1萬
主要工作：遊戲展 game girl、車展模，主要靠剝。

「百果園E神」DaDa激凸預覽亞洲遊戲展

【轉】400萬摸頂買樓 21歲 DaDa：我發誓冇佬包

400萬摸頂買樓　 21歲 DaDa：我發誓冇佬包
2010年11月24日
Face

DaDa個人月曆本週二（ 23日）面世，共有 52張造型：「今次真係大膽，不過最緊要靚，同埋唔可以過自己底線囉！」

財爺出招打擊炒樓，有人歡喜有人愁，今年 o靚模界代表人物陳靜就係受害人，上週初先入市做西九四小龍業主，週末就被財爺擊中，新居實冧價！
出道一年、年僅 21歲，已經做泓景臺 700呎 400萬單位業主， DaDa力抗飯局傳聞，聲稱每分每毫都係血汗錢：「我發誓冇富豪照顧我！」

未來為拍護膚廣告形象會回復清純， DaDa話個人月曆分分鐘係自己性感最後一次。

有百果園 E神之稱的 DaDa，模齡僅僅兩年，年中至話心願係在新界買到 100萬唐樓，不到半年，就話睇中西九四小龍 400萬單位，超額完成 4倍， o靚模搵錢能力奇高，難怪富豪 o靚模飯局傳聞此起彼落。

唔靠男人

一聽富豪包養傳聞， DaDa反應頗大：「絕對冇囉，我三成首期係媽咪幫咗我三分一 o架，而呢個暑假寫真、出席活動、代言工作不斷，我好幸運真係搵到首期。不過買完已經清晒袋，未來要努力供樓至得！其實我層樓純屬自住，又係山景，樓價上落應該唔大，希望唔會被政府措施影響啦！呢層樓對我真係人生一個里程碑，我一定唔會攞嚟炒囉！最近好奇怪，聖誕前特別多好朋友分手，個個都係因為男朋友花心，所以話男人信唔過，女仔都係要靠自己！」

舊租港景峯
由租樓變買樓， DaDa話用盡積蓄：「之前租樓萬幾蚊，家供都係萬幾，仲抵！不過清袋咁滯，冇乜錢剩嚟裝修！」

新買泓景臺
上星期初， DaDa畀咗幾萬蚊細訂，首次置業就碰釘，不過佢死撐話：「媽咪話樓價應該冇影響喎！」《壹週刊》圖片

狂接 job
連接《宅男總動員》同《潮性辦公室》兩部電影， DaDa最新目標係進軍影壇：「寫真集 2011年應該係最後一本，我都要增值自己全面發展。」《蘋果日報》圖片

完成手頭上的電影和 Online Game廣告拍攝後， DaDa將會衝出香港：「 Celia（施念慈）幫我安排緊日本同台灣、內地嘅工作，家我首要任務係學日文同普通話。」《蘋果日報》圖片

DaDa拋胸玩透視！！！！！！！

主題：DaDa拋胸玩透視 (1)
嘉賓：陳靜 DaDa
簡介：o靚模血「肉」戰 ─ 鬥到入冬，今年潮興出月曆，DaDa陳靜話要去到盡，衝破底線，盡情拋胸透視任睇。對於有人暗寸要放入廁所慢慢享受，DaDa話做「廁所女神」都唔拘喎。
日期：2010-11-21



主題：DaDa拋胸玩透視 (2)
嘉賓：陳靜 DaDa
簡介：o靚模血「肉」戰 ─ 鬥到入冬，今年潮興出月曆，DaDa陳靜話要去到盡，衝破底線，盡情拋胸透視任睇。對於有人暗寸要放入廁所慢慢享受，DaDa話做「廁所女神」都唔拘喎。
日期：2010-11-21

DaDa大變身 Cosplay 谷胸斬聯軍！

水戰發曆 32F夾胸濕晒 Caroline：我慣咗真空！

水戰發曆　 32F夾胸濕晒　 Caroline：我慣咗真空！
2010年11月03日
Face



由夜晚 10點影到深夜， Caroline玩水 look雖然影得靚，但真空上陣嘅佢不敵 22度水溫加風，最後病足 4日，真陰功！

寫真書戰一過， o靚模熱潮亦減退，去到年尾，輪到出月曆再搶宅男錢。
咪以為寫真內容算最激，年尾的月曆大戰，各 o靚模更加去盡，率先有百果園 DaDa（陳靜） lace透奶及輕紗床照，而合組半年嘅 Donut喺月曆戰中就決定分拆上市 1開 3。最高胸模 Caroline（朱裕琳）單飛搏盡，半裸又水戰，大騷 32F水滴巨胸。 Caroline仲暗彈 DaDa靠托谷胸，佢自豪咁話：「我慣咗真空！」
剛剛 23歲又離奇高咗 2cm，只差 1cm就 6呎嘅最高胸模 Caroline，早前一連兩日為 11月中出爐嘅月曆通頂拍攝，玩完半裸再落水。



今年 4月，身材超 fit嘅 Caroline連同 Donut往菲律賓拍寫真，自稱冇做運動嘅佢話：「我平時鍾意食豆類同菜，少食肉可能係唔過肥嘅原因。」




喺內地行開天橋嘅 Caroline對盡晒身材毫不吝嗇，亦冇要求中場休息，十分專業。

主動全裸

話晒第一次出月曆，擁 32F、 23、 34黃金比例嘅 Caroline當然剝到盡，預咗全裸嘅佢，第一日拍攝期間就主動要求全裸：「本身個 shot都已經只係用手掩胸，但我見條內褲邊咁粗，怕會現出嚟，咁我咪問攝影師唔要內褲效果會唔會好啲囉！攝影師話唔使去到咁盡，先冇全裸咋，喺我角度好小事，行騷後台換衫，個個都赤條條 o架啦！」



踩 DaDa矮
雖然同 DaDa一樣 11月出月曆，但 Caroline就未當 DaDa係對手：「佢係平面 model，我差 1cm就 6呎，唔同 type嘅。」




想做熊黛林
原來 Caroline嘅初步目標，係城嫂熊黛林，佢話：「論年齡、身材同身高我應該優勝過佢，我同佢一樣由內地嚟香港發展，希望都可以有佢咁多機會啦！」

Donut一開三

7月書展一齊出寫真嘅 Donut， 11月出嘅月曆 6女分拆成 3本。 Caroline同 Ar Yu單飛肯搏肯露，前者玩型格、後者靠夾吸引宅男， Rainbow、 Irene屬中度性感， Vilian同 Sweet就走清純路線。 3本月曆統一售價$88，每本都有 13頁，宅男小心睇日曆睇到流鼻血。



Rainbow拖 3師妹
月曆中 Rainbow加埋 Irene半裸上陣，而年紀最細嘅 Vilian同埋 Sweet就齋 sell靚樣密實示人。




單飛半裸典床
化妝整到似 G奶蔡依林嘅 Ar Yu，處女出年曆亦搏命半裸谷 33D巨胸。




濕身玩水
Caroline就走 high fashion路線，造型有型有格亦有半裸濕身等 sexy相。

出曆水戰

拍攝第二日，由室內影到室外泳池，明知半夜要落水， Caroline預先食定感冒藥打底， Caroline話：「嗰晚 10點幾先開始落水，影足個半鐘，工作人員就用塊板托住我喺水面，半個身浸水、半個身食風，影影吓仲唔覺意有生理反應凸晒點，好彩經理人喺度，叫我貼番乳貼。仲有佢哋話水溫得 22度，我食咗藥打底都病足 4日，不過都係值得嘅！之前 Donut嘅活動我好少出席，因為未搞好香港工作證同未畢業 miss咗好多 job，家每 3個月返去廣州就可以返嚟做嘢。我想做到阿 Lynn（熊黛林）咁，公認嘅天橋 model，有天王男友都 ok！」

明彈 DaDa墮

11月中出月曆唔只 Donut，仲有玩透視嘅百果園 E神 DaDa，對於敵方，一向爽直嘅 Caroline就好見血咁話：「如果後生叫 o靚模，咁我得 23歲，喺 o靚模界別應該亦係最高嗰個，仲有我唔會用缽仔糕同胸墊，就算乳貼都少用，我慣咗真空，（有冇睇過 DaDa月曆相？）睇《 FACE》見過佢張透視相，有啲衫唔係個個 carry到，同埋佢個胸形唔係咁靚，好似係上咗年紀先會咁墮，佢幾多歲呀？」扮儍更更暗寸對手，撩打格。

半裸對撼
21歲 Irene（許麗燕）

35C， 25， 35
一出道就影寫真，月曆亦肯搏玩半裸，可愛妹 Irene說話原來好老正：「只要唔露 3點，用手揞住我都接受，我對呢行好有期望，有機會我會盡量去試。」





18歲 Rainbow（胡心諾）

32B， 24， 32
上年孖住 Lavina出月曆嘅 Rainbow，月曆滯銷搞到 Lavina同經理人反目，以為公司唔出糧，今年 Rainbow以師姐身份與另外 3位師妹同出一本月曆， Rainbow賣口乖話：「同佢哋做嘢好開心，今年一定好賣過上年。」





18歲 Vilian（劉瑋欣）



32B， 24， 32
有份出月曆嘅 Vilian，早前被本刊發現同波鞋街王子拍拖，仲包食包接送，新聞一出男方即刻走人， Vilian話：「個個都以為我賺錢買花戴，但其實我係自己搵自己食，靠男人唔穩陣。」




現時只有 17歲嘅 Sweet（左）焗走清純路線， Sweet話：「純情路線幾啱我，因為我份人唔複雜。」
Baby出曆到澳洲
除咗 Donut 1開 3，百果園 DaDa（陳靜）就玩盡 52 look，之後再拖埋 Jacso model班師姐妹再玩 cosplay出一本大堆頭月曆。 o靚模鼻祖 Angelababy（楊穎）就和同公司 Style師姐妹嗰本，遠赴澳洲 sell高貴靚人靚景，明顯高一班。

Style無敵靚景



賣點： Sell澳洲黃金海岸、布里斯班等靚人靚景，有 Baby加未來城嫂熊黛林等 10位 models，集高貴、 sexy於一本。
推出日期： 12月
售價：未定
頁數：未定
拍攝地點：澳洲

DaDa 52 look



賣點：月曆變週曆，每週一個 look，內衣、泳衣、半裸透晒兼 cosplay。
推出日期： 11月尾
售價：暫定$118
頁數： 53頁
拍攝地點：台灣墾丁

Jacso 10女變身



賣點：由 DaDa孭飛，加埋其餘 9位師妹，如 Liz、 Ivy和阿旦等，分別扮演女僕、歌女、廚師等玩 cosplay又懷舊。
推出日期： 11月尾
售價：$68
頁數： 13頁
拍攝地點：香港一懷舊會所

DaDa錄叫床 app 慰宅男

【轉】墾丁影月曆 百果園 DaDa唔肯剝到盡

墾丁影月曆　百果園 DaDa唔肯剝到盡
2010年10月22日
忽然一週



沙灘唧 36E波底
上周三（ 13日）， DaDa穿上黑色比堅尼在墾丁白沙灣拍照，件比堅尼明顯唔啱身，遮唔晒 DaDa36E巨胸，搞到佢半球驟現。

o靚模喺今年書展搏鬥完，話咁快 2011年將到，又要搶灘出性感月曆冧宅男。除咗 Angelababy去完澳洲取景之外，原來百果園 36E DaDa（陳靜）已於上周一（ 11日）出發去台灣墾丁影咗輯有 52個性感造型嘅月曆照。
本刊記者現場直擊，發現 21歲嘅 DaDa都幾難服侍，太陽過猛佢扁嘴，喺沙灘多台男眼佢又黑面。據知原本有個半裸上身只用雙手掩胸嘅甫士，但 DaDa嫌沙灘人多堅拒剝到盡，非常扭擰。好彩有件黑色比堅尼唧出波底，麻煩 o靚模 DaDa總算有番啲睇頭。
上周一（ 11日）， DaDa（陳靜）一行 5人拉大隊去墾丁影月曆，今次搵來前年幫周秀娜拍滴雪糕寫真一炮而紅的名攝影師 Ronald操刀，諗住照辦煮碗幫 DaDa影輯有話題之作。





怒啤台男
DaDa唧波底瞓喺沙灘上狂擺誘人甫士，即時惹來唔少台男行近觀望。不忿被嘅 DaDa除咗顧住望鏡頭，仲要忙住怒啤台男，個樣都幾兇 o架！

出發前意見多多

影慣寫真的 DaDa為突破自己，提出了唔少意見，知情者透露：「 DaDa係個好有主見嘅女仔，出發前佢孖住經理人施念慈同攝影師開會，聽到有唔滿意嘅地方，就算係老闆提出，佢都照樣反對，自己再俾意見。但係 DaDa完全冇影月曆經驗，所以佢提議咗好多地點同甫士，都俾人 ban咗！要攝影師解釋一番，佢先明點解佢俾嘅意見唔 work。」



耍手唔剝
影到出海邊，攝影師嘗試游說 DaDa脫去比堅尼影半裸照，並叫助手同反光板為她遮擋，但 DaDa卻嫌沙灘多人耍手擰頭。




DaDa愈影愈
雖然當日沙灘上有其他女泳客，但全場最索都係 DaDa。無論 DaDa去邊個位影，班台男都跟到實兼笑淫淫，搞到 DaDa愈影愈。




台男笑淫淫




極速搵掩護
每影完一個 Shot， DaDa都以 9秒 9極速奔跑回大隊陣營，拿起毛巾遮身。




遇遊客手指指黑面

其實今次的月曆應叫做周曆，因為共有 52個造型，以配合一年 52個星期。一連 5日的墾丁之旅行程勁趕，攝影隊亦極度善用時間，到達墾丁第一日，已到墾丁大街拍攝 DaDa閒逛夜市，其間 DaDa玩射擊遊戲時更贏了一個公仔。 DaDa邊玩邊影絕冇扭計仲好好笑容，不過翌日（ 12日）到鵝鑾鼻公園時，因為天氣太熱，又有太多旅行團在旁邊指指點點， DaDa表現尷尬，更扁嘴以示不滿。攝影師只好加快拍攝速度，再改到另一拍攝場地。後來大隊到達白沙灣準備拍攝比堅尼造型，可惜陰晴不定，最終惟有收隊。



比堅尼晒堅料
21歲的 DaDa今次影月曆有唔少真空上陣造型，當中所有比堅尼都冇 pad，特顯其 36E堅料。




台男落水上岸
DaDa在白沙灣影了 3個鐘，班台男就足 3個鐘，其間 DaDa在岸邊拍照，台男即跳入水中扮游水，實質為女。




烏身倒奶
當日唔少旅客在 DaDa身旁指指點點，已令 DaDa極度煩厭，點知行行吓又有沙石刮腳。 DaDa烏低身除鞋掃腳板時，差點春光乍洩。




婚紗 look用厚墊
上周二（ 12日）#，大隊到鵝鑾鼻公園拍攝， DaDa以婚紗造型出現，點知在猛烈陽光下厚墊無所遁形。

惹台男虎視眈眈

上周三（ 13日）墾丁終於放晴，大隊再到白沙灣影日落景， DaDa先後換上多套比堅尼在岸邊及海邊拍攝，立即成為全場焦點。不少台男見到 DaDa睇到眼定定，更有人明目張膽地拍攝，令本來心情唔錯的 DaDa開始面燶燶。
其間 DaDa換了一套黑色細碼比堅尼，因為包唔晒，即時唧出波底，令在場台男睇到熱血沸騰，有台男更撇下同行的老婆和小朋友，獨自走近 DaDa旁邊湊熱鬧。此時 DaDa更加黑面，仲不時怒啤及藐爆圍觀的台男。

施念慈愛將



《壹週刊》圖片

DaDa是施念慈投資的 Jacso Model公司旗下藝人，深受老闆重用，除了影月曆外，下一步仲會進軍影圈。據知 DaDa將接拍王晶監製的《潮性辦公室》，之後再返大陸拍《宅男總動員》。

半裸外景變牀景

DaDa今次影月曆，本以半裸做賣點，但原先定好的沙灘半裸，最後因沙灘多人而變成牀上半裸。知情者說：「開會時 DaDa經理人施念慈都同意用半裸做賣點，當中有個喺沙灘用手掩胸嘅半裸甫士，大家覺得外景會靚啲。不過嗰日 DaDa去到沙灘，人多之餘仲有好多男人行嚟行去，個個擺明嘢。 DaDa覺得好尷尬咪唔肯剝囉！經理人又唔在場，攝影師都逼唔到佢 o架！結果呢個 Shot就變成喺室內，不過都係搵牀單遮實，影時仲要清場。」
一連 5日的墾丁月曆拍攝之旅尚算順利，不過若 DaDa繼續錫身，睇怕出年書展寫真集肯定唔夠其他 o靚模爭。