8 の玩物

2010年12月28日

WE RUN BOXING DAY 2010 video

2010年12月28日

WE RUN BOXING DAY 2010 from FLWRIDER tv on Vimeo.

Starting at Wan Chai Gap Playground.
Anticlockwise circuit of Mount Cameron via Middle Gap Road and Black’s Link.
Go Nike Runners!!!!!!

2010年12月27日

「翻版林志玲」周韋彤唔想做宅男女神

2010年12月27日

主題：「翻版林志玲」周韋彤唔想做宅男女神
嘉賓：周韋彤 Cica
簡介：有「翻版林志玲」之稱的內地名模周韋彤，擁有34E驕人上圍贏得「E奶女神」美譽，近日推出寫真集《Loving, Cica》挑戰性感極限，成功打入日本市場，更被宅男指達到「噴血」程度。但Cica最希望大家記得，佢真名叫周韋彤！
日期：2010-12-27

2010年12月24日

【轉】爆少年食神　溝大咪姐仔名單

2010年12月24日

爆少年食神　溝大咪姐仔名單
忽然一週
2010年12月24日

「少年食神」林澄光（ Michael），早前為無綫主持飲食節目《為食一條街》，憑住肥頭耷耳識食格成功入屋，但隨即被傳媒撕開真面目，指他充有錢佬呃老友錢，更指他速食拍檔高海寧，賤男本色表露無遺。
不過，識食肥仔又何止高海寧一個。本刊收到消息，早年已在娛圈打滾的 Michael，多年來憑出色口技獵女無數，人數水蛇春咁長，最新鮮熱辣名單包括曾搭上富豪老細的陸詩韻、車震女朱慧敏、風騷呂慧儀和拍過三級片的梁敏儀。俾 Michael金榜題名的女星身材個個惹火，食神確係好識食。
現年 36歲，外號「少年食神」的 Michael，被無綫欽點做《為食一條街》而火速升仙，鏡頭前自認識飲識食的他，嗒女招數亦同樣出神入化。「佢自細就鍾意認屎認屁，仲有鋪溝女星癮，不過佢做車行經紀，邊識咁多女星！通常都係借完車俾傳媒影相，同啲記者混熟咗之後，就佢哋介紹啲女星俾佢識，又話要約人出嚟食飯。同啲女星交換咗電話之後，就飛起個記者，自己再 call啲女星出嚟單獨再食過。原本佢哋有冇下文唔會有人知，不過佢鍾意嗒完班女就同啲 friend晒命，仲話覺得自己好威㖭！」知情人透露。

食完唱
陸詩韻坦言十年前已識 Michael，當時已經覺得佢好吹得。「我同佢拍《極速傳說》嗰時識嘅，跟住佢就約我食過幾次飯，佢把口真係好犀利，至叻吹水。」
佢至叻吹水！（真實對白）

玩完
有指 Michael早前曾送幸運車牌給梁敏儀，但兩個月後無故攞番，對此她表示：「佢之前係話俾我，不過轉頭話俾朋友用，我咪俾番佢囉！佢成日喺我面前晒有幾多身家，我仲以為啲車係佢，後來先知唔係。」
佢經常晒有幾多身家。（真實對白）

啃親
和 Michael食過幾次飯的李思蓓，狂數對方說話冇句真，更指他的集郵女星名單厚過黃頁，估唔到 Michael食女無數，被女反咬一啖。
佢集郵本簿厚過黃頁。（真實對白）

互嗒糖
據知，現時只有呂慧儀仍當 Michael係筍盤，互冧之餘，呂慧儀在《為食》的節目中，和 Michael打情罵俏，公然話知道 Michael鍾意自己。
我知佢鍾意我。（真實對白）

嗒唔到
朱慧敏向記者表示 Michael在食飯過程中，是君子一名。之後朱慧敏就向記者狂晒她現時男朋友有幾好，自己有幾咁幸福。
我食過下幾次飯！（真實對白）

吹自己有錢有面

女星做得娛圈，十個有九個挑通眼眉，不過吹水天下無敵的 Michael，經常在飯局中，吹噓自己在元朗有幾十架古董靚車兼家住半山，加上口才了得，不少一心想釣金龜等上岸的女星，都錯以為他是身家億萬的富二代。「 Michael溝得女星，門面功夫做到足，每次飯局都會着到身光頸靚戴十幾廿萬嘅鑽錶，又會揸架法拉利出嚟。食飯嗰陣有意無意滲自己屋企家底有幾勁，除咗開火鍋店，建築生意喺國內嘅廠有過千工人。佢仲話自己喺澳門賭場識唔少話事人，總之吹得就吹。不過熟佢嘅人就知好多都係流，啲車好多都係問人借，間火鍋店係掛名嘅。好多女開頭都中招，不過當知道佢充闊佬嗰陣就會掉頭走。」

被指遭 Michael速食唱通街的高海寧，強調對方只是拍檔，自己並非波大無腦。

少年吹神

「少年食神」林澄光在節目中，集集騷靚車兼吹噓自己識飲識食，呃到一班電視台無知姐仔落搭。不過這位吹神唔止專食靚女，呃錢手法亦層出不窮。

罪狀一　扮大股東呃錢

多得森美提攜， 36歲的中佬 Michael可以憑住「少年食神」牌頭入電台開咪。不過林不但冇知思圖報，更唔熟唔食，向森美自稱是名人飯堂東來居火鍋店的大老闆之一，並慫恿森美注資十萬入股。事後森美得悉林原來只佔 5%股份，於是二人當面對質。

罪狀二　入貨從中食價

Michael經常吹噓自己和街市肉檔東主相熟，可以買到肉質較佳的牛肉，於是成功得不少火鍋店股東委任為買手。不過就有指 Michael被澳門火鍋店「囍館」的股東踢爆，當時仍持有火鍋店股份的 Michael，入貨買牛肉竟然從中食差價。身為老闆都呃埋自己公司錢，招數真高。

罪狀三　借橋當秘笈

Michael在節目中經常介紹隱世美食，更吹噓自己和不少位處偏僻的食肆老闆熟絡，自稱由細食到大。 EO2成員 Eddie（右）睇唔過眼，踢爆林的覓食之路並非他親身經歷， Eddie說：「佢係高級古惑仔，把口呃得吓人。睇見佢做節目就火滾，話自己由細食到大，查實係我哋班 friend幾年前帶佢去食之嘛！佢仲唱過食過唔少女星啦，不過就唔方便講係邊個。」

攞正牌互溝

《為食一條街》最後一集， Michael專登再請呂慧儀任嘉賓，不過記者發現二人在節目中的態度相當曖昧，唔似拍檔咁簡單，擺明攞正牌互冧。

Michael帶住呂慧儀街頭搵食，但突然就出手搭住女方膊頭，難得呂亦相當受落，半分驚訝都冇。

跟手二人齊齊殺入花墟揀花， Michael主動揀花送俾呂慧儀，呂照單全收之餘，更笑住向 Michael撤嬌說：「我知道你鍾意我。」

最後呂慧儀和高海寧夾手夾腳做愛心蛋糕送俾 Michael，不過呂明顯發自內心 high到七情上面，把聲嗌到蓋過全部人。

早於 8月，呂慧儀和 Michael齊齊應邀任《超級遊戲掌門人》而認識，二人更一拍即合。

李思蓓：佢集郵本簿厚過黃頁

Michael每次「集郵」都有一條方程式，便是專揀在劇中經常做人情婦、二奶，現實中個底同樣花到七彩的二、三線女藝人，當中包括曾搭上監躉富豪曾文能和油王朱明的陸詩韻、車震女朱慧敏、次次大騷都超級暴露的呂慧儀和拍過三級片的梁敏儀。 Michael吼準一眾女星釣金龜心態，只需一味充闊佬，眾女便會輕易落搭。
早前透過經理人文狄認識 Michael的李思蓓，更大爆他唔熟唔食，「我同佢識咗幾年啦，食親飯佢都鍾意噏一大渣女星出嚟，邊個就唔好講啦，總之佢集郵本簿厚過黃頁啦。佢其實同啲豬肉最熟，唔熟唔食吖嘛，我啲朋友都叫我小心啲佢！」
女星慘成食神口中的美食，陸詩韻在電話中反應極大：「吓，我同佢食飯應該冇人知喎，佢連我都數埋？哈哈！咁多謝佢睇得起我囉，我知佢個人好吹得，至叻吹水啦！」
朱慧敏在回應本刊時則說：「我私底下係有同佢食過幾次飯，喺我印象中佢都係一個君仔嚟嘅。不過無論如何，我依家都有固定男友，我同男友感情仲好好添！」至於梁敏儀，則坦言以為對方大把錢。「同佢食飯，佢成日講自己有幾多身家，開頭我仲以為啲車係佢㖭。不過邊啲做得朋友，邊啲做得男友我會分得到囉！」

呂慧儀以為執到寶

陸詩韻今年九月，將她和 Michael食飯的照片放上微博， Michael更搭住陸的膊頭，態度親暱。

食神變吹神，更食完通街唱，女星人人自危，上述女星為求自保更紛紛與 Michael劃清界線。據知，現時仍懵上心口的，就只淨番呂慧儀一個。一直以為少年食神家底厚的她，為求實筍盤，早前在《為》節目中，公然和對方打情罵俏，更大膽露骨向 Michael說：「我知道你鍾意我！」，叫 Michael送花，而 Michael亦禮尚往來，在節目有意無意搭對方膊頭，肉麻當有趣。本刊致電呂慧儀，但致截稿前仍未回覆。

呃神騙鬼擺 TVB上枱

Michael在電話中，再三強調會在兩周前的《歡樂滿東華》，與其他總理表演煮嘢食環節，但綜觀整個節目，就只有薛家燕等人整三文治，而 TVB發言人亦證實當晚 Michael並無獲邀出席。

吹功了得的 Michael，除了向女星吹噓自己身家外，對傳媒亦左瞞右騙。兩周前，本刊記者曾約他做訪問，為他的古董車拍照，當時 Michael在電話中說：「吓，我架架都係百幾萬古董車，唔可以話揸就揸出嚟喎，到時揩花咗，實割咗我忽肉呀。（咁可唔可以去你車房影？）……唔得，佢哋擺晒喺元朗車房，我好錫佢哋 o架，依家我請咗三個人嚟服侍我啲車 o架。我屋企又住半山，來來回回要幾個鐘，我未必有時間喎。（你之前唔係同傳媒話你住紅山半島咩？）哦，嗰度係第二間屋。（其實影相只係需要一小時左右啫？）「真係唔得，因為我喺 TVB有個新節目。（咩節目？）……哦，係飲食節目嚟嘅，呢幾日我都俾 TVB hold起晒啲期，嚟近禮拜二至四都 09至 27，真係冇時間。星期五我要上大陸賽車，星期六又要做《歡樂滿東華》。你知啦，我要遷就啲總理，一係咁，我問吓秘書，睇吓 TVB要咗邊個時間再覆你。」事隔十分鐘， Michael致電記者：「哎吔！我問過秘書啦，話禮拜六全日都俾晒 TVB啦，真係冇時間同你做任何嘢，唔好意思！」隨即匆匆收線。
Michael說到實牙實齒，不過周三（ 22日）記者致電 TVB時，外事部發言人蘇先生表示：「以我所知，除咗之前嘅《為食一條街》之外， TVB嚟緊都冇任何節目俾 Michael做。（佢話有份做《歡樂滿東華》㖭喎？）我可以答你，佢肯定冇份做！」本刊事後致電 Michael，但其電話一直駁去留言信箱。
一百個大話冚一千個大話，講到自己都信以為真，其實 TVB最應幫 Michael開套《大話西遊》，肯定入型入格。

網友圍插

其貌不揚的林澄光，被指食完女周圍唱，網友均一致裁定他罪大惡極，部分網友亦同情女星的「慘痛」遭遇，更有網友狂鬧林食咗佢女神高海寧，總之報道出街後，少年食神形象即插水。

自從少年食神速食高海寧後，不少網友即態度 180度轉變，諷刺他識食。

身家成謎

「少年食神」林澄光其實並不少年，今年 36歲，並懷着 240磅身軀。這位「食家」是屋邨仔出身，童年時居於慈雲山慈正邨，到 1980年就搬往何文田俊民苑。林就讀陳瑞琪喇沙書院，自稱 91年畢業後接手父親建築工程公司生意。
有報道指其建築公司位於元朗崇山新村，周二（ 21日），記者曾到該處探訪。現場所見，兩層高的公司相當簡陋。正門分別掛有「 CMTTC（建造業機械技術訓練中心）」、「新成機械工程有限公司」及「恒昌重機有公司」。記者向接待人員蔡小姐查詢，正當記者提及「少年食神」時，蔡就隨即搭嘴說：「你係咪講緊林澄光呀！佢間建築公司喺二樓，同我哋唔關事。」不過之後又有一名老年男士踢爆上下層的公司都屬林，他說：「大家都係同一個老細，使乜另外掛招牌啫！做建築工程公司唔一定打開門做生意。」最離奇是本刊事後翻查三間公司資料，均發現林澄光並非該三間公司股東。