Intersection x Venturi Antarctica x Pom Klementieff

Intersection x Venturi Antarctica x Pom Klementieff from Remi Ferrante on Vimeo.

What a year!!

What a year!! from Timo Stabentheiner on Vimeo.

謝金燕︰嗶嗶嗶 Live @ 世貿 WTC 2010/12/30

(推上報)中學生公園上禮對晨運婆婆公公

【轉】全港最旺雞竇 幕後女玩家

全港最旺雞竇　幕後女玩家
壹週刊
2010年12月30日

幾乎全幢都是一樓一鳳的富士大廈，業權近來出現暗湧，原來幕後玩家是一名四十餘歲的美艷女子，名叫王詩惠，是專炒地鋪的炒家、人稱「藥房張」張偉強的妻子。

每逢港島區警隊有掃黃行動，位於灣仔駱克道的富士大廈必定「榜上有名」。單是今年五月、九月及十一月三次行動，警方便先後掩至富士大廈，拘捕共三十九名涉嫌違反逗留條件的內地妓女。
其實富士大廈在嫖界早已「享負盛名」。該大廈二十二層，一梯兩伙，除七樓外，二十一層樓全部清一色改裝成一樓一鳳，每逢放工時間，大廈出入男人絡繹不絕。
不過近幾年，這幢已超過三十年樓齡的舊樓出現暗湧，大廈外牆不斷翻新髹油外，不少單位更進行大事豪裝，單位一開三套房，換上雲石地板，落地玻璃，套房租金更颷升至每月一萬。
原來一名幕後玩家正逐步收購該幢物業，短短幾年間狂掃二十二個單位，成功購入大廈五成物業。
該業主是一名四十多歲的靚太，亦是有「藥房張」之稱專炒地鋪的富豪張偉強妻子。

富士大廈是港島區享負盛名的一樓一鳳樓，每逢打工仔下班時間，大批嫖客爭相前來幫襯，不少客人更要在後樓梯排隊等候。

富士大廈位於銅鑼灣、灣仔交界，在鵝頸橋旁邊，兩旁分別同是三十多年樓齡、外表殘舊的住宅大廈，夾在中間、外牆剛髹上嬌艷粉紅色的富士大廈尤其顯眼。
對於喜歡尋花問柳的男人來說，富士大廈名頭極響，不單雞竇集中，而且質素向來較高。

全幢大廈日夜運作

富士大廈一梯兩伙 A、 B單位，各五百多呎。除了七樓，其餘二十一層全部經過改裝，所有單位被「劏」成三至四間套房，故全幢大廈共有約一百三十個房間正經營一樓一鳳，營業高峰期時，即接近有一百三十名小姐在大廈內此起彼落「全線作業」。
而每間套房均設有獨立門口，門外鈴邊貼有各色各樣宣傳標語，熒光紙上寫有「琪琪吹簫誇啦啦」、「服務超好」及「刺激享受」等字句。進入大廈的男人大部分都是附近上班的寫字樓白領，個個樣子斯文，有的甚至穿西裝，亦有不少外籍人士光顧。

富士大廈夾在兩幢三十多年樓齡的大廈中間，近月才把外牆髹上香艷的粉紅色，分外耀眼。

富士大廈的走廊用上誘人霓虹燈，房間大門上都貼有挑逗標語，如「琪琪吹簫誇啦啦」。嫖客按鐘仔後，鳳姐身穿薄如蟬翼內衣開門迎接。

八十後翠兒

來自蘇州的翠兒，在富士大廈已經半年，她坦言生意暢旺。
「呢度收費比其他高，富士大廈基本服務費五百，額外服務例如想著制服、 BM（ Body Massage）叫價可以高一、兩百。喺深水埗、油麻地，一次只可收三百，而且呢度客人素質真高噢！好少阿伯、三行佬，我哋富士大廈的姐姐仔一向質素高。」穿着小白色背心的翠兒嗲聲嗲氣地說，她租住的房間月租九千，但一個月自己可賺四、五萬。
翠兒說，富士大廈近年大翻新，而且大廈管理好，令不少姊妹都爭住在該幢大廈租房搵食。記者嘗試聯絡物業經紀，表示想到富士大廈睇樓。一名叫 Jason的經紀暗指富士大廈情況特殊：「其實你話要去睇富士大廈，大家都明啦，我約你上樓自己去睇啦！」
甫見面， Jason立即致電大廈管理員，一名年約七十多歲的老翁幾分鐘後出現在大堂自我介紹說：「我姓馬，而家我哋空置出來的有一樓、五樓、六樓……十四樓、二十樓。」馬先生說每個單位月租八千至一萬二千元不等，視乎單位大小、樓層及裝修。

六十條鎖匙揸 fit老翁

馬邊說邊取出一抽接近六十條鎖匙圈，帶記者上頂層廿二樓，甫出電梯，便看見走廊裝有落地鏡子，更有雲石裝飾。馬揚一揚手，指一指天花板閉路電視，牆上亦有「 24小時錄影」牌子。
「我哋幫你裝好晒啦！明白啦！」馬之後引領記者進入房間，房間僅百餘呎，四邊牆全部落地玻璃，右邊廁所門半透明。房內裝有分體式冷氣、一個地櫃、小型雪櫃及一張雙人床。
「嗱！每間房都有一台顯示器，接駁閉路電視，從閉路電視中可見房外情況及樓梯情況。我哋會負責顯示屏維修。」馬此時更詭秘走近燈掣旁，調校起燈光︰「年紀較大嘅（妓女）同十八、廿二用的燈光不同，我哋會幫你校啱為止，年紀大玩浪漫燈光較暗，年輕當然要燈火通明望清楚……」馬驕傲自豪地說︰「我哋每間房裝修十幾萬，老闆將裝修全部交俾我決定，我就最知道你哋啲客人要啲乜！」

富士大廈管理員馬先生手持六十多條鎖匙，每當有鳳姐要求租用房間時，馬都以大廈安全及房間裝修華麗作推銷重點。

來自蘇州的翠兒半年前租了富士大廈的單位，她指人流十分暢旺，生意滔滔不絕。

管理完善　鳳姐放心

馬之後坐下大談他管理富士大廈的「完善方針」。
「我哋早上十時至凌晨一至二點都會有看更喺電梯大堂看守，如有特別時間要求，可以遷就。如遇到有嫖客唔俾錢，可以打電話俾我哋，我哋會替你調解。」
當查詢有關經營一樓一鳳的法律問題，馬立即作其經驗之談：「如果你哋要起雙飛（兩名妓女同一間房開工），可以租兩個相連單位，因為兩個單位出面仲有一道大門，可以掩埋外面大門，到時你做乜嘢都冇人知啦，呢啲就係走法律罅。每個單位四千蚊按金，最短租三個月，租用六個月可每間房免收租金五日。」之後馬強調每個房間均須用不同身份證登記租用。
「一間房一張身份證，否則被警察查出，就等於集團式經營賣淫場所，租客會被控告『依靠妓女為生』。我哋管理處那邊，必須有每一個租客身份證副本，因為警方查牌時，有權要求管理處出示租客身份證副本。」

位於灣仔的富士大廈，二十二層，除了七樓（藍色），其餘二十一層全數是一樓一鳳單位。當中二十二個單位（紅色）由王詩惠任股東的公司持有，市值五千多萬。

富士大廈除了為一樓一鳳提供生意場地外，亦帶旺了周邊相關生意。整幢大廈每天使用大量毛巾，附近的洗衣店亦多了一筆洗毛巾的生意。

每個單位「劏」開三個套房，房租$9,000-$12,000。

幕後業主現身

馬表示自己不是業主，他透露老闆是一名有錢人，在富士大廈總共四十四個單位中，就持有二十二個，全部交由他管理，由租金至裝修均由他決策。
「我老細從不露面……」
記者翻查樓宇紀錄，富士大廈自○七年業權起了變動。數間公司包括偉宇發展有限公司、元發有限公司、森豐投資有限公司及銘富有限公司等，○七年八月開始不斷收購該幢大廈單位。
頭一宗交易始於○七年八月，偉宇發展有限公司以二百二十萬購入一樓 B單位，之後九、十、十一月該大廈有六宗成交，全部由上述公司購入。
而查看四間公司股東資料，股東持有人均屬同一名女士——王詩惠。王詩惠除了持有偉宇發展有限公司百分之四十五股權外，其餘三間均是百分之一百持有。記者成功於其中一間公司登記地址聯絡上洋名 Angel Wong的業主王詩惠。

警方每次掃黃，富士大廈都榜上有名，上月二十五日，警方拘捕了十九名從內地來港的賣淫女子，每日警方亦不時到富士大廈附近巡邏。

富士大廈的電梯大堂裝有劃分成九格的閉路電視顯示器，大廈內的情況一覽無遺，確保鳳姐安全。

富士大廈內近九成單位都有一樓一鳳，但如客人要求「起雙飛」，管理員暗示可走法律罅，只要租用相連房間，在「起雙飛」時把外面大門關上，在內做什麼也沒有人知。

全幢大廈四十四個單位，四十二個被「劏」成鳳樓，只有 7A是香港作家聯會會址，而 7B的業主是圖中陳先生，是大廈唯一純住客。陳表示在大廈居住多年，認為常有嫖客出入為他帶來不便，可是現今樓價高企，賣了單位，在同區難購入同類單位，唯有續住。

富士大廈一半業權

Angel相約記者在銅鑼灣區見面，身高五呎八吋，一身 Chanel打扮的她，由司機駕着價值三百萬的賓利房車，車牌ｘｘｘ１到達繁忙銅鑼灣區，甫下車，立即引來途人注目。
Angel坦言她在富士大廈擁有全幢大廈半數物業，但堅拒透露細節：「我跟你講，我不會喺訪問中講任何有關富士大廈的事，我係一個普通投資師奶仔，我只是收租，其他嘅嘢全部唔關我事。如果你寫負面嘢，我一定告你，我有一班律師跟我做嘢。」
根據資料，王詩惠在富士大廈擁有二十二個單位，包括九月剛剛成交的廿樓 B室，購入價三百一十萬。全幢四十四個單位，王就佔了百分之五十，全部單位持有至今，市價總值五千五百多萬。
「我梗係知道上邊做啲乜嘢，不過我只不過是業主收租，佢哋啲人做乜嘢唔關我事，我每個月有租收就得，其他嘢我一概不理。」她強調自己在銅鑼灣、灣仔收購舊樓只為了租金回報，租客從事的行業一概與她無關。

專吼銅鑼灣、灣仔樓上鋪

王把富士大廈二十二個單位全部一開三至四間套房，每個套房月租九千至一萬，即王單位租金回報達十三釐以上，收入和味。不過，王表示她一向在灣仔、銅鑼灣購入大量類同的舊樓商住物業，目的就是租給商用，確保租金回報率高。
「我專睇呢一區當旺的舊樓，一、二樓用幾百萬買回來，然後用錢裝修大整，再租俾髮型屋、樓上吧、樓上時裝店之類，一個月幾萬蚊租；我連外牆都大維修，可以租埋外邊做招牌，總之我的租金一定多過我每月銀行供款，一定賺。」除了富士大廈，王詩惠表示不介意分享她投資之道，更帶記者到銅鑼灣、灣仔一帶巡視她的物業。
同樣位於鵝頸橋附近，與富士大廈毗鄰的必發商業大廈便是她近來重大投資。
「我幾年前購入一、二、三樓，我剛剛用了幾百萬搭棚做緊外牆維修，新年前應該可以搞掂，而家已經全部租晒出去，全部新租約，每層差不多租五萬幾。」根據資料，王在○五年以二百四十萬購入該大廈二樓全層，再在○六至○九年間成功購入三樓及一樓。另外王在銅鑼灣區亦擁有數個樓上鋪物業，全部市值一億七千多萬。

富士大廈的管理完善，大廈內的水、電及一切設施全由專人負責維修，絕不影響鳳姐做生意，更不額外收費。

王詩惠聲稱只是買樓收租，租客在單位內做什麼，她一概不知道。

張偉強與王詩惠夫婦二人的身家豐厚，他們現居於紅磡海名軒，市值三千七百三十萬元。

富士大廈是著名的鳳樓，在夜遊網站內，有網民甚至列出報告，為同道中人介紹大廈各單位的鳳姐資料，並作出評價。

出身模特兒

王表示自己十幾歲從中國北方來港，之後到台灣任職模特兒，其後回港在跑馬地投資第一層物業。
「十幾年前的事了，嗰陣得廿歲，層樓百幾萬，首期要十幾萬，儲得很辛苦先儲得返來，後尾都是屋企人幫手才解決。」問她丈夫是否亦從事地產，她立即非常自豪地說：「其實我做嗰啲係小買賣，師奶仔唔想成日行街買衫，湊仔女之餘就學人買吓樓投資吓囉……我先生係做大型投資的商家，姓張。」
其實王詩惠的丈夫正是有「藥房張」之稱，現年四十八歲的炒家張偉強。對於太太投資富士大廈，張偉強表示知情及支持：「嗰度買入價好低，出租回報率又高，就算買晒成幢都係幾千萬，隔籬有兩幢恒基物業，如果其他單位價錢平，會考慮買晒，收租又得，拆嚟起過又得。」
張偉強表示買入富士大廈時已經知道裡面全部是一樓一：「呢啲係灰色地帶，又唔係我哋經營，我哋交俾經紀代為出租，有啲一樓一做咗十幾年啦！」他指該區的警方早與他們有緊密聯絡，甚至會為警方提供協助：「我哋係法團代表，差人會透過我哋搵看更幫手睇吓有無違法行為，一樓一唔犯法 o架，唔係未成年、無證咪得囉！」
外號「藥房張」的張偉強，是炒鋪老手，他的發迹史也是典型香港人的上位故事，透過炒賣物業，由觀塘出身的窮小子，搬到上半山愛都大廈，繼而住上紅磡一柱擎天的海名軒豪宅，市值三千幾萬。

現時半島大藥房已搬往火炭，但藥房張只持有股份，沒參與營運。（廖健昌攝）

藥房張炒鋪逾廿年，但一向低調，甚少接受傳媒訪問，因為他認為低調才可以在市場執平貨，又不用被稅局盯緊。

龍門大酒樓被藥房張以四億二收購後，極速以六億六轉售予另一資深投資者羅家寶，現時酒樓已被拆卸重建。（嚴寶權攝）

他有一輛勞斯萊斯，平日由司機接載他往漢口道的寫字樓上班，車就泊在他的發迹地——半島酒店外。（嚴寶權攝）

賣藥賺第一桶金

張偉強父母於九龍灣聖若瑟學校經營小賣部，他中學畢業後，到位於九龍半島酒店地庫商場一間名「半島大藥房」的鋪頭學師。直到八七年，藥房老闆移民，他頂了藥房自己經營。
翻看其炒樓履歷，早於八十年代經營藥房時，他已開始沾手尖沙咀鋪位，八九年以近二千萬買入加連威老道鋪後，不到三年以三千萬出售，賺一千萬元。九十年代更頻頻出擊，買鋪愈買愈大手，位置多集中在旺角、尖沙咀一帶，且有賺無蝕，有經紀指他的致勝之道在於夠主動，如○四年中，他以一億四千萬向邵氏購入深水埗黃金商場，就是上門找邵氏傾談，直接促成交易，持貨至○八年以二億八千萬轉售。

加息預期　忍手收爐

其中最經典的投資要數去年七月，以四億二千萬買入灣仔面積三千六百平方呎的龍門大酒樓，至十二月時以六億六千萬轉售予羅家寶，數月間勁賺二億。連負責是次交易的地產代理，也有八百萬落袋，令地產市場嘩然。
是次交易條款是由他負責興建一幢二十五層高的商用住宅，他形容為灣仔「置地廣場」，預計一三年落成。除此之外，他這年間亦數度「摸出摸入」，單單大刁，如今年七月以一億六千萬買入土瓜灣金都豪苑十一個地鋪，一個月間以一億七千萬摸出部分鋪位，六月時又花一億買馬頭圍鋪，一個月賺二千萬。屈指一算，從八十年代至今，他便從炒鋪中淨賺五億六千幾萬。
「藥房張」專吼大地鋪，妻子王詩惠則繼續在灣仔、銅鑼灣密密食樓上細鋪，兩公婆各有千秋。

鳳樓回報高

律師黃國桐直言經營一樓一鳳並非違法。富士大廈本身是一梯兩伙，業主在買入單位後，將之間成三至四個套房，每間套房均有獨立大門出入，故可稱作獨立單位。如每個套房內只有一名妓女提供性服務，妓女只是經營一樓一鳳的生意。因此，將單位間成多個套房租予妓女，可說是走了法律罅。
黃坦言很難指證業主把單位租給妓女經營一樓一鳳，因業主只須說一句︰「妓女都要租地方住。」基本上也可以脫罪。
黃表示投資如富士大廈般的物業，回報率高，又不擔心租客沒有租金繳交。可是，如一個單位被裁定曾經營賣淫場所（即同一單位內多於一名妓女提供服務），該單位可被釘契六個月，在此六個月期間，如同一單位再度被裁定經營賣淫場所，業主亦會被罰。

一億七千萬物業

富士大廈大業主王詩惠，單是持有的物業，市值已達一億七千二百八十三萬。以下是王旗下部分物業。

註︰以上所有物業以公司名義購入，仍有按揭，未贖回。
＋其中兩單位曾按揭，已贖回。
#曾按揭，已贖回。
*其中一單位王佔 45%股權的公司持有；兩單位從沒有任何按揭記錄
**王佔持有物業的公司 50%股權

【血魚 The Bloody Fish】short film

【血魚 The Bloody Fish】short film from D1 PRODUCTION on Vimeo.

Sony F3 vs Panasonic AF-101 Field of View comparison

Sony F3 vs Panasonic AF-101 Field of View comparison from Philip Bloom on Vimeo.

Matt Cordova Fall 2010

Matt Cordova Fall 2010 from Dylan Pfohl on Vimeo.

小兔睡死！點穴任人擺布！

『実写版映画 忍たま乱太郎』特報

登打街霸 vs 窩打拳王！

譚杏藍(小花) - 自彈自唱李家仁[Rap新歌] 小明上廣州

Kelly Bolton Fakie Front Flip Flair

What a sick front flip!!

Kelly Bolton Fakie Front Flip Flair from Eastern Bikes on Vimeo.

FIXING

Long Beach Cruisin.

Long Beach Cruisin. from The Fly on Vimeo.

【轉】戴 3 個 bra 加 6 個墊 囧探激凸 OL：咀八両金都得（有片︰囧探假 G奶倫紫玄！）

戴 3 個 bra 加 6 個墊　囧探激凸 OL：咀八両金都得
Face
2010年12月29日

倫紫玄
為本刊拍照時，倫紫玄以真身 32B上圍加 38吋長腿，冇激凸，硬 sell均勻身材。

《囧探查過界》有宅男女神鍾嘉欣 chok樣扮 o靚模，又有華姐冠軍朱璇係咁放電，不過以王喜搭鍾嘉欣做賣點？零幻想！收視平均 28點，最高 31點，算係超額完成！
主角唔爭氣，配角就易突圍，喺劇中做石修秘書、 08年落選港姐倫紫玄，雖然對白得幾句，但激凸胸火速招兵。迫爆效果原來靠食腦，難得有人注意，只要有機會，佢話：「咀八両金都得！」

互動片段

• 囧探假 G奶倫紫玄
  
  

喺《囧》劇做石修性感秘書嘅倫紫玄（ Nadia），為 08年落選港姐，雖然對白少，不過造型取勝，疑似 G奶巨胸同長腿，加上日本 AV式四眼 OL造型，啱晒宅男口味，成功被高登仔留意。喺劇中身材迫爆，但原來裝假狗，佢話：「戲入面我要激凸，服裝部就畀咗一 set wonder bra我戴，係 3個大 bra連埋，然後我再喺裏面每邊加 3個墊，先有 G奶效果咋！本身我對腳都係得 38吋咋。」

《囧》劇收視麻麻，好在仲有靚女做話題，倫紫玄（左）喺劇中成日着住迫爆恤衫又 sell腿，閒角但都有高登仔留意，可以「凸」圍而出。

月薪一千

24歲倫紫玄港姐出身，同屆有 hea后張舒雅、高海寧、馬賽，當年因為唔想做國泰空姐參選港姐，自言參選時同張舒雅一樣 hea，佢話：「參選嗰陣我同張舒雅最 hea，成日都問幾時收工！之後冇嘢做，咪入無綫做一騷藝員囉，雖然收入真係唔多，試過糧單得一千蚊，但原來做茄喱啡做得好，都有人睇到，經 PA讚好之後再被《囧》劇監製羅永賢搵我做呢個角色！」
難得有人留意，倫紫玄由 hea變積極，當日為本刊影相時，超搏晒性感，對攝影師要求亦冇托手踭，佢話：「我樣唔係特別靚，身材又唔係正，我諗我勝在夠搏囉，其實陳法拉身材同我差唔多，當然佢正好多啦，但佢都好性感咁搏先去到家呢個位！我會比佢更搏！」為有演出機會，倫紫玄幾閒角色如路人甲、乙、丙都做，佢話：「拍《談情說案》我要同蔡淇浚濕住激吻，雖然最後出街連個樣都睇唔到，不過只要有機會，你叫我咀八両金都得！」

華裔小姐出身、出道 5年嘅陳法拉，過往曾有不少性感演出才奠定今日花旦地位，播緊嘅《誘情轉駁》，法拉繼續唔錫身擘髀跳鋼管舞。

08年參選， 5呎 6吋高嘅倫紫玄（左）拍埋同屆九頭身嘅張舒雅（中）和大咪港姐高海寧（右）身邊，明顯蝕底。

身材樣貌唔突出，惟有靠搏，毛毛外衣裏面，倫紫玄僅以 nude bra遮胸，仲以 bikini褲打底，露出白滑 pat pat。

咁益我！設計對白

【轉】H 奶襲港！！瑤瑤師妹豪語失豬！！

H奶襲港　瑤瑤師妹豪語失豬
Face
2010年12月29日

騙了我的初夜！（真實對白）
港女個個想豐胸，但 34H小羽反而嫌棄大咪，原來小羽身材豐滿經常惹人博懵：「小時候常常被撞胸，很討厭！買的衣服又不合穿，全部都要拿去改。」

港女貪慕虛榮又難頂，港仔北上尋溫柔已經令港女唔值租，最慘仲要面對巨乳兼嗲爆的台妹夾擊。
來自台灣年僅 20歲的小羽（鄭羽家）上週五（ 24日）便以性感 cosplay造型現身《亞洲遊戲展》，號稱 34H身材引盡全場宅男圍觀爆奶奇景，同場陀地代表 DaDa（陳靜）輸新鮮感。
其後小羽接受本刊訪問時，更晒命自稱胸大買唔到內衣，又自爆 17歲便被靚仔男友呃初夜：「我早就不是處女，全部帥哥都是騙人的！」
原來感情受騙，難怪家陣剝得咁盡啦！
年僅 20歲、就讀台灣高雄設計學院的鄭羽家（小羽），一向係台灣電玩展主膽，憑 34H爆乳身材加上唔怕剝，上週五（ 24日）出席《亞洲遊戲展》時，更加吸引成班電車男瘋狂出動圍影，加上小羽有求必應，間中講兩句台式超嗲：「謝謝噢！」連同場陀地 DaDa（陳靜）都甘拜下風。

胸贏陀地

平安夜（ 24日）跟陀地 DaDa同場，小羽一件中空衣已經夠殺，最慘 DaDa條胃腩下墮要用條腰帶束實（小圖）。對手失手，小羽輕易 K.O.。

小羽吸引過百龍友圍觀喪影，仲有宅男擒梯喪，認真誇張！

靚仔呃豬

有身材又順得人，以為佢一定大把仔排隊溝，點知小羽話自己家單身之餘，兩年前更試過遭台灣帥哥呃處：「以前男友雖然很帥，但他外面竟有 5個女朋友，還騙了我的初夜。所以我不要帥哥，他們都愛騙人，不是好人！」
講開揀男友，小羽續說：「我要的是對我專一、可以跟我溝通的人，我對外形沒要求，比我高就 ok！但一定不可以是帥哥，因為全部帥哥都會騙人！」

薄背巨咪

記者親自同小羽度胸圍， 34H仲要 3吋半薄背絕對真材實料，小羽話全靠以前阿媽日日迫飲木瓜奶喎。

咪夾電話

遊戲展當日小羽將電話夾喺事業線，學足巴拉圭波神列基美，開工都要電話跟身，小羽就解釋：「我習慣把電話帶在身上，但開工時不會接聽的。」咁究竟帶喺身做乜呢？

嫌棄胸大

小羽揀男友難，原來 34H巨乳搞到佢買內衣都有困難，小羽說：「不論我在台灣或者香港都買不到胸圍，就算去 H&M等買外國尺碼衣服的地方，也買不到胸圍，真的很煩人。」堅大胸又晒命嫌棄，難為其他女要搏命加墊裝假狗或隆胸呀陰功！

黑帶二段

除咗讀設計，小羽原來仲係胎拳道黑帶高手：「我自小就陪弟弟學拳，現在都考到兩段了！」大家遠睇好啦，埋身做傻事小心頸都斷！

台模三級制

台灣出名多模，而且種類豐富，唔似香港得天橋模同 o靚模咁悶，以殿堂級名模林志玲為例，一場騷起碼穩袋 4萬蚊港幣，對比剝到盡嘅小羽同另一脫模劉伊心，都係得幾千蚊港幣，幾時都話搵皮肉錢有血又有汗。
殿堂級
代表：林志玲、白歆惠
騷價： 4- 5萬
主要工作：行天橋騷、剪綵嘉賓、品牌代言等。

二級
代表：郭書瑤、李毓芬、豆花妹
騷價： 2- 3萬
主要工作：品牌活動、商場騷、陪襯名模。

最近陀地雷凱欣（右）赴台拍住劉伊心做車展，原來都係襯托奀模。台灣《蘋果日報》圖片

三級
代表：大元、劉伊心、小羽
騷價： 8千- 1萬
主要工作：遊戲展 game girl、車展模，主要靠剝。

【轉】斷正 Boxing day食 G.E.M. 林宥嘉發狂打人

斷正　 Boxing day食 G.E.M.　林宥嘉發狂打人
Face
2010年12月29日

你不要這樣！(真實對白)
我不要保持風度！(真實對白)
斷正起火︰平時唱歌深情又溫柔，但被記者撞破即發怒強搶相機的林宥嘉把 G.E.M.亦嚇親， G.E.M.即時繑實男友手臂希望令他冷靜：「你不要這樣。」

聖誕佳節凍冰冰，人人想攬實另一半人肉暖爐保溫最浪漫， 19歲巨肺 G.E.M.都唔例外， boxing day終於等到男朋友仔林宥嘉秘密抵港陪伴，食飯睇戲拆禮物一氣呵成！
可能二人行埋一年未有準備斷到咁正，加上首次被記者撞破拍拖好事，林宥嘉突然發難拉扯記者追打，又發狂想搶奪相機，護花心切 5呎 3的林宥嘉變猛男。
其實拍拖又唔係偷情，兩個唱得小情侶外形實力都襯到十足，以一敵四搞到有損傷報警又嚇親女友仔，林宥嘉冷靜咗就發覺自己過分嘞。
今年初，首次推出國語專輯的鄧紫棋長駐台灣三個月錄音加宣傳，與星光小天王林宥嘉傳撻着，不過男女雙方都態度一致玩收埋，見面偷會又夠小心，相戀將近一年都係有聲冇畫，至週日（ 26日） boxing day下午出席完公開活動的 G.E.M.極速奔家，到晚上 7時，終於看見落了妝戴上眼鏡和口罩的小巨肺拖實一早在鄧家等候的林宥嘉從荃灣寓所步出過節，親密關係首次斷正。

溫馨拆禮物
下午做完公開活動時，笑到見牙唔見眼的 G.E.M.（右圖） boxing day跟男友見到面，就算只喺荃灣行街冇貴禮物冇名店， G.E.M.一臉冧樣，一對小情人戴埋情侶眼鏡仲全身黑，非常襯。

你（林）先放開！(真實對白)
女友嗌停︰大學讀體育及休閒系的林宥嘉蠻力扯記者相機帶時， G.E.M.高聲勸阻話：「你先放開好不好！聽我說好不好！」混亂中記者被抓傷手背。

你們不要再拍。(真實對白)
怒搶相機︰記者和 G.E.M.力勸，亦無法平復火爆的林宥嘉，攝影閃光燈亦因此跌爛。

忽然後襲︰一輪拉扯後，為在女友面前表現英勇一面，身材瘦小的林宥嘉以一敵三， 5呎 3都變小巨人，忽然從後撲向記者想再搶另一記者攝影機。

我不信你們（香港人）這套！(真實對白)
拑手批踭︰搶相機事敗，林宥嘉轉攻另一位手持攝錄機的本刊記者，其間施拑臂批踭必殺技，記者焗住硬食一招。

你相不相信我！(真實對白)
報警、報警、報警(真實對白)
拉埋勸交︰ G.E.M.終於拉埋林宥嘉一邊，勸佢先上寓所自己善後，「你先上去，你相不相信我！」但林宥嘉依然企硬向 G.E.M.大嗌：「報警呀！快點呀！」

警察調停︰直到警察和香港唱片公司人員到場，林宥嘉才平靜下來，願意賠償記者損失，雙方不作追究。

偷拆禮物

上月才推出新碟《 My Secret》的 G.E.M.近月一直忙於為新碟宣傳，人人以為她與林宥嘉上次見面已經是四個月前的「新城國語力頒獎典禮」。事實上即使身處兩地、工作繁忙亦無阻這對小情侶的熱情，知情者說：「佢哋成日瞞住雙方唱片公司，爭取時間偷會，月初 G.E.M.先抽時間去咗台灣兩日一夜見男友，今次林宥嘉啱啱平安夜（ 24日）先喺上海開完演唱會，返台前咪途經香港同 G.E.M.一齊賀聖誕囉！今次連佢公司都唔知 o架！」

樹熊掛頸
相戀一年聚少離多，難得見面二人還是像熱戀男女一樣，似足連體嬰。

入行前初戀男友及林宥嘉之間， G.E.M.曾經與有嶺南 Eason之稱的 Aaron拍拖，去年分手。

發狂台男

在 boxing day出席活動時， G.E.M.仍公開說：「聖誕同林宥嘉冇見面、冇短訊、冇送禮物，爸爸、堂哥就係男伴。」估佢唔到原來男友一早在家久候，二人的拍拖行動都集中在甚少記者巡視的荃灣區內進行，加上二人戴上眼鏡和口罩、穿起大褸和牛仔褲極平民，即使兩人全程又拖又攬又咀，肆無忌憚一樣成功隱藏於荃灣街坊堆中。拍拖期間兩人鋸完扒再睇埋娜姐激片《婚前試愛》，又在附近公園連體漫步足足 15分鐘，當兩人正準備上樓之際，冷不防記者上前拍照的林宥嘉，竟忍唔住出手搶相機。

成熟解放
出道兩年的 G.E.M.，除了巨肺唱得，亦出晒名身材好。

同場偷望
異地戀難得見面，今年 8月二人一同出席「新城國語力頒獎典禮」，林宥嘉忍唔住經常偷望 G.E.M.。

報警認衰

其間努力護花的林宥嘉表現熱血，又批踭又扯相機一輪推撞，嚇到本來企開一邊的 G.E.M.亦忍唔住高叫：「你冷靜點！」林宥嘉卻邊喊：「這是私人事，我是台灣人，我來做音樂，不想上你們雜誌！」又一邊提出要報警， G.E.M.情急下再說：「你先上去（ G.E.M.寓所），你相不相信我！」但林宥嘉依然充耳不聞，結果擾攘半小時，直到警方到場、其所屬香港唱片公司 Wow Music負責人到場，林宥嘉才被勸服。
冷靜過後，週一 G.E.M.說：「我係嚟做音樂嘅，希望大家淨係留意番我音樂上嘅嘢啦。」而林宥嘉則透過經理人回應：「他上週六、日在大陸演出，只是路過香港去找好朋友而已，他很欣賞她（ G.E.M.）的音樂，兩人在音樂上也有一些交流，當天攝影師突然衝出來，他被嚇到，才會有那些反應也是基於本能吧！」咀晒都係好朋友，其實音樂人都可以拍拖，唔使繼續講大話啫！

我來做音樂。(真實對白)
夾埋口供︰林宥嘉自稱「我來做音樂！」，週一（ 27日）， G.E.M.亦跟足口風話：「我係嚟做音樂，希望大家淨係留意番我音樂上嘅嘢啦。」

希望大家淨係留意番我音樂上嘅嘢啦。(真實對白)

平民價$721　 G.E.M.畀晒錢

G.E.M.同林宥嘉由晚上 7點於荃灣麗城花園女方寓所出發，行街食飯睇戲 5粒鐘遊勻荃灣市，真正只係使咗 721蚊，仲要全程由阿 G.E.M.埋單，呢個女友識得過呀！

19:00 Start

晚上 7點兩人手拖手由女家荃灣麗城花園步出，展開浪漫 5小時街頭漫遊。

19:40
Outback鋸扒$589︰兩人由寓所搭的士到愉景新城的 Outback鋸扒， 2人一碟沙律加兩客牛扒再搭兩杯飲品，盛惠$589，由女友 G.E.M.埋單。

21:40
圍頸巾︰食完飯臨出商場， G.E.M.仲好細心咁幫男友圍條頸巾，估唔到 G.E.M.人仔細細又識做廿四孝女友本分喎！

22:00
睇激片$132︰食完飽飽，小情侶搭的士去到荃灣另一商場荃新天地 II期的嘉禾戲院睇《婚前試愛》，又係阿 G.E.M.用信用咭預先網上訂飛畀錢！

《婚前試愛》有羅仲謙同周秀娜肉搏連場，睇戲期間兩人不時頭黐頭，佳節流流揀啲激戲睇， G.E.M.鬼馬喇！

23:20
公園漫步︰小情侶之後落咗去商場附近公園漫步，其間繼續連體攬頭攬頸，行公園咁浪漫，真係 19歲先會做。

23:40
忍唔住咀︰行完公園等的士返歸期間， 19歲 G.E.M.終於忍唔住當街攬住男友條頸就隔住口罩咀落去，少女情竇初開，係好難忍嘅！

台男多躁底

23歲情歌王子林宥嘉變臉發狂未算異數，其實包括周杰倫在內不少台灣情歌天王，台上深情台下愛蒲愛飲又火爆，狼過啲香港男星好多 o架！

積犯周董

在樂壇呼風喚雨的周杰倫一直是中港台記者追訪頭號目標，周董痛恨狗仔隊作歌唱衰之餘，多次在被追訪途中與記者發生推撞。

花心陶喆

緋聞多到爆又愛嗒奀茄，陶喆 08年初爆醉酒街頭連吻兩女，又因醉酒傷人兼拒捕，事後要開記招道歉。

逸臣射尿

《海角七號》男主角范逸臣愛飲眾所周知，經典作是醉酒當街小便、宿醉後更連上門叫起身的經理人都拳頭侍候。