2010年11月18日

【轉】《刑警》兩千金鬥晒仔 苗僑偉豪放女兒沙灘露肉

2010年11月18日



《刑警》兩千金鬥晒仔 苗僑偉豪放女兒沙灘露肉
2010年11月12日
忽然一週

女兒苗彤又有性感攬仔照,三哥為撐女兒,竟硬說相片是合成照。雖然他故作輕鬆,但一邊睇一邊皺眉。
移花接木啫!

苗僑偉及黃日華近日「雙虎合璧」拍《刑警》,平均收視高開三十點,直逼《義海豪情》。飾演英明幹探的三哥,戲內破案易,戲外教女難,年前三哥被 19歲的女兒苗彤與男友親吻照激到彈起。但女兒的性感照及攬仔照到今天依然層出不窮,今回三哥為護女死撐:「移花接木啫!」
反觀黃日華,雖然管唔住老婆梁潔華,但教女有方。大女芷晴今年廿歲,乃理工校花,不少狂蜂浪蝶「喉」住,黃日華夫婦惟有日日輪流接送到實。不過情竇初開的芷晴,亦禁不住在 facebook晒拍拖照,公告天下自己名花有主。
黃日華於 01年不滿無綫刻薄減騷,打爆玻璃憤然離巢,去年經好兄弟苗僑偉穿針引線,加上三嫂戚美珍多番游說,闊別無綫 9年的他,與沙煲兄弟三哥拍住上演新劇《刑警》,近日人氣急升。早前,住在大埔雍怡雅苑多年的三哥,發現屋苑有筍盤,即介紹俾黃日華,兩兄弟現今做埋鄰居,互相照應。
不過管教子女方面,兩兄弟卻南轅北轍。三哥向來採取開放態度,自命是最開通爹哋。三嫂戚美珍亦任仔女自由發展,她說:「我哋從來唔會體罰小朋友,由細到大都係同佢哋講道理。」加上一對子女從小在國際學校讀書,大女苗彤言談舉止十足鬼妹仔。
身材高䠷、樣子標致的苗彤,一直是學校風頭躉。去年三哥將一對子女送去加拿大讀書,安排女兒入讀著名學府 UBC。不過,苗彤卻在 facebook上載夜蒲啜仔照,加上打扮性感,在香港的三哥睇到眼火爆,但好無奈說:「我冇得阻止!」


今年連黐三仔
今年,穿上性感泳衣的苗彤身材火辣,扭腰趷籮,引死仔。



熱情的苗彤與異性好友玩得好埋,個個都黐到實影合照,更擺出夾煙的手勢,十分狂野。



苗彤胸壓壯男,睇到人熱血沸騰。



09年舊韓籍男友
去年,苗彤與韓籍男友又攬又咀的相片曝光,曾令三哥㷫到爆。



苗彤衣着十分性感,還未出來工作,已急急 show 3吋事業線。



《刑警》出街後,黃日華演的 Stone Sir大獲好評,有指本來可跟苗僑偉齊齊入圍爭視帝,但最終只能競逐男配角。有傳黃日華為爭獎嘈到去樂易玲度,又指他眼紅三哥片酬高,兄弟情受到考驗。



「五虎」年代,三哥與黃日華感情最深厚,兩兄弟又同住大埔雍怡雅苑,閒時相約打保齡球、哥爾夫球,以往亦多次拍到齊齊茶餐廳嘆 tea。

極速換男友

據三哥好友透露:「嗰次三哥真係好嬲,同我哋呻話唔知點教個女。佢向來同個女好似朋友,怕擺款鬧佢,會適得其反,嗰次咪細路咁叫個女小心啲,咪俾人登啲唔靚嘅相囉。」不過現於加拿大讀書嘅苗彤,最近又將相信是剛剛暑假返港時影的三點式性感照放上 facebook,身旁卻不是之前跟她啜爆的韓籍男友,看來已「換畫」。照片中,她更擺出各種意態撩人的動作,噴血程度拍得住 o靚模。
周一,三哥回電視城拍攝《抉宅男女》,一見到女兒又有豪放照上網,即時皺晒眉,不過仍然為女辯護:「係咪移花接木 o架? key佢落去咋?依家科技咁先進!(你個女放上網 o架!)咁……(即時轉口風)同朋友影吓相好正常啫!」問到囡囡係咪換咗畫?他說︰「朋友嚟啫,之前都係你哋話拍拖之嘛!(之前係你話個韓國男仔係囡囡男友!)佢同成班朋友去沙灘玩,影相留念啫﹗(你話過會叫囡囡小心處理啲相,佢冇聽你話咩?)叫咗 o架喇!(會唔會叫佢唔好再影呢啲相?)叫咗 o架喇!」一臉無奈邊講邊掉頭走,話趕住化妝入廠。

第一次拍拖


苗僑偉、戚美珍與黃日華當年是無綫力捧的小生花旦,三人感情要好。

管唔掂個女的三哥,其實可以搵老友黃日華教路。皆因華哥的大女芷晴,不但性格較斯文乖巧,一直讀九龍塘聖羅撒女子中學的她,成績亦很好,現於理工大學的應用社會科學系讀二年級。據該校同學爆料:「芷晴 year 1已經係校花,佢樣靚功課又好,好多隔籬系嘅男仔都過嚟識佢,但佢無理班男仔,反而好熱衷搞系社活動。佢都係今年中至第一次拍拖,聽講男友係喺活動時識嘅。」
黃日華對兩個女兒小時候好嚴,他說:「依家啲女大咗,唔可以用以前啲方法。佢哋有自己分析力,依家我哋好似朋友咁,不過個女好自律,一向都好乖,冇令我哋操心過。」
他亦透露:「嗰次阿苗囡囡畀人登咗啲相,激到彈起。我都即刻同個女講,你哋嘅身份始終唔同,所以無論平時行為或者影相嘅甫士都要小心。不過個女着衫唔會好性感!」雖然個女已經讀大學,但睇得出黃日華對女兒睇得好緊,平日會與老婆梁潔華輪流接女兒返學放學。之前芷晴去看偶像棒棒堂演唱會,黃日華亦管接管送。如此看來,黃日華的「人盯人」政策,比三哥的「無為而治」似乎奏效得多。

校花女兒多仔追 黃日華管接送 實


5月 6日
返理大
5、 6日連續兩天芷晴都由父親揸車送到九龍塘火車站再乘火車返理工大學。 20歲的芷晴同時下後生女一樣喜歡打扮,但不同之處是比較慳家,兩天着同一外套,用同一背囊。



坐火車
芷晴在火車上狂咪年輕人雜誌。



5月 5日



黃日華跟女兒感情要好,兩父女經常一齊睇戲。



晒純情小男友
芷晴在 facebook狂晒拍拖只有半年嘅男友仔,只是頭貼頭,比苗彤純情得多。



黐女生
相簿內其餘照片,全是芷晴中學時的校園生活照,在旁清一色女仔,除男友外,她甚少與其他異性合照。



扮淑女
黃日華女兒(右)與同學出席謝師宴時,刻意打扮穿上吊帶裙,但一樣是性感欠奉,十分淑女 feel。



捧偶像
去年 7月,棒棒堂來港開演唱會,成員之一揀中樣子清純的芷晴,在台上繞場一周。黃日華對女兒喜好瞭如指掌:「佢鍾意咗棒棒堂兩年 o架喇,嗰晚我送個女去紅館睇騷嘅!」

小野貓 vs純情女


82年,苗僑偉與戚美珍合作拍劇《飛越十八層》擦出愛火, 90年結婚生下一子一女。



黃日華與梁潔華 82年合作《賊公阿牛》擦出愛火, 88年結婚,後梁潔華退出娛樂圈轉行保險。 00年她與同事 Kenny疑有婚外情,險釀家變,其後兩人重修舊好。

熱門文章

 
8 の 玩物