【轉】陳鍵鋒按摩馬德鐘

陳鍵鋒按摩馬德鐘
2010年11月17日
Face

同馬德鐘浸喺同一個池嘅陳鍵鋒，一邊用對玉手按摩、一邊用深情眼神望實對方，殺死人咩！

一年一度用嚟氹客戶落廣告嘅 TVB《節目巡禮》，上週又嚟到。幾大小生花旦每人有幾套劇揸手，不過最搶嘅竟然唔係林峯阿佘陳豪楊怡，而係由馬德鐘謝天華陳鍵鋒加徐子珊主演嘅古裝劇《洪武三十二》。

我咁索！設計對白
馬德鐘近日俾高登網友封為「萬能 key」，貪佢個頭 key落邊個造型都 fit到爆！

劇集講明朝嘅宮廷鬥爭，飾演錦衣衛嘅謝天華會同多個女角有感情戲，短短分幾兩分鐘巡禮片段，已經見到天華分別同徐子珊、王君馨有床上戲，連由大小姐變婢女嘅馬賽都要露住背俾天華虐待，真係睇背脊都睇到飽啦！
除咗男女關係，《洪》劇嘅男男出浴戲都夠晒話題。其中一幕講飾演燕王貼身侍衛嘅陳鍵鋒幫燕王馬德鐘洗身擦背，雖然唔知套劇有冇交代兩人有唔尋常關係，但齋睇陳鍵鋒個溫柔到殺死人嘅眼神，唔知馬德鐘拍嗰陣有冇 feel到背脊寒一寒呢？

謝天華連搞 3女

分別嗒咗徐子珊同王君馨嘅錦衣衛謝天華，另外會同沈卓盈、江若琳有感情戲，導演真係明益佢。而徐子珊去到劇集中段就會死，有傳佢俾新人馬賽搶走唔少戲分。

徐子珊

王君馨

馬賽