【轉】備戰泰拳公開賽 吳浩康禁慾兩個月（有片︰吳浩康祕密練兵！！）

備戰泰拳公開賽　吳浩康禁慾兩個月
忽然一週
2010年12月10日

記者現場觀察，吳浩康練習時都毫不欺場，拳拳到肉，打到「啪啪」聲。

27歲的吳浩康（ Deep），入行多年，星路平平。 01年於「香港泰拳搏擊爭霸戰」中奪冠的吳浩康，近年重返拳壇，更於灣仔當泰拳私人教練搵銀，徒弟有十個八個。
為了「響朵」，他即將參與 12月 11日的中量級公開拳賽，挑戰散打冠軍。兩個月來地獄式訓練，吳浩康狂減 20磅之餘，亦禁慾備戰，養精蓄銳。他說︰「真係要『禁』（慾） o架！」

互動片段

• 
  吳浩康祕密練兵
  

吳浩康與拿督女莊思敏拍拖 5年，計劃明年底迎娶女友。唱歌事業上發展麻麻，他惟有另謀出路。吳浩康 16歲認識世界級拳手向柏榮，跟住對方練拳。早前，向柏榮鼓勵他轉做泰拳私人教練，並安排他參與公開拳賽，對手則是曾於 08年散打王冠軍徐廣耀。對於今次出賽，吳浩康信心十足︰「同對手實力差唔多，論經驗我就優勝啲。」
吳續說︰「我 11歲開始學打拳，由細到大都有個心結，覺得點解泰拳唔可以好似跆拳道咁，俾人感覺係健康嘅運動，其實泰拳拳手都係運動員，唔係爛仔。師兄向柏榮亦好支持我，希望藉今次比賽，可以推廣呢項運動。」當然，贏了今次拳賽，可以大大提高吳浩康於業內的知名度，為他吸引更多學生。他現教的私人班分為單對單個別教、一對四與團體班，每課一小時，價錢由 1千至萬二不等。

邊佪夠我抽﹙設計對白﹚

女友專踢下體
12月 5日，吳浩康開記招公布將打公開拳賽，吳大爆女友兼徒弟莊思敏練習時曾兩度踢他「咕咕」（下體），莊笑言：「佢叫我踢 o架咋。（你專攻佢下體？）我踢歪咗啫！」

打拳如人生

入行多年，吳浩康經歷不少， 04年的藏毒案令他事業跌落谷底，但打拳卻令他領悟不少人生道理，重新振作。「其實打拳就好似人生咁，有起有跌。雖然入行以來，好多嘢都係我自己攞嚟！但打拳可以訓練我冷靜，每次對打的經驗亦可以累積智慧、意志力同面對困難嘅能耐。打拳唔係衝動嘅人能夠勝任，一拳一腳，唔係用死力就得，要思考，瞬間決定下一步點做、用咩對策。」
為迎戰下周拳賽，吳浩康這兩個多月來地獄式訓練，除了日日跑步練拳，節食減磅外，還跟足職業拳手操練方法，禁慾個多月，留力比賽。他說︰「每日愈早起身愈好，因為要將早餐同晚餐嘅食物份量調轉。黃昏 6點後就唔可以再食嘢，又要戒口，唔可以食太多澱粉質，所以唔夠一個月我已經減咗 20磅。」
拳賽前要禁慾？他說︰「職業拳手都咁做，我唔係好刻意禁，但呢兩個幾月掛住練習，真係冇（親熱）。不過又真係要『禁』（慾） o架！」女友莊思敏話：「我冇所謂喎！（唔見面？）盡量出街囉！唔好喺屋企對住，見面唔係為咗搞嘢嘅！」

起飛腳
為了練踢腳的準繩度，吳每天練踢腳二百下。

練捱打
打泰拳腹部最易中招，所以拳手要練捱打，吳叫師弟企在他肚上，讓他做 sit up，強化腹部肌肉，令其腹部受壓度增強。

倒吊 sit up
呢個倒吊 sit up的動作，是體能與耐力的最佳訓練，每日起碼做一百下。

向柏榮藝人徒弟多

吳浩康同門師兄向柏榮，是香港唯一的世界級拳手，曾奪不少大賽冠軍，包括挑戰者拳王爭霸賽冠軍、 WMC洲拳王金腰帶冠軍等。現為拳館總教練的他，培育出不少香港拳王，亦有不少星級徒弟，當中張家輝、官恩娜、鄧健泓、李詩韻及泳兒等亦曾跟他學拳。
向柏榮評師弟吳浩康︰「識咗 Deep十幾年。佢好有天份，又夠勤力，屬於技術型拳手。佢出拳都好狠好快。至於其他徒弟，令我深刻啲嘅係官恩娜，可能佢有跳舞底，好快上手，女仔嚟講佢打得好唔錯。」

官恩娜（左）：「我覺得泰拳可以釋放壓力，仲可以修腰同結實拜拜肉。」

鄧健泓說：「我跟向柏榮練咗半年，學泰拳係諗住強身健體，出賽就唔會，因為好易受傷。」

平日斯斯文文的李詩韻，亦曾跟向柏榮練過泰拳，睇佢揮拳姿勢都有板有眼喎！

吳浩康今次的對手是現任消防員兼 08年散打王徐廣耀，亦是吳浩康師弟，兩人為是次公開賽打壓軸戰。

莊思敏好想去富豪飯局

主題：莊思敏好想去富豪飯局
嘉賓：莊思敏 Jacquline(1)
簡介：家境富裕的莊思敏，去慣親戚朋友的「富豪飯局」，但無緣參女星專享的另類飯局，大嘆唔知自己身價，真可惜！對於細妹莊思明慘被指係「豬扒港姐」，Jacquline居然話細妹的確醜到「有o的想打佢」，唔通妹姊翻臉？
日期：2010-09-27

莊思敏假胸回軟撼透 Bra浸大咪神

【轉】嚇窒男友 禁慾半年 莊思敏：佢嫌我硬 ﹝有驗胸片！！﹞

嚇窒男友　禁慾半年　莊思敏：佢嫌我硬
忽然一周
2010年09月10日




三點式首曝光
after　 C奶倒瀉奶
莊思敏隆胸後首度影三點式，毋須加墊就能造出胸湧壓迫感，「事業線」至少有三吋。

馬來西亞拿督女莊思敏，上月中公開承認隆胸升 cup，更親自披露整容醫生如何將四磅矽膠塞入乳房過程。經過驚心動魄兩小時手術後， A cup莊思敏搖身變成豐滿 C奶，更穿上三點式，狂晒事業線。

僭建雙乳重拾自信，但為防人造乳移位，莊思敏每晚都要改變睡姿兼不能做劇烈運動。

影響日常生活不特止，原來今次隆胸，更直接影響她和男友吳浩康的親密關係，雙方更被迫禁慾半年。莊思敏表示：「佢到依家都冇同我有親密接觸，仲嫌我個胸硬！」

互動片段

• 記者親驗莊思敏假大胸
  
  

今年 30歲的莊思敏，上月在兩邊乳暈底部開刀，塞入 4磅矽膠，令莊思敏由 A cup變 C cup，所需的手術時間只是兩小時。但原來隆胸後的護理期卻長達半年，醫生叮囑她除了要定時按摩胸部令肌肉變軟外，胸部更嚴禁被大力觸碰，亦切勿做劇烈運動影響肌肉發展。




before　 A級平地
莊思敏三年前亦影過三點式，可惜當時仍屬零波的她，即使加了墊亦毫冇睇頭。她說：「唔明自己嗰時夠膽見人。」《蘋果日報》圖片




after
躺臥敲警鐘




唉！只可遠觀……（設計對白）




早前莊思敏出席首映，撐男友吳浩康有份做的新戲《綫人》。不過為免搶風頭，索性包到冚。《蘋果日報》圖片




before　微波現排骨
同樣一個甫士，但莊的假胸依然響晒警鐘屹立不倒，她說：「個胸都會因地心吸力而向下墜，不過我仲後生，十年後至算啦！」《蘋果日報》圖片




上月 6日，莊思敏接受隆胸和割雙眼皮手術，之後更公開整個驚心過程，經過短短一個月，手術成果已漸見雛型。

男友嫌整得太大

C級人造乳被列為「保護區」，莊思敏最切身問題，莫過於影響她與拍拖四年男友吳浩康的親密關係，半年內只能眼看手勿動。據知二人亦有共識這半年內要全面戒色，避免男方情不自禁起來，會用錯力度。對此，莊思敏說：「呢半年真係要小心啲，好似足球員受傷都要休養半年唔俾踢波，不過我哋最近各自都多嘢做，佢又要返內地拍劇，唔係成日有機會見。佢到依家只係見過製成品一次啫！睇完之後第一句就嫌我個胸硬同太大。佢又問我個 size係咪大定，驚會再變化。其實佢到依家都未掂過我，話驚我胸痛，咁講都係錫住我啫！講真我喺呢方面唔係咁有需要！」男友正值血氣方剛，現在被迫禁慾半年，但莊思敏從未擔心過男友會曳曳越軌。她說：「男人去滾，唔會因為我隆唔隆胸 o架喎！」

女記者即場驗胸：唔夠腍

拍攝期間，本刊女記者親手觸摸莊思敏假胸，測試假胸的柔軟度，發覺其胸部還有點硬。女記者之後雙手輕輕托起莊思敏胸部，感到其胸部好墜手，略嫌重咗啲！




篤胸




托球






隆胸割雙眼皮不特止，莊思敏在訪問當日還表示仲想整白棚牙，話口未完，本周三（ 8日），記者就在她的微博發現她已經搞白咗棚牙。

歡迎記者驗 C奶

被男友彈胸硬，莊思敏解釋由於隆胸後頭兩周，胸部肌肉急速擴張，加上傷口未消腫，所以胸部質感略硬，「㩒落去好似㩒緊健康球咁嘅質地。」現時莊思敏需要每周到美容院搵人按胸兩次，令胸形自然，「醫生有叫我平時自己試吓按，不過我就冇乜心機，唔通右手揸住 mouse，左手按胸咩，咁咪會大細胸囉！我最多都係每晚沖涼嗰陣按幾下，我冇叫阿 Deep（吳浩康）幫我按呀，驚佢手勢唔好。」記者隨即向她要求親驗其假胸，萬料不到她無任歡迎，任摸唔嬲。
「我有好多同性朋友都摸過，依家同朋友食飯都係講我隆胸嘅話題，我選擇得公開就預咗俾人驗。」記者向莊思敏 C奶又篤又托，發現她的假胸依然未夠軟熟，亦略嫌重了一點，但就摸不出矽膠位置，效果尚算自然。她續說：「隆胸後一個禮拜，真係覺得負擔大咗，不過我依家已經適應咗佢哋嘅重量，跑一陣都頂得順嘅。」



莊思敏現在和思欣、思明（左）兩位妹妹同租住貝沙灣，她說：「佢哋都有摸過我個胸，都好滿意，不過我冇叫佢哋整呀，佢哋應有盡有。」

自爆真空行街

莊思敏亦自爆自從隆胸後，除體驗到有胸女人的着數，行騷不用左托右托外，更「乳」眾同樂，日日真空出街。「現在着衫超快，以前要因應唔同嘅衫，要將個 nude bra移位，又要黐膠紙，依家一除一剝就得。我諗我呢一年半載都唔使買咩新嘅內衣，戴胸圍亦唔使咩承托，普通嘅 bra就得，或者就咁貼乳貼，好似返番去以前讀書嗰陣，好 free。」

隆胸後升級待遇



莊思敏自言她的身材因隆胸後成為話題，她說：「上次 Kathy（周汶錡）見到我都叫我俾佢睇下。」

昔日莊思敏曾批評一眾 o靚模，如今她卻恃胸上位，似乎有點自打嘴巴。「我係好開心公開咗隆胸之後，多咗人噏得出我個名。以前出席一啲公開場合影大合照嗰陣，多數都俾人安排企喺後排，依家咪行前多一兩步囉！不過我冇諗過因為隆胸而要啲咩名成利就，亦冇話要加價。今日唔知聽日事，或者下個月又有人隆得勁過我。咁當然呢排大家咁關注我個胸，冇理由收到咁埋。」

隆胸令莊思敏聲名大噪，但最令她感到欣慰，是外間對她的評價尚算正面。「喺香港隆胸整容就好似犯咗彌天大錯咁，冇諗到大部分人讚我勇敢，冇去專登講啲難聽嘅說話去攻擊我。老實講，做完手術，出街都有啲麻甩佬由頭望到我落腳。不過亦試過有次行街，有幾個女仔走埋嚟，話『莊思敏，你好勁！』。嗰吓真係幾感動，一嚟佢哋識嗌我個名，二嚟原來我做呢件事（公開隆胸）其實都幾型。」

「不過就算有人話我，都冇得唔高興，咁我隆胸真係事實嚟 o架嘛！我好難要求所有人都接受我呢個決定，但我冇後悔過做手術。心口多番兩嚿肉，我依家先覺得自己似番個女人。每朝照鏡，都會特登望多兩眼自己嘅 figure，其他人講咩， who cares？」

啱嘅，最緊要咪整上癮啫。 who knows？

港男騷坐靚位



莊思敏是 TVB「港男」的常客，不過卻經常被安排坐尾排，冇乜人留意。自公開隆胸後，莊思敏在今屆「港男」選舉中，隨即被安排坐在一班名模的中間，司儀伍詠薇亦特登叫她逐一點評港男，升 cup又升呢。

乳暈敏感度不變

莊思敏隆胸後，要定時到診所進行半小時的胸部按摩，每周至少兩次。 Dr. Reborn專業醫生美學中心發言人陳小姐說：「一般會以指壓嘅方式，以撥嘅手法，喺胸部上逆時針向內按。經過專業按摩後，胸部喺三個月後就會好自然。」對此莊思敏說：「我依家傷口拆晒線，個胸部基本成咗形，亦都開始軟熟 o架喇！」陳小姐續指隆胸影響性生活是毫無醫學根據的說法，她說：「雖然喺乳暈開刀，但絕對唔會切斷神經線，只係建議半年內不宜大力觸碰胸部啫！」對此莊亦說：「乳暈的感覺同以前手術前一樣，好似出入啲冷氣大嘅地方，都一樣會飛釘，哈哈！」

升 cup賺 30萬

莊思敏隆胸隆出 noise，立即吸引不少客戶搵她出騷， TVB又有不少節目搵她做嘉賓，曝光率大增。單是隆胸後第一個月，便吸金 30萬。
婚紗設計活動 3萬
藝術品博覽會 3萬
Harvey Nichols時裝騷等 9個
合共 27萬
電影
葉念琛新戲客串 3萬
電視
TVB《 Big Boys Club》嘉賓




《蘋果日報》圖片




《蘋果日報》圖片




《蘋果日報》圖片




《蘋果日報》圖片