2011 o靚模新人王 馬瑙全裸跑出
Face
2010 年 12 月 7 日
女神接班
警鐘胸Jessica C.話要升呢殺入荷里活，唔好以為混血女神後繼無人，好彩其中國、巴西混血師妹馬瑙（Kate），最近空降香港接棒做新一代性感女神。剛剛20歲、擁有34D導彈身材的馬瑙、來港唔夠兩個月已密密接job，除擔正演出的KFC燒雞廣告電視日夜播外，最激更係上月袋50萬、以全裸姿態處女出任美容中心代言人。剝光豬一鋪晒冷，一班香港o靚模真係要睇餸食飯啦！
Profile
年齡：20歲
三圍：34D/23/36
身高：5呎7吋半
國籍：巴西
巴西出世、爸爸係中國人，媽媽係巴西人的馬瑙，因輪廓標致又上鏡，14歲已被日本星探睇中，空運到日本模特兒公司Satoru，與同樣係mix嘅Jessica C.做同門師姐妹。
有讚有踩
全裸唔清場
05年已進軍日本做外勞，但馬瑙因多擔任女性雜誌的美容或時裝示範的紙上模，一直彈唔起，好彩今年終於被日本通王友良及model公司Jamcast睇中，夾份引薦她來港發展。
馬瑙勝在個樣鬼鬼哋兼五官標致，最煞食係34D魔鬼身材唔怕露，難怪10月中攻港搵食後，即被「Collagen+」醫學激光護理中心中，出任新廣告代言人。雖然要全裸上陣，但馬瑙自爆當眾剝衫唔尷尬：「拍攝時係有男工作人員在場，但就冇要求清場，因為班工作人員好照顧我感受，成日同我傾偈，所以剝得好舒服。」據稱事後廣告商大讚馬瑙好專業，還增多5百萬宣傳費，誓要打造她成為新一代性感女神。
笑港模扮o架妹
身為90後，馬瑙性格其實勁爽直兼貪玩，影相期間發現影樓有一塊滑板，她即刻飛撲去要踩番轉。樣靚身材好兼易話為，令馬瑙搶走唔少港模飯碗。口直心快的馬瑙更笑港模，既冇身材又冇個人風格，「香港好多模特兒都模仿日模，冇晒個人風格，我嘅形象可以kawaii（可愛），又可高貴。加上身材比起好多港模優勝，最重要係有青春。」大敵當前，本地o靚模真係要諗計搶食喎。
A貨紀香：側田買飯畀我食
馬瑙攻港彈起，近排狂吸o架模的王友良，上月再引入貌似藤原紀香、曾擔任日本OL時裝雜誌《Can Cam》專屬模的小水彩來港發展。
27歲的小水彩，曾於日本拍過唔少廣告，但來港後多孖住王友良出騷亮相，雖暫時未有競爭力同港模開戰，但上圍亦有33C的她最近已被側田睇中邀拍新歌〈Saranghae〉（韓語我愛你）MV，佢仲爆側田對佢勁殷勤。「佢好gentleman，拍MV嗰日買飯盒畀我食。我覺得日模擺甫士同包裝都好過香港model，我家都積極出騷增加知名度。」
馬瑙擁有導彈身材已夠煞食，加上一對43吋長腿，唔只恨死班港女，亦令唔少港男流口水。
自讚形象多元化嘅馬瑙，影相當日自動波谷胸不特止，仲自備眼鏡做道具，好識表現自己。
提到同門師姐Jessica C.，馬瑙就讚不絕口：「Jessica人靚身材好，最緊要性格友善，好欣賞佢！」
對於o靚模女神周秀娜，馬瑙就直言：「唔知點解佢會紅。講身材，我都勁過佢啦！但佩服佢好勤力。」
香港狂吸金 全裸破冰
攻港馬瑙已剝清光玩破冰，為Collagen+拍平面廣告，挑戰一眾o靚模。
KFC啜指
新一輯KFC狂野香燒雞電視廣告中，雖然性感欠奉，但就不斷啜手指，好鬼誘人。
紙上模
攻日5年的馬瑙多做雜誌模，經常幫日本OL雜誌《MAQUIA》示範化妝。
日本做奀模 靠邊站
今年，馬瑙（左）就同新黑船Cica（右二）一齊拍Suntory維他命水廣告，不過Cica先係主角，馬瑙一直靠邊站。
經王友良搭路，上月初馬瑙即為時裝飾物品牌ans行騷。《蘋果日報》圖片
今年小水彩亦被Wacoal旗下的《PARFAGE》邀請做內衣模。
最近小水彩（右）就孖住馬瑙（中）及松岡李那以「良女郎」姿態，出席王友良新聞嘅「Razzle Berry」乳酪店開幕禮造勢。
個朵叫「翻版紀香」嘅小水彩自豪話：「我細細個已經好多人話我似紀香，佢係我偶像，似佢梗係開心啦！」
.jpg)
.jpg)
.jpg)
.jpg)
