2010年12月15日

【轉】越南獨家專訪  12歲超 o靚模 Jenny:我想入 TVB

2010年12月15日



越南獨家專訪  12歲超 o靚模 Jenny:我想入 TVB
Face
2010年12月15日


身高 172cm、擁有 42吋長腿嘅 Jenny,外形成熟,雖然有網友話佢唔似 12歲,不過記者睇佢平時言行,的確同一般少女冇分別。

女神無分國界,更加冇分年齡,只要個樣清純又夠 kawaii,一樣得人錫。好似最近 hit爆中港台電車界、今年只得 12歲嘅越南超 o靚模 Jenny(寶珍),就憑住純情外形殺到入香港。
上週本刊遠赴越南胡志明市,獨家專訪超 o靚模 Jenny。貴為越南模界小天后的 Jenny,原來最愛煲無綫劇,更自爆偶像 No.1係 chok神林峯, 12歲已經想來港拍劇:「我想長大後去香港發展!」越南妹拍港劇,夠噱頭!

互動片段
最近熱爆中港台網站的 Jenny,樣貌清純,笑容又夠 sweet,短短時間已經瘋魔亞洲。雖然 Jenny家陣只得 12歲,但身高 172cm天生 model身形,上年經阿媽鼓勵參加當地《 Teen Model》選舉奪冠軍後,即一鋪爆紅。


'09奪冠
09年 Jenny攞咗越南《 Teen Model》冠軍後,隨即在當地彈起。



紅上封面



已成為越南學生女神嘅 Jenny,經常出任當地偶像雜誌封面,紅到爆。



'10上位
唔只喺越南, Jenny將 model相放上網後,即成宅男互傳目標,更封佢為「女神」。



11月港仔勁冧
今年 11月開始有網友放 Jenny相上網,港仔開始瘋狂。


最愛煲港劇


堅持學業
Jenny已升上越南超級 o靚模位,但 Jenny媽就話:「 Jenny年紀始終好細,現時要以學業為重,專心讀書。」

上週六( 11日),本刊專程到越南採訪呢名 12歲超 o靚模 Jenny,現讀當地(港中一)第 7班的 Jenny原來最愛煲港劇,只懂說很少英語,需靠翻譯在場受訪的 Jenny說:「我都有睇《公主嫁到》,佘詩曼好搞笑,佢唔只演技好仲好靚,我都想好似佢咁叻!」當問到邊個香港明星係佢偶像時, Jenny即興奮話:「我最鍾意林峯,佢好靚仔,特別係眼神,好迷人,有機會我都好想去香港搵林峯合照同傾偈。」
已貴為小天后的 Jenny,提到衝出越南發展更說:「我希望長大後讀完書可以去香港發展,我想入 TVB,如果去香港旅行,希望可以參觀 TVB見吓偶像。」

踩入女神閨房


瞓 2呎床
唔好以為越南好落後,其實讀緊中一嘅 Jenny,已擁有私人 notebook,經常坐喺張床做功課,咪睇佢張床得 2呎咁窄,原來係當地風俗唔興瞓大床。



私家書枱
Jenny一家住於類似新界村屋的千呎大宅,而 Jenny更擁有自己房間及電腦枱, 12歲已有私人空間,恨死香港班蝸居宅男。



溫情飯局
(左起)採訪當日 Jenny與細佬、媽媽、爸爸、堂妹及阿叔一齊食飯,已煮咗薑葱炒蟹等 5味餸,夠晒豐富。

最迷 chok神

Jenny話自己最愛睇《公主嫁到》,日日煲之餘對好多港星都熟悉,而且 Jenny最愛電眼林峯,呢方面又同港女冇分別喎!


林峯
眼神好迷人、又靚仔,最鍾意佢。



黃宗澤
靚仔,外形仲好 man添。



佘詩曼
演技好,睇佢喺《公主嫁到》扮公主,笑到我碌地。

勤力乖女

外間有傳 Jenny出身自當地的顯赫世家,親戚於政界及商界甚有影響力,但記者問到她的家世, Jenny只說:「屋企嘅嘢唔想多提,只可以講我媽媽係做時裝買賣生意,爸爸只擔當樂團公關。只算係中產小康之家。」對於最近有人流傳 Jenny有艷照流出, Jenny直說:「我唔會影呢啲相,嗰個唔係我!」
本刊之後更直踩 Jenny香閨,女神除咗做模叻,原來讀書都好出色,家中放滿獎狀, Jenny說:「學校校長怕我做模特兒後會心散,所以經常督促我要攞好成績,如果唔係就唔畀我做模特兒。我想將來做一個成功時裝設計師。」有大志又有模特兒天分, 12歲女果然識諗喎!


努力學模
Jenny贏得《 Teen Model》冠軍後,每星期都要去所屬 PL Model事務所,接受每週 3堂、每堂 1小粒鐘嘅模特兒訓練,學行天橋及擺甫士,難怪擺起 pose似模似樣。



樸素返學
本週一( 13日)早上, Jenny更帶本刊記者到她現就讀嘅「 TRUONG TRUNG HOC CO SO」一遊, Jenny話佢因為生得高,由細到大排隊都排最尾,着住校服終於似番個中一生。



品學兼優
一邊做模、一邊讀書嘅 Jenny,一直品學兼優,更將學校攞咗唔少獎狀畀記者任影,叻女唔怕晒。



台仔合照
週日於 Diamond Plaza影相中段,有兩名來自台灣嘅男 fans要求同 Jenny合照,仲話 Jenny家好受台灣仔歡迎。

無綫監製讚:好 sweet!

Jenny表明想來香港發展, TVB《超級巨聲 2》監製麥鎮東亦讚佢好 sweet,不過其他電影導演就對佢印象麻麻,叫佢讀好啲書先!


《巨聲》監製麥鎮東
Jenny個樣大過 12歲,但好 sweet好上鏡,我都想請佢上我嘅節目亮相。



葉念琛
佢得 12歲好細個喎,應該讀好書先,對佢興趣唔大。



羅守耀
對佢零興趣!但十八無醜婦,佢化行妝都見得吓人嘅!

記者遇劫賊贓上網

週日( 12日)下午本刊記者及攝影師,於胡志明市的購物熱點 Diamond Plaza外幫 Jenny影相時,突然被一名惡賊騎電單車衝向攝記身邊強行扯走攝影機,在旁的 Jenny即嚇到呆咗:「發生咩事呀?」最後要報警求助。但到週一( 13日),遇劫一事竟被當地年輕人娛樂網站 kenh14.vn以「寶珍拍攝受驚 香港攝影師相機被偷」為標題大肆報道,本刊拍攝的獨家照更被上載到該網頁上。奉勸到越南旅行的自由行人士, shopping之餘都要清四周環境呀!


離譜!
遇劫後本刊記者及 Jenny當場嚇呆, Kenh14.vn網站更以「 Hot Girl」形容 Jenny被劫後的失措情景。本刊隨即致電質詢,網站竟身有屎刪相刪文。



拍攝當日,雖有唔少當地 fans在現場影相,但這輯 Jenny的靚相,懷疑是本刊攝影師所拍,離譜!

熱門文章

 
8 の 玩物