【轉】巨聲林欣彤仲係處女 純過 G.E.M. 唱衰男友 ﹝有片︰巨聲林欣彤慶功直擊﹞

純過 G.E.M.
唱衰男友　巨聲林欣彤仲係處女
2010年09月15日
Face



上週六（ 11日）巨聲決賽前夕，林欣彤仍到尖東海傍跑步練氣，冇化妝個樣睇落青春可人， 5呎 2人細細心口唔細，唔怪之得唱歌巨肺。

《超級巨聲 2》砌足四個月，新紮巨肺林欣彤（ Mag）由頭帶到尾，佢翻唱台灣歌手 A-Lin的〈愛情問怎麼走〉同 G.E.M.的〈 A.I.N.Y.〉，兩首歌喺 YouTube至今一共超過 200萬人點擊，週日（ 12日）晚總決賽，預咗大熱跑出，成為《巨聲 2》新天后。

林欣彤靚聲氹死仔， 20歲女雖則拍過 4次拖，但仍堅守基督徒教規，對本刊怕醜認仲係處女，繼阿 G.E.M.後，樂壇多個絕種純女呀！

• 互動片段
  
  巨聲林欣彤慶功直擊
  

週日《巨聲 2》決賽平均有 25點收視，賽前大熱林欣彤呢晚患重感冒同喉嚨發炎，要臨時打開聲針，但於比賽前夕（上週六）仍到尖東海傍跑步練氣，結果決賽當晚以 171.5分險勝 171.3分胡鴻鈞同靚仔羅孝勇，成為巨聲 2班天后，連商台 903節目〈在晴朗的一天出發〉林海峰都少有攞佢討論咗大半粒鐘話：「我專登買部電視睇佢呀！」唔睇 Mag真係冇話題。



雖然林欣彤奪冠，但佢仍堅持要完成航空與客戶服務高級文憑，唔想嘥父母心血同錢，好孝順呀！




呢鋪有對手！設計對白

嫌黐身被飛



拉完筋再慢跑，林欣彤話自己要不停進步先對得住班 fans， 20歲好有衝勁。

被視為奪冠大熱，林欣彤帶病演繹 Kelly Clarkson的〈 A Moment Like This〉失準，雖然仍贏出，但有網友仍覺得唔及前週翻唱 G.E.M.〈 A.I.N.Y.〉咁有 power同傷感，林說：「〈 A.I.N.Y.〉首歌係講個同男友分手，個女仔點講都挽留唔到，其實我唱嗰陣諗住初戀男友飛我嘅傷痛記憶先唱到，諗番自己都想喊。我同佢喺中四認識，拍咗一年拖，係同學眼中模範情侶，不過有日佢打畀我主動提出分手，佢咩原因都唔講，可能覺得我細路女成日要見麻煩啩！好突然，完全冇先兆，所以我不斷打畀佢求佢唔好唔要我，我好傷心，晚晚喊足一個月，連我最鍾意唱歌都提唔起興趣。」

譚校長讚爆視為樂壇曙光嘅林欣彤坦言話：「我拍過 4次拖，男友外表唔重要，只要同我一樣最愛音樂、識樂器就最好，一個彈住樂器嘅男仔好吸引 o架！」

信教保豬

據知林欣彤第 4名拖友 Skeleton Koo除了是中學同學，亦係 band仔，她續說：「佢識打鼓，佢打住鼓好型 o架！（聽講你同 Sheldon羅孝勇拍拖喎？）好好笑，我哋只係好朋友，雖然佢識彈結他，不過佢唔係我鍾意嗰 type，反而 Hubert（胡鴻鈞）彈住琴我會鍾意多啲！」

同樣嬌滴滴有個巨肺嘅 G.E.M.曾自爆：「我係處女，要留番結婚先畀老公！」估唔到林欣彤一樣純過蒸餾水，問到會唔會為意中人獻身，台上勁有 power嘅林欣彤，即刻面紅細細聲話：「吓？我係基督徒嚟 o架，呢啲嘢唔得 o架！」嘩，頻臨絕種動物呀！

據知無綫簽咗巨聲 2班 3年，做得 TVB親生仔女，四大唱片版權問題又未解決，當然會盡量畀佢哋出大型綜藝騷同唱 live， 10月 9日二班畢業騷仲會勁玩綽頭，請台灣 A-Lin同林欣彤合唱及請埋吳業坤嘅女神周秀娜跳舞演出， TVB數口咁叻，梗係用盡巨聲 2班啦！

多仔追

5呎 2吋嘅林欣彤唔算超索，不過勝在白白淨夠純真，加上唱起歌感情超豐富自然，大把仔追， 20歲拍 4次拖唔奇囉！




前任真命
有報道話林欣彤一唱成名飛起同讀大埔南亞路德會沐恩中學的前度男友 Skeleton Koo，查實二人幾個月前已分手，林說：「我哋因了解分手，家做番朋友，佢都支持我參加比賽！」




煲水緋聞
有傳林欣彤同羅孝勇參賽撻着，佢就解釋說：「我哋只係好朋友，佢唔係我嗰 type！」不過合照都幾襯喎！




疑似初戀
網上發現佢同另一男仔繑手相，懷疑係令 Mag愛情重傷嘅初戀男友，見純情 Mag挨得咁自然，唔通就係佢講嘅初戀男友？



巨聲船河
有雜誌將羅孝勇同林欣彤游水相刊登，但其實係《巨聲》船河，一大班人嘅。

A.I.N.Y. （歌詞節錄）



恨你∼恨你∼∼

電話裏頭曾經是你最溫柔的聲音
現在只有空氣　冷漠地回應
回憶　對你最後的回憶
是你　慢慢走遠的身影
然後你離開了沒有痕跡
恨你恨你　每當我想起曾經
還是愛你愛你愛你愛你
難道還不能清醒

翻唱 G.E.M.首〈 A.I.N.Y.〉超有感情，個個聽到喊，唔係有親身經歷， o靚妹仔好難唱得出。

快樂慳妹

家住大埔居屋新興花園的林欣彤，一家四口靠爸爸做運輸撐起，亦要同 14歲細佬同房，人前嘅小天后原來每星期得 400蚊零用，包晒日常飲食同交通費，林欣彤說：「我啲衫全身加埋唔過 250蚊，不過家可以唱我鍾意嘅歌，好開心，用錢買唔到！」




間房百幾呎仲要同細佬上下格，乖女 Mag毫不介意。




林媽媽話囡囡好生性，從來唔會嫌零用錢少，家見到佢有咁成績好安慰。




得 50蚊
林欣彤唔介意打開銀包話：「 50蚊夠用啦！」好過好多港女！

新巨肺冇添加
有指林欣彤開眼令雙眼變大啲，不過由十幾歲妹妹仔到升呢做小天后，矇豬眼冇變過，人紅個樣靚啲，真係堅 o架，阿 Mag亦說：「我全天然，冇整容 o架！」




18矇豬
眼細係林欣彤嘅招牌 icon，加埋佢貪得意玩反眼，不過有雜誌就話佢整容開過眼，冇乜說服力喎。




17包面
3年前的林欣彤仲未減 baby fat，見佢面圓圓超可愛。估唔到咁 cute都會俾仔飛！




多男 fans
唔少男 fans俾 Mag嘅巨肺靚聲吸引，總決賽當晚雖然攞唔到飛入場撐女神，但仍冒雨在電視城外面攞晒支持橫額同香檳同佢打氣。

胸肌隊長露毛

《巨聲 2》最後 6強， 27歲胸肌隊長陳國鋒（ Penny）得 82.8分，係 6強最低，落下男兒淚，唔少觀眾戥佢唔抵，話佢可入 3強，而網上就發現佢 04年赤膊着超低老牛露毛相， Penny解釋：「張相係我做 model嘅 com card造型，攝影師抄咗外國雜誌啲男 model相構思，好正經 o架，大家唔好心邪！」







一班唱極冇人撐

巨聲二班參賽者個個讚，唱得好有阿 Mag、人緣好有坤哥，相反班一班前輩喺上週六（ 10日）於星光熠熠耀保良中翻唱羅文經典作〈激光中〉卻俾網友喪鬧，其中以林師傑動作最浮誇，有網友更抵死話：「想送哂佢哋去保良局！」
對於網友批評，林師傑週一（ 13日）在電話中說：「俾人批評都慣咗，其實隻舞只係排咗一、兩日，監製都話幾好，盡咗力啦！」




何紫慧同林師傑當晚勁 high，引領巨聲一班翻唱羅文經典歌曲〈激光中〉，可惜娛己不娛人，被網友大叫「收皮」。