【轉】木村乃出書 爆疑似曹格側田淫亂史 4P脫衣舞虐打再上床

木村乃出書　爆疑似曹格側田淫亂史　 4P脫衣舞虐打再上床
壹週刊
2010年12月09日

我名副其實完唱！

憑住一雙巨乳壓境的日模木村乃，去年靜雞雞在日本出咗本日文自傳《 Party Girl》，大爆來港四年的集郵性史。牽涉入淫亂圈中男主角，在書中被形容為兩位樂壇「天才」，是疑似曹格及側田這對開拖兄弟。書中爆兩男同佢玩脫衣舞，其後跟疑似側田拍拖，又背住男友同疑似曹格偷食。不過最爆嘅係與疑似曹格上完床兼遭虐打，深深不忿的她在書中爆鑊，指他躁狂無品。
除圈中男人，木村乃亦炫耀自己跟圈外男人床技，盡顯性女本色。

酒店大龍鳳

木村乃的性史自傳有提到與本地圈中兩位男歌手有染，加上蒲圈無人不知木村乃跟開拖兄弟，側田及曹格一度過從甚密，是以即使文中兩位圈中男人以揞名匿稱，但形容流行曲男歌手阿 Ken，及 Ken的好兄弟，來自台灣的紅歌手 Bins，明顯是疑似側田及疑似曹格化身。
這對樂壇好兄弟，因著埋同一條褲，而變成襟兄弟。書中第十一章以「兩個天才」為題，提到疑似側田雖先跟木村乃撻着，但最後卻被疑似曹格勾義嫂，犯兄弟大禁。木村乃大爆跟疑似側田是在夜店認識，之後被對方邀請去 party，二人當晚搭上；同晚席間，疑似側田還介紹在台灣走紅的馬來西亞紅歌手，疑似曹格給木村乃認識。
大家酒當水飲， party後的餘興節目，是返酒店玩淫亂遊戲，但在返酒店途中先行熱身。當時，飲大兩杯的疑似曹格，在的士上大唱性器官鹹濕歌刺激官能，至於疑似側田，木村乃在書中爆：「 Ken（疑似側田）叫我教佢講日文，於是我教佢講：『我下面好細！』阿 Ken聽到好興奮，將呢句日文當歌唱。後來到咗酒店，佢兩個喺 lobby大聲唱粗口歌，好多人望住。我同一個女友人，同埋阿 Ken（疑似側田）、 Bins（疑似曹格）飲到好醉，一返酒店房就玩脫衣舞，玩完又叫 room service食，直到天光。」

背田偷曹
木村乃自傳內容爆疑似側田帶她去唱 K，並一心將女友介紹埋俾兄弟疑似曹格識，點知當晚兩個背住疑似側田，眉來眼去有啲 feel。

揮拳互毆
兩個走到馬來西亞偷情，點知飲大兩杯嘅疑似曹格躁火起，將木村乃當係出氣袋，用個頭猛力舂落女方額頭，結果當晚由纏綿變打鬥，兩個在酒房開拖揮拳互毆。

打完大覺瞓
木村乃在書中稱，兩個打到氣喘無晒力之後，終於停手，床頭打交床尾和，當無事發生大瞓同眠。

返房鬥剝
與疑似曹格搭上前，木村乃爆有晚與疑似側田及初相識的疑似曹格夜蒲完意猶未盡，返酒店房兩男兩女繼續玩脫衣舞，成晚鬥剝好淫亂。

偷食完狂躁現形

在書中提到鍾意性感打扮的木村乃，來港發展後，亦常以超低胸裝拍照做宣傳。

文中木村乃稱這對好兄弟後來曾一起出席樂壇頒獎禮，她也是座上客捧場。（ 07年，曹格與兄弟側田齊齊出席《全球華語歌曲排行榜頒獎禮》。）木村乃爆疑似側田冧女招數好鬼 cheap，雖然拿手唱情歌冧女，但出手低，只愛把 fans送給他的零食轉贈木村乃，在書中她也忍不住指他離譜。
坦言愛著低胸誘惑男人的木村乃，連男友個兄弟都撻着，在書中十五章，她開始爆跟疑似曹格的偷食經過，與及對方得手後，疑似曹格狂躁症發作，「起初覺得搭上男友嘅朋友係唔道德，所以第一次見面時大家無乜反應。之後我喺香港機場接朋友機撞番阿 Bins（疑似曹格），大家交換電話後就開始咗！ Bins（疑似曹格）成日問我鍾唔鍾意佢，佢成日喺內地、台灣、馬來西亞演出好忙。有次佢叫我去馬來西亞搵佢，我執咗好多件 sexy嘅衫入行李。佢安排我住吉隆坡雙子大廈對面最靚嘅酒店，仲俾張信用咭我任碌。不過我哋全程要匿喺酒店房唔出得街，因為出街佢怕俾 fans見到。」

此段文字內容描述，由側田認識曹格後，木村乃跟女友人一行四人在飲大後，齊到酒店房跳脫衣舞。

偷食之旅期間，疑似曹格試過酒後狂性大發。「我跟佢去酒店嘅卡拉 OK玩，其間佢飲大兩杯就同家姐嗌交，嗌嗌吓佢仲 call埋女友嚟，當我無到。我好嬲走返上房，點知 Bins（疑似曹格）撇下女友返上房搵我，我以為佢係嚟氹我，佢雙手捉住我塊面，以為佢想錫我，點知佢一個頭舂埋我個額，我好痛好驚又好嬲，就抱住同佢死過嘅心態還拖，我用頭撞番佢額頭，再左一拳右一拳打佢塊面，打到佢成個跳起，跟住大家用拳頭互毆。」去年初，曹格曾因酒後狂性大發，追打兄弟側田，更因此被指躁狂。

除帽氹上床

木村乃在書中以最多篇幅爆跟疑似曹格的歌手情史，二人上完床互毆的過程亦描述得鉅細無遺。

木村乃文中稱，兩人互毆一輪後，攰到一齊大覺瞓。「佢話家姐只係同佢講錢。佢係明星時充滿自信，但私下卻係一個好自卑的人，因而令他難以自我控制。我哋打完交好攰，就一齊去瞓覺。」
疑似曹格從兄弟手上搶走木村乃，仲可以又錫又打乜都得，相反疑似側田，就要出盡法寶先可以跟她執番劑。雖文中木村乃無提及疑似側田跟她的性史，但整個夜場 Dragon-i的蒲友，無人不知側田如何諗計氹木村乃搞嘢。
一名蒲友爆：「條女話個男嘅有次帶佢返屋企，當時仲係人帽合一，無乜人見過佢禿頭嘅樣，佢突然除帽同木村乃講：『我最秘密嘅，都唔介意除俾你睇，你都要除番啲嘢俾我睇！』木村乃覺得佢啲氹女招太搞笑，所以事後都忍唔住同班蒲友當笑話分享。」

翻撻唔成鬧人

曹格跟側田 07年出席《第七屆全球華語歌曲排行榜頒獎禮》，當晚木村乃也有捧場。

至於疑似曹格，對夠膽還拖嘅木村乃念念不忘，但女方卻嫌他性格火爆，有次他來港約會偷食，便順勢向疑似曹格攤牌講分手。木村乃在書中指稱，疑似曹格起初死，直至發現她食埋自己另一圈外好兄弟 Jason，醋意加翻撻不遂，竟發爛對木村乃喊打喊殺。在書中一七九頁，疑似曹格被形容無品：「我同佢一個喺加拿大嘅老友 Jason一齊，有次我同 Jason喺馬來西亞一間卡拉 OK出席 party，撞番 Bins（疑似曹格），佢見到我同 Jason好愕然，之後拉埋一邊問我仲鍾唔鍾意佢？可唔可以錫啖佢？我拒絕咗！點知佢飲咗兩杯，忽然間企起身當住啲人指住我大叫：『呢個八婆做乜喺度 o架！殺咗佢！』。」

曹格跟老婆吳速玲及兒子張三豐甚少一起出席公眾場合，○九年，一家人齊飛台灣宣傳公益活動。

但情緒不穩的疑似曹格始終死心不息，即時變臉再以深情樣氹木村乃。「佢同我講：『我仲好鍾意你喎！』我話除非你肯公開我，我就肯同你一齊。佢話無可能，我話無得傾。佢又發爛渣，大聲指住我鬧：『點解叫呢啲女人嚟，趕佢走，簡直污染馬來西亞。』佢呢個人黐線，我唔會再見佢。」由愛變恨，書中提及多名男人中，數臭疑似曹格的篇幅佔最多。

巨星都食過

近年側田多數時間留在大陸陪韓籍女友，有意成家立室的他，更計劃明年結婚。

據知木村乃寫這本自傳時，一度有意將○六年初來港時搭上巨星的性史也搬出來當賣書綽頭，不過最後怕有手尾，才把跟巨星性史刪走。蒲友再爆：「當年佢成日同嗰個巨星一齊嚟 Dragon-i玩，成個夜場嘅朋友都知佢哋撻着，聽講男嘅唔理自己件正印，照帶木村乃返屋企見阿媽。木村乃好食得仔，佢仲經常同人講話自己口技有幾勁。」
據知當年木村乃跟少爺占出埠拍攝節目《奸爸 DVD》時，有次放食飯，工作人員問她鍾意玩什麼，點知她當住在場所有人話：「我最鍾意吹！」全場當堂 O晒嘴。

○七年，木村乃在少爺占孭飛的搞笑 DVD做女主角，其中一場戲，她為對方著 bikini泳衣。

來港四年，工作量少之又少的木村乃，近年已在娛圈銷聲匿跡。原來她憑住一副搵食「架生」，終於釣到大水喉，搭上同鄉、時裝品牌 Costume National的老闆。「個日本老闆係有婦之夫，木村乃依家同佢行得好埋，唔使撈，日日行名店，佢周圍同人講退出娛圈，跟男友學做時裝。」知情者說。
記者致電木村乃，她承認自傳是年多前推出，對於在書中爆情史，她直認：「無錯呀！」不過一講到書中描述的有疑似側田同疑似曹格，她變得緊張，拋下一句：「 No!」便收線。

計時炸彈

為保持形象，藝人高度戒備保私隱，尤其有關感情事，但防不勝防，遭身邊人爆料出賣時有發生，無論是多年感情抑或一夜情，一旦反面，也如計時炸彈。

劉德華、俞可欣

跟劉華分手 N年的台灣女星喻可欣，不時將跟劉華的陳年感情史擺上枱， 05年，出書《情海星空——我與劉德華》，將二人拍拖三年「床事」、「婚事」以及泳裝合照曝光。對於前度出書爆他在床上表現得「像一條龍嗷嗷叫」，劉華無奈回應：「一念天堂，一念地獄。」

李麗珍、馬桂燦夫婦

上一代性感女神李麗珍，離婚後又跟當時出名排舞師男友林青峰感情出現問題，於 04年間搵鄰居、著名髮型師馬桂燦夫婦傾心事，傾傾吓竟然變為「三人世界」。本來不介意分一半老公給好姊妹的馬太，突然覺得老公只愛李麗珍一個，於是出書《珍人真事》爆大鑊，第一集有三人同眠、沉淪藥物，以及剪×毛的淫亂生活史，第二集則刊登相關「有人打人」，「粗口手勢」等圖片，開口表明愛李麗珍的馬桂燦承認馬太所言有三成真實。

呂良偉、周海媚、鄺美雲

呂良偉今年推出自傳《路是無限寬廣》，自爆三段婚姻經歷，與第一任老婆周海媚分開，是二人作息時間難以協調，不過雙方再見亦是朋友。跟第二任老婆鄺美雲的八個月的婚姻生活，呂良偉形容是「被逼婚」，指鄺美雲多次向他提出結婚，一次他無意中應承，鄺美雲即透過朋友向傳媒公開婚事，令他「騎虎難下」。 97遇上金融風暴投資失利，再加上婚姻失敗，呂良偉在自傳中形容那是他生命中的「劫」，一個「劫」字，即辣㷫多年來跟他完全沒有來往的鄺美雲，女方指前夫是「無緣人」，亦有指二人離婚後，男方冇俾贍養費，更與第三者介入有關。

豪放性女

現年廿八歲的木村乃，原名中村琉衣（ Rui）。身材實得 33B，倒奶效果全靠 nude bra。六歲起，木村乃已立志衝出日本，進軍外國娛圈，為完成志願，她練得一口流利普通話及英語，○七年更曾拿獎學金到廣州的中山大學交流學漢語。經王友良介紹殺入香港，與專玩嘢的組合「艾粒」合作，仲幫佢起藝名木村乃（諧音木瓜奶），因易記易上口一直沿用至今。為爭取出鏡機會，她不時上《獎門人》及《美女廚房》等綜藝節目，因而為港人認識，成為宅男搜圖的熱門之選。