8 の玩物

2010年10月7日

【轉】睇西安神醫　植入羊腸線　楊千嬅$4,000拮走 Pizza面

2010年10月7日

睇西安神醫　植入羊腸線　楊千嬅$4,000拮走 Pizza面
壹週刊
2010年10月07日

係咪好得先！設計對白
10月 5日　本週二，千嬅如常一早到四季酒店做 gym，離開時，素顏的她面頰明顯凹咗。

十月七日開始在紅館舉行婚前最後一個演唱會，聲稱要減二十磅上舞台的楊千嬅，瘦身成果明顯，面頰、手臂、小腿都一律大縮水。除了進行一系列地獄式運動，做 gym跑步，依從營養師設計餐單進食，原來千嬅還在黎明契姐介紹下，接受一位專程由西安來港的醫師做穴位「埋線」減肥，在全身穴位以針灸埋下一般做手術用的「羊腸線」，刺激穴位以達到減肥功效。
據知，比丁太還早一個月「埋線」瘦面的，還包括已為人父的張智霖。要瘦要靚，無分男女。

黎明契姐介紹

將於十二月二十日舉行婚禮的楊千嬅，另一重要任務，是本週四開始舉行一連五場婚前演唱會。
「始終係結婚前最後一個騷，正正式式進入人生另一階段，所以千嬅好緊張，一定要做到最好俾人睇！以前開騷，做 gym打拳節食佢一樣做齊，但係咁徹底嘅地獄式減肥，今次都算係第一次！」千嬅身邊人說。
上週六（十月二日），千嬅排完舞，由九龍城趕往尖沙咀 The One，為無綫《名人廚房》擔任嘉賓。當日所見，千嬅昔日的 pizza面已經無咗，連手臂、小腿都明顯消瘦。能夠在短短兩個多月內，成個人縮細超過一個碼，無啖好食外，千嬅還有神秘減肥法。
兩個月前，千嬅在黎明契姐介紹下，由一名遠道由西安而來的醫師，進行穴位「埋線」減肥。
「其實丁子高喺組 VRF前係個二百磅肥仔，佢都有好多另類減肥心得，但『埋線』減肥呢樣嘢，都係黎明契姐同佢講，初時聽到話要喺穴位下面埋入羊腸線（一般外科手術用）都覺得匪夷所思，後來經過了解，先知原來呢種針灸法喺國內早有歷史，五十年代上海，有軍醫用埋線方法治療長期痛症，而且羊腸線會自動溶解，對身體無害，所以丁子高先放心俾老婆試。」

10年 3月　 3月出席《志明與春嬌》首映時，千嬅身形脹爆， pizza面無所遁形，穿上 legging 的她，大小腿都非常粗壯。

千嬅為演唱會狂操，日日無啖好食，奶奶（左一）為怕她捱不住，採取連食三月冬蟲草攻勢。

埋線用的中空鋼針約 10cm長，羊腸線放在直徑 1mm的中空位置內，綠色部分是可活動的針頭，按下後羊腸線會被推出，鋼針用完即棄。

近日閉關為演唱會排練的千嬅，本週一仍俾面無綫，與林峯及周秀娜錄影《名人廚房》。

針灸晉級版

這個名為「穴位埋線」的減肥法，中醫學上稱為「定位針灸」，是針灸再晉級，一般針灸減肥是以針刺激穴位，幫助減肥，而「穴位埋線」，是將羊腸線植入穴位內，用羊腸線代替毫針，對穴位產生持續刺激作用，達致治療疾病效果，直至近年，才應用到減肥、美容方面。

羊腸線有風險

近期在中台兩地大熱的「穴位埋線療法」，是將可被人體吸收的生物蛋白線物質（俗稱羊腸線）植入穴位，使相應穴位可長時間處於被按壓和受刺激，持續發揮效力，令身體可在這種良性刺激下不斷調整和修復。而羊腸線即常用於西醫的外科手術線，兩星期便可完全被身體自然吸收及分解。穴位埋線法有疏通經絡，調和氣血功能，促進機體新陳代謝和調節各種內分泌的功效。
雅賢針灸院余德賢中醫師解釋，「埋線」針對局部減肥是個謬誤，身體虛弱者不能做，「埋線主要是醫病，減肥都可以。肥胖主因是食得多、郁太少、新陳代謝變慢、身體藏濕等難以消耗能量，造成水腫。在對應的穴位埋線或針灸，可調節胃口、促進腸道蠕動、排走宿便、減輕水腫。但埋線減肥必須配合調節胃口，如果埋線後大吃大喝，一定減唔到肥。」
人體有數百個穴位，例如風府穴最多只可藏半吋，下面就是中樞神經，刺長多過一吋便可致命；背部的肺俞穴也不可直插，只能斜刺，不小心刺穿會造成氣胸，風險唔細。

埋線鋼針
羊腸線

「呢位西安中醫師，本身喺大陸已經有好多客，香港亦有唔少長期幫襯嘅名人熟客，所以請佢嚟香港施針，都要一個月前預約，仲要有熟人介紹先得。如果只係減肥同一般調理，只係要喺身上三十幾個穴位施針，每次收費四千蚊。」知情者說。

日日到排舞室練舞，千嬅原本粗壯的小腿，神奇變得纖瘦。

三個月來每日操練三小時，千嬅在健身教練指導下，舉三十磅重啞鈴練氣，她揚言又辛苦又肚餓，只為應付十月演唱會。（《 FACE》圖片）

婚後，千嬅經常約朋友飯局，一時間體重爆脹十多磅。（《 FACE》圖片）

醫埋哮喘

早前忙於閉關為演唱會排練的千嬅，亦先後做了兩次「埋線」治療。
「黎明契姐一早話明，埋線要喺一個月內做兩次先有效，八月千嬅請咗個醫師落嚟，喺四季酒店 book房做咗第一次，見效果唔錯，九月先再做第二次，如果單靠運動節食減肥，千嬅瘦極都集中瘦晒喺上半身，下半身、大腿、小腿啲位一般都好難減，今次用咗『埋線』療法，效果好唔同！」
入行前做過護士的楊千嬅，向來主張健康，對減肥從不積極，以往亦有不少纖體公司打她主意，甚至開出幾百萬優厚條件幫她減肥，千嬅一樣無動於衷，今次肯嘗試「埋線」減肥，除了信任老公丁子高，亦因為「埋線」針灸，可以同時治療哮喘。
「張玉珊好多年前曾經出過三百萬搵千嬅減肥，佢都唔制，到公告天下話年底舉行婚禮，又有纖體公司搵佢，今次仲開到四百五十萬，佢依然唔肯。但過去一年千嬅哮喘經常發作，身體弱咗好多，丁子高於是提議佢試吓『埋線』針灸。」千嬅身邊人說。

年底舉行婚禮的千嬅獲得婚紗公司贊助婚紗相，一對新人同為婚禮積極 keep fit。

瘦身成功的千嬅，早前為《斗零踭》拍 MV時亦穿短裙晒腿。

千嬅幫無綫到日本拍特輯，其間與日本組合 Exile會面。

Kaws於香港擺展，丁子高在五米高的 Companion前留影， pose似足老婆拍 MV的動作。

親自平反

有關接受「埋線」減肥一事，楊千嬅直認有做定位針灸，但她強調與減肥無關，最重要是治療哮喘。
「針灸呢樣嘢我不嬲有做開，有兩個中醫師幫開我，一個喺國內，一個喺香港，但如果你話我用呢個方法減肥，就抹煞咗我呢三個月嘅努力，我一定要平反！
「我日日只係食烚雞肉、無油菜、兩粒無花果，一日最少做三個鐘運動，做得好辛苦仲好肚餓，呢三個月我都有食冬蟲草調理身體，我從來唔相信有免費午餐，唔付出努力根本唔會瘦，做呢種針灸，係希望醫哮喘，等個肺好啲，可能身體內外都平衡到，對我做運動同節食減肥都有幫助，但絕對唔係用嚟減肥！」千嬅強調。

Chilam都做

穴位埋線療法是針灸治療法的延伸版，除了調理身體，對減肥效果亦顯著；而面形較闊的張智霖，過往一直靠化妝師打陰影做手腳，但上鏡依然遮唔到，最後 Chilam亦是透過黎明契姐介紹，今年七月做了第一次埋線，八月份再做第二次，他更向身邊人透露，終於見到自己塊面有番輪廓。

09年

今年 9月（《蘋果日報》圖片）

瘦身男女

為了保住瘦身材，藝人用盡方法減肥，最實際的還是多菜少肉的減肥菜單，加埋每日 keep住做運動，要有恒心，才是最佳的減肥方法。

欣宜　滾水走油
由十六歲高峰期 230磅減到 130磅， 23歲的欣宜由營養師度餐單，早午餐以麥片及高纖蔬果，也有適量澱粉質。如要出街食，準備滾水走油。還配合狂做纖體機同日日跳 hip hop舞，三料齊下。

Sammi　梳打餅當飯
為了應付演唱會及拍戲， Sammi會進行地獄式減肥，一日三餐無飯無糖，午餐食兩塊鹹梳打餅，咖啡及茶不加糖；晚餐以蔬果為主。每日做 gym、跳舞達八小時，運動量極大，身上零脂肪。

華仔　戒紅肉
四十九歲的華仔向來有營養師跟身，不用開工也 keep得靚身形。撞正做演唱會，會瘦到雙頰見骨，但他對飲食非常講究，每天飲大量果汁，早餐及午餐牛奶、多士，戒凍飲，晚餐煎魚加蔬果搭少許肉食，但不可吃牛肉。他家中有先進設備的私人健身室， keep住每天做運動。

【轉】陪女友睇醫生　葛民輝左右逢源

陪女友睇醫生　葛民輝左右逢源
壹週刊
2010年10月07日

9/17 女友黎韋詩在中環睇完醫生，阿葛揸七人車接走她。

○六開始，葛民輝（阿葛）多次被拍得跟麥當勞高層黎韋詩撐枱腳海邊談心，雖然他只承認對方是「公事朋友」，不過緋聞愈傳愈犀利，阿葛要一度拉埋老婆區祖凝（ Mini）及兒子出席商台活動，做擋箭牌降火。
阿葛四年來左右逢源，記者日前又再發現他開工時間陪黎韋詩到中環睇醫生，反而老婆有病就自己搞掂。據了解，一直三人行的阿葛已下定主意，計劃跟老婆搞清關係，給身邊紅顏知己一個交代。

中環接送

上月中，葛民輝揸住他的黑色日產 Elgrand七人車，在中環皇后大道中附近不斷兜圈，未幾，跟阿葛情侶裝打扮及攞住藥袋的黎韋詩在Ｈ＆Ｍ門口出現，阿葛即校啱時間，停低車接走「好友」。
七人車直駛西環方向，最終於石塘咀停低，二人然後前後腳入茶餐廳醫肚，撐完枱腳，阿葛再揸車送女友返中環。途中，阿葛發現有記者，隨即以龜速慢駛，並突然改往摩星嶺方向駛去，務求撇甩記者，擾攘半個鐘，阿葛終於在中環放低女友，然後踩行油衝紅燈成功走人。

駛到西環，二人刻意分開幾個身位走入餐廳，阿葛更全程耷低頭避開途人目光。

在餐廳食足一粒鐘，二人離開返回中環。

派定心丸

過去四年，不時被拍得跟黎韋詩二人行的阿葛，每次都以「傾公事」做藉口，掩飾一切！據了解，「公事好友」黎韋詩即將被調職往新加坡麥當勞，阿葛於是向對方派下定心丸，表示將有所安排。
「阿葛話同老婆已經冇乜感情，兩公婆亦分床瞓好多年， Mini更加將全副心機放晒喺個仔身上，阿葛仲話等老婆同陪個仔去第二度讀書，佢就會搞清楚大家嘅關係，所以 Randy（黎韋詩）一直係咁等。」黎韋詩身邊人透露。

9/27
老婆 Mini一個人去銅鑼灣睇張惠賢醫生，之後再去 Sogo超市買餸，病咗都無人接送。

緋聞有影響

對於自己老公同「公事好友」黎韋詩枱撐腳及接送對方睇醫生，阿葛老婆 Mini回應冷淡：「有咩事，你問番葛先生啦。」
記者其後致電阿葛，他亦顯然有做好準備：「我知道你哋（記者）影我，日光日白同朋友食飯有咩出奇。（你同黎韋詩究竟係咩關係？）我哋關係平常。（你會接送啲關係平常嘅朋友睇醫生？）係呀，如果你係商台同事，就會知道我平日都會咁做。嗰日我要等埋佢一齊開會，咁佢唔舒服要睇醫生，反正都係要等，唔通我咁冷血叫佢自己去咩？（你同佢不斷傳緋聞，有冇影响夫妻感情？）梗係有，你哋打電話俾我老婆咪有影响囉。（你同太太感情有問題？）大吉利是。」
對「公事好友」呵護備至，相比之下，阿葛對老婆就絕對唔稱得上細心。

下午一點， Mini揸車到南灣接兒子放學，等到三點，母子倆才一起回家。

大細超

就在阿葛陪黎韋詩到中環睇醫生後數日，記者發現頭戴 cap帽，黑衫黑褲打扮的 Mini，自己一個揸車到位於銅鑼灣的恩平中心睇醫生，然後行過去另一邊的崇光超巿買餸，再返轉頭攞車，去湊仔放學。由於仲未夠鐘， Mini坐喺車內等足兩粒鐘，到三點才接到兒子一同返淺水灣屋企。老婆病咗冇人理，仲要買餸湊仔一腳踢，阿葛明顯大細超。

9/26
明知連日來有記者追訪，阿葛做大龍鳳，跟 Mini及兒子到灣仔食「一碗麵」，不過兩夫婦各有各到，阿葛之後也未有跟老婆返屋企，揸七人車離開。

軟硬即將在草蜢演唱會擔任嘉賓，阿葛日前出席記者會為對方造勢。

去年阿葛為林海峰棟篤笑做嘉賓，在後台突然暈倒，最後送院，他亦搞笑地將留院照拍低給觀眾欣賞。

來往四年

與正印妻子 Mini結婚 17年，葛民輝一直將妻兒收得密密實實，家事低調處理，直至 06年爆出與麥當勞高層黎韋詩來往密切，至今仍多次被傳媒撞破。

06年 2月
阿葛被拍到驅車載黎韋詩到聖士堤反灣，夜闌人靜，二人在車廂內望海談心。

06年 7月
二人到四季酒店密會，至晚上十一時才雙雙步出酒店，驅車離開。其後阿葛被傳媒追問二人關係時，他肉緊地維護緋聞女友，叫記者「唔好搞佢米飯班主」，又搬出老婆擋駕，堅稱老婆無嬲，並一早認識對方。

06年 8月
阿葛罕有地帶同妻兒出席麥當勞活動，黎韋詩亦在場，雙方表現避忌，招呼都無打。

08年 11月
二人齊齊到大坑大牌檔午飯，爭取時間短聚大半小時，便各自驅車離開。

09年 3月
有傳媒拍到阿葛親自接載黎韋詩往大角咀打邊爐消夜，之後再驅車環遊港島至凌晨時分。
合作無間
讀設計出身的葛民輝，除了做 DJ外，自組設計公司 Double X Workshop和自家品牌 4a出品潮人服飾，百足咁多爪的葛民輝，近年經常跟麥當勞合作。

設計 T恤
有自家潮服品牌的葛民輝， 04首次跟麥當勞合作，為麥記員工設計 T恤制服。阿葛將年輕潮流元素，用七種顏色配以 32個不同表情注入 T恤中，生產量只有三萬件。

搞節目
06年聯同商台跟麥當勞合辦《麥當勞 903 Fantastic Plug流行示範》節目，當中有不少歌手如陳奕迅、陳慧琳等參與，一連四十個星期日播出節目。

做慈善
06年開始，阿葛經常參與「麥當勞叔叔之家慈善基金」慈善活動，如慈善籃球賽、又獲委任為「麥當勞暑期青少年大使」領隊，於 08奧運期間帶隊做義工。

開音樂會
「軟硬天師」 06年重組開音樂會，獲麥當勞贊助外，阿葛與林海峰連續兩年為「麥當勞世界兒童日音樂會」任表演嘉賓。

拍廣告
經常為麥當勞廣告做旁白的阿葛和林海峰， 08年以「軟硬」的形象拍麥當勞新年廣告，又推出宣傳精品， 09年兩人再與陳奕迅、容祖兒同拍「 24小時麥麥送」服務電視廣告。

設計 T恤

搞節目

做慈善

開音樂會

拍廣告

蔡楓華@勁歌金曲：肥姐保佑我！

蔡楓華：肥姐保佑我身返勁歌

SF Track/Fixed Edit

SF Track/Fixed Edit from FonsecaFilms on Vimeo.

Danny Macaskill：Way Back Home

靚女教你睡前運動修身變靚法！

主題：睡前運動修身變靚法
簡介：淋浴後睡眠前，教你做修心又修身的床上運動，以最靚姿態迎接明天早晨！
日期：2010-10-07

蒼井空警署內慘遭輪姦

主題：蒼井空警署內慘遭輪姦
嘉賓：蒼井空
簡介：有「AV界胡杏兒」之稱的日本女優蒼井空，近年轉型當藝人，來港拍攝《復仇者之死》，扮演自閉少女與麥浚龍(Juno)發展純愛關係，卻慘被壞警員輪姦，電影與現實案件一樣咁激！
日期：2010-10-07

2010年10月6日

Longboard Girls Crew

2010年10月6日

Longboard Girls Crew from Juan Rayos on Vimeo.

【轉】充足睡眠有助消脂

充足睡眠有助消脂
2010年10月06日

節食減肥的人切勿捱夜，以免影響消脂效果。美國芝加哥大學一項研究邀請 10名過重的成年人參加，他們需在實驗室接受睡眠測試兩周，並跟從節食餐單飲食，第一周他們每日可睡 8.5小時，第二周只可睡 5.5小時，結果發現兩周減去磅數相近，平均每周減 3.5磅，但首周有一半磅數是減去脂肪，但第二周睡眠不足時，卻主要減去肌肉，顯示充足睡眠是消脂竅門。

【轉】14 歲整容　哈囉喂魔女全身假嘢 ﹝有片︰直擊哈囉喂魔女！！﹞

14歲整容　哈囉喂魔女全身假嘢
Face
2010年10月06日

Enjel話自己嘅 34C方形胸就係僭建：「爸爸開頭都好反對，不過我性格好固執，之後就由佢幫我決定，隆入凝膠喺胸部，我哋都好滿意個結果。」

一年一度哈囉喂，海洋公園新廣告又變城中熱話，皆因廣告中魔女又唱又跳好養眼，「龍婆」羅蘭姐都俾佢搶晒鏡。
個個留名話等睇女主角鬼后真面目，查實索魔女叫蔡恩真嚟自韓國，索樣執過唔算爆，最爆係佢老豆就係整容醫生，蔡恩真（ Enjel） 14歲開始整到家 28歲，眼、鼻、胸長執長有，冇樣係真。
雖然 34C都係流嘢，不過齋睇夠過癮咪得囉！

互動片段

 直擊哈囉喂魔女

踏入十周年，海洋公園哈囉喂新廣告標榜係十年最高成本最強陣容，不過除咗壓軸過鏡嘅影后羅蘭姐，女主角竟然唔益自己友，由韓妹蔡恩真演出。雖然個妝又厚又誇，都難逃討論區宅男法眼，個個讚樣靚身材正，跪求起底咁話。

超晒齡

其實韓語拼音叫 Enjel嘅蔡恩真， 17歲就喺韓國出道，與兩女組成女子組合 CLEO，出過四張唱片。 07年以獨立姿態再出個人專輯，今年由香港經理人公司吹雞來港發展，不過唔係拍戲又唔係唱歌，而係做 model：「我覺得香港 model中，周秀娜好性感， Jessica C.睇唔出警鐘胸喎！不過我就唔想同佢哋比，始終年齡差好遠！」

Enjel承認現時有個拍拖多年的台灣中韓混血兒男友（中），因為男友關係， Enjel在台灣有徐若瑄、房祖名等不少圈中朋友。

一早認咗加過工，年中 Enjel在活動遇上被質疑後天發育的 36E趙碩之，邊對係真咪要考大家眼光。《蘋果日報》圖片

從小執

28歲至喺香港起步未算激，蔡恩真更大膽係承認自己整容隆過胸，仲要第一次手術喺 14歲：「爸爸係整容醫生，不過我嘅手術就唔係佢經手，佢問清楚我意見，然後再介紹有信心嘅同行畀我。整容喺韓國好普遍，好多女仔十幾歲未發育就整定添！既然做手術會令自己有自信，我覺得應該要做囉！」但問到她邊度整過時，蔡恩真說：「認咗就夠嘞，唔想講太多，始終香港人比較保守。」
一聽講話俾港男封做女神，魔女好識做：「其實我都好鍾意香港男仔，比韓國男仔細心體貼錫女朋友囉，我希望第時個老公都係港男嚟 o架！」唔知邊位電車仔有幸試到假嘢呢？

死樣熱
哈囉喂廣告現時每晚熱播，唔少網友都話一開波就係棺材蓋打開、 Enjel嘅流血死樣好不安，不過都有人話佢個死樣算靚。

跳鬼舞
歌星出身嘅 Enjel話跳舞唱歌冇難度，鬼后頭飾最攞命：「拍完十幾個鐘，膊頭好痛！呢個係我一世人戴過最重嘅頭飾，不過好靚好特別！」

娘爆組合
17歲出道嘅 Enjel做過女子組合 CLEO成員，又出過個人唱片，不過發展麻麻：「今次喺香港同內地發展如果唔太好，我已經計劃過會轉行開 cafe。」

99厚粉
現年 28歲嘅 Enjel樣貌與 10年前已經兩個樣，不過早於 14歲進行第一個割雙眼皮廣告， Enjel嘅真實樣貌已經無法考究。

10清純
姓名：蔡恩真（ Enjel）
年齡： 28歲
出生日期： 1982年 3月 8日
身高： 5呎 7吋
體重： 106磅
三圍： 34C（隆胸後由 A變 C）、 24、 34

創意有限

海洋公園哈囉喂十年慶，園方發大嚟搞，大手筆投資 8位數字宣傳，製作特輯更自吹集合全港最勁創意團體鐵三角導演 Jacky Lee、音樂總監伍樂城及舞蹈總監 Sunny Wong打造廣告。不過就有網友踩首主題曲旋律同畫面都以足美國歌手 Ke$ha歌曲〈 Take it Off〉，導演 Jacky回應：「首歌係伍樂城全新作，咁樣指控就唔太公平囉！ dance beat係咁，咁都話係抄，咁 Lady Gaga咪又係首首歌都差唔多！」咁又講得有道理嘅！