BonJun aka rally clip (2010 summer)

BonJun aka rally clip(2010 summer) from KS Yun on Vimeo.

实拍深圳站街女坦胸露乳强行拉客

莊思敏好想去富豪飯局

主題：莊思敏好想去富豪飯局
嘉賓：莊思敏 Jacquline(1)
簡介：家境富裕的莊思敏，去慣親戚朋友的「富豪飯局」，但無緣參女星專享的另類飯局，大嘆唔知自己身價，真可惜！對於細妹莊思明慘被指係「豬扒港姐」，Jacquline居然話細妹的確醜到「有o的想打佢」，唔通妹姊翻臉？
日期：2010-09-27

Google 超低能 pizza 廣告…﹝Google Voice Search with My Location : Pizza﹞

【轉】司徒瑞祈攣到爆…

司徒瑞祈攣到爆
Face
2010年09月29日

呢張相上面加上 JIMMY WATER（司徒瑞祈花名叫阿水，即係 water囉！）鬼咁肉麻。但司徒瑞祈話自己同相中人 Jimmy一啲都唔熟，但男人老狗搭晒膊頭影貼紙相，都好難令人信佢哋冇嘢囉！

FBI星期日晚呢頭先睇完 TVB奀星司徒瑞祈喺《名人廚房》節目開餐，嗰頭喺高登討論區就發現一條名為「移花接木床照」嘅標題，主角正係現年 31歲、曾被揭爛賭又做過港隊飛魚嘅司徒瑞祈同一位男性密友喺 09年影嘅啜面床照，相中阿水瞇晒眼，表情冧到爆。
FBI就喺週一（ 27日）搵阿水問佢係咪基，佢見到啲相就好淡定話：「我同 Jimmy（相中人）唔熟喎！唔記得咗邊度影喇！（親密到玩錫面都唔熟？）嗰時我應該瞓緊覺，男仔梗係會玩得親密啲。」
其實出道 6年嘅司徒瑞祈一直同女星零緋聞，冇女友嘅佢又經常被影到同男性朋友出雙入對。佢亦坦白話：「身邊都有唔少 gay friend追自己，但我完全唔過電囉！我淨係鍾意女仔 o架咋！」咁又同男性密友又攬又咀？講唔通喎！

嗰時我應該瞓緊覺！真實對白
本週一，司徒瑞祈一聽見 FBI話發現佢同男性密照，佢即刻飛車撲入壹傳媒大樓向 FBI解釋。

床上啜面
阿水俾同性密友 Jimmy啜面相喺網上惹來唔少討論，有網友指：「好惡心！」佢雖然話自己當時瞓緊覺唔知乜事，但睇落個樣勁冧喎！瞓咗都識笑？

頭黐頭
呢輯相明顯係床上自拍，但司徒瑞祈死口唔認二人關係，仲堅稱唔記得影過呢啲相。

司徒瑞祈入行 6年，零緋聞。不過佢就經常跟男性友人出現，上年就跟圖中呢位戴 cap帽少男去睇 at 17演唱會。《蘋果日報》圖片

AW10 至熱 Fashion Items 逐個教

主題：至熱Fashion Items逐個教
專家：陳怡Venusmote(時裝編輯及形象指導)
簡介：未買今季最潮Items﹖快些聽專家教路，睇晒所有新Trends 先去掃貨啦﹗
日期：2010-09-21

龍友隨身必備鏡頭

主題：龍友隨身必備鏡頭
簡介：定焦抑或變焦？幾時一鏡走天涯？幫自己揀鏡頭，先搞清楚拍攝用途，包你得心應手！
日期：2010-09-29

Kona's Joe Smith riding a lot faster than you... even in slow mo!

【轉】陪旅行社太子上房 高海寧即揸 30萬寶馬 ﹝有片︰咪神高海寧陪完仔 shopping﹞

陪旅行社太子上房　高海寧即揸 30萬寶馬
Face
2010年09月29日

高海寧 34C身材一向勁，呢張上年為《美女廚房》去泰國拍外景時的經典象拔咪相，更加係宅男必儲。

選港姐前仲喺女人街打躉嘅無綫咪神高海寧，最近同旅行社太子丘至剛（ Andy）打得火熱，把口唔肯認，上週五（ 24日）本刊卻撞破高咪神着住街坊裝鬼鬼鼠鼠陪男友上男方位於深井海韻花園嘅住所。
孖得太子爺男友，高海寧自己點可以失禮，最近更忽然見佢新牌仔揸部價值 30萬的寶馬新車四圍遊。
咪神吸金升呢快，幾時都話咪睇小女人。

• 互動片段
  
  咪神高海寧陪完仔 shopping
  

6呎太子爺

高海寧男友丘至剛身高 6呎 3，年約 30歲，喺加拿大 York University讀數學系，畢業後回港幫父親打理「東南西北旅遊有限公司」，旅行社主要幫人訂機票、酒店和自由行套票，現跟家人同住的深井海韻花園，是丘父於 93年以 240萬買入，現市值約 300萬，丘至剛唔算太富貴，但都算薄有家底啦！

24/9

19:00凌志接送
男友貴為旅行社太子，平時出入都有部價值 58萬的凌志四驅車車女友，之前亦試過俾雜誌影過喺此車內攬啜數分鐘。

19:45撞破揞面
男友買餸擺明準備同女友返屋企撐枱腳，可惜後來高海寧發現記者，除了刻意用手掩面外，又上樓 10分鐘即撇，連短聚都唔想俾人知。

19:55 10分鐘急閃
入屋遮晒樣，離去時就大方任你影，不過咪神冇叫男友揸車，自己搭的士去海港城繼續做騷。

20:45買貴嘢
揸得 30萬寶馬梗係要買番啲靚嘢襯吓，上週五（ 24日）高海寧從男友家閃撇後，明知有記者跟都繼續到尖沙咀海港城買 Giorgio Armani化妝品，擺明要話畀大家聽升咗呢。

高海寧的新款寶馬 118i私家車車價 27萬 8千，車輛登記顯示剛於今年 8月 24日落地，但登記人則是一名叫 Keung Oi Kam的人士，高的經理人話部車係佢自己儲錢買，咁點解又唔用自己名登記呢？

25/9新牌靚車

08年港姐出身嘅高海寧當年雖然落選，不過 34C上圍令人印象難忘，至上年 9月《美女廚房》泰國鹹象鼻事件，無綫新咪神正式誕生，連蘇民峰主持《民峰學院》都話佢條事業線生得好。

實花弗男友

雖則話高海寧谷胸搵到食，但女仔始終搵個靠山最實際。上週五（ 24日）高海寧呢頭喺旺角朗豪坊行完街，嗰頭就有個身高 6呎 3嘅旅行社太子丘至剛（ Andy）揸架凌志四驅車接送，跟住兩人仲直駛往男家位於深井海韻花園住所，可惜臨門一刻高海寧發現門外有記者，掃興逗留男家 10分鐘就搭的士走人。高海寧要把握時間黐實男友，原來全因太子仔個底有啲花，據知情人士說：「其實 Andy份人都幾花弗，加上佢有 6呎幾高又幾靚仔，一向都好多女埋身，所以高海寧一唔開工都會陪男友，方便實佢呀！」

新牌仔揸寶馬

上完男友屋企，翌日（ 25日）出席活動嘅高海寧突然揸架落地個多月、價值近 30萬嘅寶馬 1系新車離開，仍要貼 P牌嘅高海寧沿途打錯燈又行錯路完全係新手，揸住架寶馬個多月唔揩花都算奇蹟。
週一本刊致電高海寧問她有關摸上男友家同有新車揸，高海寧只透過經理人 Cindy說：「架車係佢呢兩年接 job儲錢買 o架，仲有嗰個男仔（丘至剛）只係佢好普通嘅男性朋友，佢哋冇拍拖呀！」斷到咁正都仲可以話係普通朋友，唔通真係當人儍嘅？

高媽與繼父於女人街擺檔賣銀器，週一本刊問佢繼父阿女有冇帶男友仔畀佢見吓先，繼父只說：「唔知你講乜喎！」同阿女夾晒口供！

健康靠對胸

咪神高海寧有身材亦多負責水着拋胸谷收視，最近終於有套《健康奇案錄》而叫做有啲正經嘢做吓，佢仲話節目出街之後好多人當佢醫生乜都問一餐。
高海寧一心講吓醫學可以洗底，可惜網民嘅注意力似乎仍只集中喺佢嘅 34C身材上，有網友又提議個節目「不如驗吓高海寧對波係咪真好過啦！」想洗底，暫時未得囉！

高海寧於《健康奇案錄》封咪講解醫學常識，可惜網友仍然只集中討論她的外貌和身材。

【轉】女煙民增宮外孕風險

女煙民增宮外孕風險
2010年09月29日

吸煙會大大增加女性宮外孕風險。英國愛丁堡大學研究人員發現，煙草中一種物質，會令輸卵管管壁肌肉無法正常收縮，難以把卵子送入子宮，造成宮外孕，風險是一般不吸煙婦女的四倍。

【轉】抗癌藥加偉哥更有效

抗癌藥加偉哥更有效

俗稱偉哥的威而鋼不但可治療陽痿，美國弗吉尼亞聯邦大學更發現，利用偉哥配合抗癌藥，能提升前列腺癌的治療效果。研究員指出，抗生素類衍生物阿黴素(Doxorubicin)雖對多種癌症有效，卻有損心臟，但在實驗室及老鼠進行研究發現，偉哥與阿黴素一併使用，可提升前列腺腫瘤中活性氧水平，令腫瘤細胞凋亡，更可減低對心臟的副作用，未來會進行人體臨床研究。研究刊於美國《國家科學院學報》網上版。

【轉】Baby 大咪師姐香港冇市

Baby大咪師姐香港冇市
Face
2010年09月29日

上年已經喺日本推出首本寫真集《 Loving Cica》大賣 2萬本，最近再出新寫真《 Cica Love You》，即刻踢走林志玲被日本 Suntory維他命水睇中出百多萬港元斟佢拍廣告。喺日本算響咗朵，但喺大中華區就仍未夠火喉。

26歲、擁有 34E巨咪嘅 Angelababy 師姐周韋彤（ Cica），最近推出剝衫寫真《 Loving Cica》強攻日本同台灣市場， o架仔形容佢為世界標準嘅完美靚女；台灣傳媒就封佢為「小林志玲」煲到鬼咁大。
佢本寫真集同時亦殺入香港，但 FBI去過信和同油麻地、調景嶺港鐵站嘅書店問過行情，發現 Cica寫真集由月頭出售至今，雖然喺日本 Amazon嘅女優寫真集排名 14，僅次於人氣女優上戶彩，但喺香港各書店就僅賣出幾本咁大把，證明香港班宅男都唔算雜食。

寫真集喺 9月 3日出版，喺信和只賣出幾本（左圖），但喺日本 amazon網站就排名 14，低排名 12嘅上戶彩 2級。

忽然 E Cup
來自中國貴州嘅 Cica家擁有 34E巨咪，不過 FBI就喺網上搵到佢以前嘅半裸 model相（上圖），咪咪 size明顯冇家咁大。網上圖片

趕出月曆
寫真集喺日本嘅成績算 ok，所以 Cica鐵定喺 10月出 2011年月曆，繼續賣巨咪。

DSLR 鏡頭上的數字解你知

主題：鏡頭上的數字解你知
簡介：想玩換鏡DC，一大堆數字、英文字你又知唔知？
日期：2010-09-22

8 種最具男士魅力行為！

主題：8種最具男士魅力行為
嘉賓：Gloria Tang
簡介：空談型，倒不如把握時機，付諸行動，魅力隨時展現，立即看片，學型！
日期：2010-09-29

癡漢粉絲喪搞童顏巨乳郭書瑤 『瑤瑤』！

主題：癡漢粉絲喪搞瑤瑤
嘉賓：童顏巨乳郭書瑤 瑤瑤
日期：2010-09-29

Red bull 傻架…又搞冰上 F1 賽車…

【轉】港女扮韓妹 A貨少女時代抄到開騷 ﹝有A貨跳舞片！！﹞

港女扮韓妹　 A貨少女時代抄到開騷
Face
2010年09月29日

A貨「少女時代」連制服同 pose都跟正版一樣，成隊除咗一個讀緊 IVE外，其餘全部係中學生，最索嗰件係排頭位嘅 Aya，算有市場策略。連死忠「少女時代」歌迷會（ SONE）成員阿倫都說：「佢哋 ok o架，跳得幾好，唔會討厭佢哋嘅！」

上年韓國少女組合 Wonder Girls憑一首〈 Nobody〉 hit爆，連福祿壽都爭住跳佢哋隻低能舞，不過 WG得頭威，未夠兩年已經俾死敵「少女時代」踢低晒。
「少女時代」氣勢勁，最近喺香港亦有隊 A貨組合全套制服抄到足，最叻係班女無師自通跳「少女時代」舞步亦似模似樣，仲俾 apm、 megaBOX等商場睇中邀請表演。最衰家陣冇咗《殘酷一叮》，唔係上埋電視發到圍呀！

• 互動片段
  
  A貨少女時代抄到足
  
  
  

查實呢隊 A貨「少女時代」隊名叫「 Sweetness」，全隊有 15個 90後 o靚妹輪流上陣扮「少女時代」，雖然佢哋次次出騷都係咪嘴齋跳唔開聲，不過勝在舞步同造型神似，一樣被各商場同亞洲遊戲展邀請做表演嘉賓。

抄埋封面
A貨乜都抄到足，連「少女時代」 09年嘅大碟《 Genie》封面都抄埋，但當然冇堅版咁多 details位。

正版

「 Sweetness」將早前喺亞洲遊戲展嘅表演短片放上 YouTube，唔少網友讚，仲有人話：「跳得好睇過李蘊同劉欣宜！」

正版
「少女時代」唱新歌〈 Oh!〉時所着的數字衫加白色熱褲， A貨亦抄足 8成。件數字 tee係專登搵人印，唔使$100。

周秀娜經理人 Roy：香港好少呢類組合，佢哋呢隊雖然高矮肥瘦不一，唔排除都有自己 fans嘅，其實入面有幾個人都幾 sharp，其中以 Aya最正，可能有市場，但有啲應該去『修身堂』走番轉囉。

貼錢出騷

呢隊 A貨港女頻頻出騷，但表演全部冇錢收，最多只有少量車馬費，平時仲要貼錢租場地練舞同訂做制服。成員 Yuki話：「出騷冇錢 o架，我哋全部都仲讀緊書，一放假就約出嚟練舞，就算喺屋企都喪煲 MV！」要讀書又要扮 A貨，當中梗有家人唔贊成，另一成員 20歲的 Miyuna說：「阿媽覺得我嘥好多時間跳舞，所以今日出 show都唔敢畀屋企人知！不過我覺得成班人做到一件事好有成功感，好滿足，所以都會 keep住扮！」
扮得咁落力，應該又係另一班發明星夢少女組，但 18歲的團長 Misako則堅持說：「我哋好鍾意外國組合，又鍾意跳舞，所以先組嚟玩吓啫，試過出騷後有星探搵過我哋，不過我哋冇考慮，所以連名都唔記得喇，組合喺香港好難紅，真係有人捧先算啦！」
連組合難撈都諗埋，定係想自己殺出重圍先？

港女爭跳韓舞

Rick

韓風吹得勁，唔少港女亦學跳韓國舞，曾獲無綫《財經透視》訪問嘅排舞老師阿 Rick淨教學生跳 MV舞都月入 5萬，佢話：「我 8堂收$640，最多人學跳 Super Junior同『少女時代』嘅舞，幾乎全部係學生，大部分學嚟自娛，好少諗住表演！」

A貨貼錢排練

上週四（ 23日）， 9位「 Sweetness」成員為晚上的屯門區議會中秋晚會表演綵排，租場錢自己畀，而主辦單位說：「係我哋主動搵佢哋嘅，上次喺 apm見到佢哋覺得好 impress！」

「少時」允兒最紅

喺「少女時代」中，以允兒人氣最高，允兒除咗單飛拍廣告， 08年擔正做主角的韓劇《你是我的命運》更成為韓國最高收視劇集，在港 fans亦最多。反而隊長金泰妍（右一）則只專心唱歌，冇乜其他搞作。

右四

允兒

WG急跌

信和另一專賣日韓唱片的「 Echo」老闆亦說：「《 Two Diffenent Tears》冇乜人買。」

08年紅極一時嘅 Wonder Girls憑一首〈 Nobody〉衝出亞洲，成為當年銷量最高韓國女子組合，估唔到今年 4月出的新碟《 Two Diffenent Tears》直線仆直，喺南韓最具代表流行榜《 SBS人氣歌謠》未攞過冠軍，新碟喺香港銷情一樣不濟，據信和專賣日韓唱片的「鋪頭仔」負責人胡先生說：「 Wonder Girls去貨好慢，一日都賣唔到一隻，反而『少女時代』就斷晒貨，連韓國都冇貨返。」

【轉】趁 Carol 封胸攝位 DaDa E Cup師妹阿旦：我大細胸仲堅！ ﹝有片！旦旦泳衣解放！﹞

趁 Carol封胸攝位　 DaDa E Cup師妹：我大細胸仲堅！
Face
2010年09月29日

32.5\" E Cup阿旦
雖然阿旦暗寸 Carol人氣 keep唔長，不過亦跟足 Carol寫真經典，仲話：「我覺得會有唔同感覺。」擺明挑戰 Carol！

單睇今年「浸大 E神」 Carol楊梓瑤同「百果園 E神」 DaDa陳靜嘅氣勢追住 Chrissie打，就知 E Cup乳模威力勁。
最近浸大 Carol封咪返學變乖女，難得 E神讓位， DaDa師妹鄧伊玲（阿旦）恃住又係 E Cup即剝衫攝位上。為年尾推出嘅寫真率先大解放。
抄 Carol倒奶寫真嘅阿旦為證明冇打假波，仲大爆自己：「我邊大邊細，先係真材實料！」

• 互動片段
  
  DaDa E Cup師妹　泳衣解放
  
  

Carol封咪返學，亦冇打算年底出月曆，想睇 Carol血管乳起碼要到下年暑假。

25歲鄧伊玲（阿旦）唔係模界新人， 20歲已入行嘅佢曾喺唔少雜誌、廣告出現，不過多數賣樣唔晒胸，搞到有 E Cup身材都冇人知，佢話：「唔想淨係做 model，今年想試吓做 artist，咁一定要有新感覺畀大家！」所謂新感覺就係騷佢強勁事業線。

大細 E神

阿旦同港台 DJ阿感拍拖 4年，感情穩定，仲一齊夾份開寵物店，不過今年初已結業。

雖然同 Carol、 DaDa一樣係 E Cup，不過阿旦兩邊胸 size大細不一，佢話：「我都解釋唔到，可能我細個冇打理佢哋（雙乳）啦，又集中用右手打排球，搞到我右邊大過左邊囉！但證明我先係真材實料，唔會有人整大細胸咁傻啩？」

藐爆 Carol

阿旦同百果園 E神 DaDa係老友兼同門姊妹，眼見 DaDa發展不俗，阿旦即叫好友搭路搵施念慈做經理人。上週阿旦為本刊拍照，叫佢扮 Carol寫真甫士，阿旦都冇托手踭，不過就死都唔肯學 Carol玩唧唧冰、滴太陽油。「 Carol今年係爆嘅，但做呢行唔係爆一下 o架！最緊要係 last得耐唔耐囉！」

特大右咪
阿旦話自己大細咪好明顯，一着泳衣就見到，當日所見右邊事業線的確比左邊長好多！

阿旦有大細咪， Carol就血管乳，真係唔知邊個可以 last得耐啲喇！

E Cup彈起

'08齋賣樣
20歲入行，拍過唔少廣告，最有印象係 08年為 Yahoo拍嘅淚眼平面廣告，起碼有大頭靚樣。

'09 E Cup對壘
阿旦同 DaDa陳靜私下係好姊妹，去年 2人仲未簽施念慈時，曾合作為賽馬會拍廣告，二人係同 Cup對手，不過阿旦話：「我同佢唔同類型，唔會爭飯食！」

'10解胸上位
7月做 DaDa師妹後，即打正 E Cup胸攝位。阿旦得 160cm（ 5呎 2）高，喺 Starz People做模期間試過因為生得矮，而被當眾奚落。之後返公司喊，佢話：「感覺俾人彈鐘！」

08

09

10

【轉】36歲台女謝金燕 Fing死 MK仔 ﹝有嗶嗶嗶 MV！﹞

36歲台女　 Fing死 MK仔
Face
2010年09月29日

身高 5呎 7吋嘅台妹謝金燕，有 42吋長腿，所以就算 36歲兼有傳生咗個 12歲大嘅仔，佢仍係唔少台灣網民女神。

早排許志安幫牙刷拍廣告不停重複唱住尖尖尖∼，高登仔又不停惡搞，洗腦攻勢下娘歌都變潮音樂。
尖到最近終有代替品出場，新晉潮歌叫〈嗶嗶嗶〉，由台灣中女所唱，首歌表面似電子 fing頭歌，個台灣妹仲特登用廣東話唱到錯晒音，無啦啦又要提人「老母」，班 MK仔笑到甩轆。
潮歌〈嗶嗶嗶〉兩星期前推出，由台灣 36歲中女謝金燕主唱， MV中見佢狂騷 42吋長腿，搏命跳冇揸流攤之餘，仲以廣東、普通話及台語獻唱，但廣東歌詞完全唔啱音，效果超爆笑，中間又無啦啦加句「誰的老母性感很多人 call」，連阿媽都唱埋。

嗶嗶嗶 MV熱爆
（餓甘野痛利大露日砌塊烙）
我今夜同你帶路一齊快樂
（袖酸屍蚊木的金東　枝優溢淺妙鐘）
就算是盲目的感動只有一千秒鐘
嗶嗶嗶嗶嗶　有你最好

誰的老母　
性感很多人 call
十二點鐘　
擱底夜店流浪
MV上載 YouTube兩星期唔夠，已近 30萬人瀏覽，網友中晒毒話要搵間 D場 fing番轉，又要求〈嗶嗶嗶〉做鈴聲，堅 hit o架！

嗶嗶嗶 MV：

做鈴聲

Disco播

森美推介

潮歌喺台灣一出，已經成為當地大熱歌，的士佬、草根食肆同土場地痞 disco日夜狂炸，〈嗶嗶嗶〉由台灣 hit到香港，有網友話要搵間夜場勁 fing，週一森美亦喺商台節目《早霸王》度熱推，而新紮捽碟 DJ Annie G.更說：「新歌入晒腦，我嚟緊返大陸捽碟都會打呢隻歌呀！」
查實謝金燕喺台灣已達阿姐級，就算出新歌亦唔多稀罕做訪問，她只透過助手回覆：「謝謝香港 fans喜歡〈嗶嗶嗶〉，希望有機會來現場唱給大家聽！」係就快呀，等住聽呀喂！

港仔對謝金燕陌生，但佢喺台灣好出名，老豆又係羅志祥偶像豬哥亮（第一代台灣綜藝節目主持）（小圖），吳宗憲都係佢老死！

Hip Hop友撐

DJ Galaxy　易入腦
首歌夠簡單，容易令人記得，特別佢不斷重複嗶嗶嗶叠字，聽到嘅人一定會跟住唱，好成功！

Rapper Mastamic　夠特色
謝金燕其實唱得好 o架，只係啲廣東話全部唔啱音錯晒，不過咁反而成為特色，好有佢自己風格。所以咪 hit得起囉！

Monster Beez成員 Annie G.　捽住撐
我家姐畀我睇個 MV，佢廣東話唱到錯晒超搞笑，不過嗰句嗶嗶嗶就入晒腦，好多 friend都傳個 MV畀我睇，我嚟緊返大陸捽碟都會打呢隻歌 o架！