【轉】容祖兒御准 林欣彤 400 萬賣身楊受成

容祖兒御准　林欣彤 400 萬賣身楊受成
Face
2010年09月29日

一夜成名的林欣彤勝出前還素顏在房間接受記者家訪，現在則已經成為各大唱片公司爭崩頭的金蛋。

第二屆《超級巨聲》落幕兩週，冠軍林欣彤（ Mag）人氣繼續上揚，人人以為小巨肺被無綫縛死 8年當係寶，本刊獲得獨家消息，英皇以香港樂壇史上新人天價 4百萬，成功利誘無綫賣女！
以為英皇御准要睇老闆楊受成頭，原來還得靠金蛋一姐容祖兒開綠燈召新女入宮，背後無非為要擠走眼中釘泳兒同鍾舒漫。巨肺變小花，林欣彤賣聲之餘，可能日後要學吓點樣宮心計先得喇！
首屆《超級巨聲》由內地歌手王雯獲得，香港人點都難投入，所以全陀地嘅巨聲二班人氣高幾條街，尤其 20歲的 IVE學生林欣彤愈戰愈勇，唱紅 G.E.M.首〈 A.I.N.Y.〉再攞埋冠軍，一夜間成為全民偶像，面書支持者過十萬、 TVB官網人氣強過小生花旦，唱得又有觀眾緣，未出道已盛傳有 9大廣告商、兩部電影搵上門，各大唱片公司揸 fit人更加吼實。

要入英皇原來唔只靠老闆楊受成揼本，仲先要過大師姐容祖兒一關，據悉 Joey亦十分欣賞 Mag歌聲。

英皇高層吳雨承認對 Mag極有興趣，現階段正與無綫製作部總監樂易玲傾討細節中，不過大嗱嗱袋 400萬， TVB賣女冇手軟啦！《蘋果日報》圖片

上週六與關菊英等前輩演出《金曲擂台》，一廠內大半都係 Mag fans。一班「將軍澳吳尊」許廷鏗（左）得個恨字。

各大唱片開出的搶人條件中，以英皇同東亞最啱 TVB嘴形，不過又以楊受成一口價最得 TVB歡心，唯一斟酌係英皇開出要同 TVB共同擁有林欣彤的經理人合約，將來為林接 job有錢齊齊搵，免幫 TVB義務養女。

楊受成@英皇一口價
4年 400萬
*與無綫共同擁有經理人合約

林建岳@東亞簽 5年
首年 20萬，每年加 20萬
5年共 300萬

Win

睇錢份上

參加《巨聲》初，所有參賽者先要簽下協議，不論輸贏三年內不得參加同類型比賽、不得簽約其他娛樂公司，三甲勝出者更是除了無綫別無他選。
不過今屆情況明顯因為林欣彤有變，被網友熱捧聲靚、感染力勝過專業歌手的林欣彤，竟然被多間唱片公司出價力爭，部分企圖靠誠意打動的小型唱片公司早被無綫拒絕，最後只是東亞、英皇兩間龍頭娛樂公司之爭。據知東亞斟酌與林欣彤簽下五年合約，首年 20萬酬勞、再逐年加 20萬共 300萬已相當吸引，但都未夠英皇一口價 400萬 4年合約史無前例大手筆，誓要搶贏林欣彤。

處女搵銀
上週四（ 23日）， Mag與英皇一哥古巨基及名模 Amanda S.出席 Kiehl's護膚品活動，唔再係新人歌星仔。

Mag去到邊都有無綫工作人員專人傍實出席活動及應付記者。據知當日酬勞只係數千元。

問准一姐

今屆《巨聲》人氣高企，業內人士及不少藝人歌手都是 fans，未到決賽，英皇娛樂行政總裁吳雨已經公開表示主動搵過樂易玲傾合作：「睇電視已經覺得佢表現好好、有觀眾緣，把聲又好靚好有潛質，不過家只係商討階段，未講細節！」
據悉吳雨口中的細節，其實是未知英皇一姐容祖兒意下如何，原來祖兒亦一直有留意 Mag在《巨聲》中的演出，舉腳贊成英皇多簽唱得的女歌手，容一姐更曾在會上說：「要簽梗係簽啲唱得嘅返嚟啦！」獲得一姐首肯兼老闆正式拍板，吳雨才去馬與樂小姐傾細節。

上週六(25日)， Mag錄影《勁歌金曲》錄到深夜 11點，一樣駐足在無綫門外同 fans吹足半粒鐘水才坐廠巴轉車出旺角。

從旺角轉乘的士回大埔寓所，唔夠錢的 Mag要急 call做運輸工人的林爸爸下樓找數。

鏟除異己

據知情人士透露，唱功了得以外， Mag年紀小、經驗淺，由容祖兒御准加入英皇後，理所當然埋自己堆，最重要的，還是能趁勢鏟走泳兒、鍾舒漫兩個眼中釘：「泳兒恃住楊生錫又唱得，竟然喺公司挑戰祖兒擺一姐款，佢哋兩個不和好耐！所以祖兒同英皇續約，首要條件就係泳兒入冷宮。而全公司個個埋祖兒堆，係鍾舒漫黐泳兒，梗係當佢哋兩個係同黨啦！泳兒同鍾舒漫兩個不嬲搵唔到錢，已經危危乎，簽咗 Mag返嚟， 2011預算案一定係集中資源力谷，唔會有錢剩畀泳兒同鍾舒漫出碟，咁咪可以鏟走眼中釘囉！」
一舉兩得之下，一姐祖兒舉腳贊成簽小巨肺，現時還未落筆，是因為英皇提出要與無綫平分（共同擁有）林欣彤經理人合約的要求，尚在拉鋸之中。不過錢最親嘅無綫，睇怕好易妥協。

連續兩週，林欣彤去到邊，包括坐巴士返學，都有大批傳媒護駕。

至於家庭主婦林媽媽，週一（ 27日）對女兒以 400萬賣身英皇的事表示不知情：「我唔知，佢啲嘢我唔理。」

紅透無綫

人氣急升的林欣彤決賽晚以大熱姿態獲得冠軍，兩週以來所到之處都是焦點， facebook多個群組粉絲累積過 10萬，而 TVB官網累積瀏覽人次逾 170萬，連無綫藝人 blog排行榜都力壓佘詩曼、林峯等當家小生花旦名列第一。

一姐只得一個

《蘋果日報》圖片

出道 10年的容祖兒是英皇第一代小花，又是愈戰愈勇的樂壇天后，兼且係英皇金蛋，老闆楊受成、金牌經理人 Mani錫到燶，師妹師弟個個爭埋堆，惟獨泳兒斗膽自認一姐、鍾舒漫敵我不分，成為一姐眼中釘。
近年泳兒和鍾舒漫投資多但回報率少，可以賺錢機會微，加上兩人唱片的銷量也是 5,000左右，冇肉食。

泳兒︰我都有睇 Mag唱歌，好好聽，佢簽英皇咩？未聽過喎……佢入嚟我冇得留低？我諗冇關係嘅，大家歌路都唔同！

鍾舒漫︰阿 Mag唱歌好西化，好獨特，但我就冇聽過佢會做我師妹囉，做好自己本分，我唔會諗會唔會因為佢自己就冇得出唱片……

賣女經典

1998年，年僅 18歲的張栢芝從澳洲求學回港，被朱永龍發掘簽為旗下藝人。甫出道即演出檸檬茶廣告再被周星馳睇中出任《喜劇之王》女主角，迅速成為歌影紅人， 03年栢芝與朱永龍鬧翻對簿公堂，一年後達成協議停止訴訟，有傳是栢芝靠向太（中國星）出手，出價 400萬贖身費才讓朱永龍放手賣女。

《蘋果日報》圖片

《蘋果日報》圖片

新人天價

G.E.M.鄧紫棋初入行使費，一樣要向經理人張丹借。《蘋果日報》圖片

依照常例，香港樂壇新人由簽約計起，受訓、化妝、髮型、置裝及交通一概先由公司墊支，賺錢後再攤還。今時今日唱片市道差，新人就先靠出碟打響名堂，拍廣告、拍戲、登台、出席商場活動才是收入來源，為保利潤，現時多數唱片公司同時擁有藝人經理人及唱片合約，林欣彤未出道，無綫已隨時收英皇 400萬賣女費，經理人合約仲要同兩家攤分，咁林欣彤就預咗未來四年年中無休搵銀，英皇先回本！

37° 58' N 23° 43' E

"37° 58' N 23° 43' E" from ken adams on Vimeo.

37° 58' N 23° 43' E 的位置原來係希臘︰


檢視較大的地圖

唔買 Canon 60D 既理由

唔買 Canon 60D 既理由︰

1. 9 點十字型自動對焦點，同 Canon 50D一樣，冇進步！
2. 連拍速度只有 5.3 fps，比 Canon 50D 既 6.3 fps 慢…
3. 塑膠機身…
4. 數碼影像處理器係單 DIGIC 4…

10件死前必試的性事（二）

主題：10件死前必試的性事（二）
簡介：公園做愛？激玩BDSM？被強姦？比之前五件更激性事，大膽揭露！
日期：2010-09-27

援交少女有得揀？

主題：援交少女有得揀？
嘉賓：畢國智、邵家臻 、謝紀良、曾國祥、援交少女May （化名）
簡介： 後生最緊要有say，我的身體我話事，但係一個萬事向錢看的社會，身體有幾多成係屬於自己，屬於個人？
日期：2010-09-28

邊做床上運動邊修身

主題：邊做床上運動邊修身
簡介：床上也可修身？一個動作減幾百個卡路里？睇片即學啦﹗
日期：2010-09-28

Rudy Melo for Leader Bikes

Rudy Melo for Leader Bikes from Angus sung on Vimeo.

Vienna示範 飛機大法！！海綿 + 啤酒！？

Basics 越野登山車基本平面技巧練習-豚跳篇BonnyHop

flowMTBstyle - Bunnyhop 基礎豚跳示範 from TeamFreeBike on Vimeo.

Ryan and Cody

Ryan and Cody from Sam Tolhurst on Vimeo.

【轉】亞姐孖妹導彈 嬌人身材！

孖妹導彈
忽然一周
2010年09月24日

1號　楊晴　 35D
當中最養眼都算祖籍湖南嘅孖妹楊晴同楊晶，佢哋今年只得 19歲，係標準舞教師，唔怪得信心爆棚，兩個夠晒養眼，擺盡 S甫士。

一年一度嘅亞姐選舉又嚟，以往以澎湃身材見稱，今年亦唔例外。周日（ 19日）， 19位佳麗進行第二輪面試，大會仲安排佢哋以三點式泳衣示人，當中不乏導彈級人馬，好似 1、 2號孖住參賽嘅「巨乳孖寶」夠晒突出，而陪跑一族亦出盡法寶，連粗髀巨腩都出晒埋嚟，真係少啲心血都嚇親！

2號　楊晶　 34C

6號　何丫
現年 23歲嘅四川姑娘何丫，喺溫哥華賽區冠軍而晉身複試，自信心爆燈，唔單只自爆 34C、 24.5和 35.5吋驕人三圍，仲用普通話說：「我對自己的樣子和身材都有信心。」

妖獸出擊

17號　黃葵恩
唔少亞姐揀大泳褲， 18歲嘅黃葵恩玩突出，佢嘅小三角褲夠細之餘，仲加條繩紥住腩肉，問你死未！

紮腩

7號　越雅楠
大隻妹越雅楠認真巨形，膊頭橫到可以去打美式足球，不過一擰轉身， pat pat居然冇乜肉，真係古怪。

冇 pat

16號　張頌恩
22歲嘅張頌恩，上身算係平均，不過下身完全唔合比例，可以擺足 4圍酒，屬下盤穩陣派。

巨躉

3號　吳曉妤
外表怕羞嘅吳曉妤，鬼咁驚青，一行出嚟成個人硬晒咁款，連下體現晒形都唔知。

現形

University Nike Icon (Dare To Be UNI Runner Version) (Hong Kong)

University Nike Icon (Dare To Be UNI Biker Version) (Hong Kong)

Poly U 因咩嗟事跳跳跳 ！！ Nike 新廣告

University Nike Icon (Dare To Be UNI Free Runner Version) (Hong Kong)

【轉】周圍賒借還俾甄穎珊 陳樂榣：我同佢再冇拖欠

周圍賒借還俾甄穎珊　陳樂榣：我同佢再冇拖欠
忽然一周
2010年09月24日

最初陳樂榣表示因受公司壓力而不便回應，其後說到甄穎珊向外唱她，陳就無名火起，最後更公開入數紙證明自己還咗錢。

出道四年的整容三嬌 Freeze最終因財失義，近日陳樂榣被爆借甄穎珊錢唔還。雖然甄穎珊事後澄清二人冇為錢反目，但據知甄近日多次向陳發短訊追對方還錢，加上欠債報道出街，令經常呻窮的陳樂榣最終要周圍問朋友和舊同事借錢，再還錢俾甄穎珊。
周二（ 21日），陳樂榣向記者展示入數紙，更眼泛淚光說：「做唔到朋友都算，總之我同佢再冇拖欠！」
整容三嬌 Freeze明年一月便與蕭定一旗下的「一元製作」約滿。已立定決心從良教畫畫的陳樂榣，原來多年前曾向拍檔甄穎珊借了幾萬元，作為供細佬讀書的費用。不過事後有人指陳有錢買衫冇錢還債，兩姊妹最終為錢反目。

承認未按時還錢

本周二（ 21日），記者到陳樂榣任職的畫廊訪問她，起初她不願接受訪問，「唔好意思，公司叫過我唔可以再講，總之喺呢件事上我學咗好多嘢，睇清楚好多人。」今次事件爆煲，全因陳樂榣今個月未有按時還錢，她亦承認自己理財不善，並向記者解釋當日向甄穎珊借錢的情況。「數目真係唔講得，我不嬲都要孭起老竇啲舊債，又要供細佬去台灣讀書。嗰時係佢（甄穎珊）主動話借錢俾我，佢話啲錢擺喺銀行冇息收，所以借俾我賺啲利息。我呢個月的確係遲咗還錢俾佢，不過冇諗過件事咁快會通天。」

《蘋果日報》圖片

陳樂榣（左）和甄穎珊出道時搭晒膊頭，以姊妹相稱，怎料最後因財失義。本周甄和石詠莉更飛起陳樂榣出席中秋節活動，甄在活動上擺明有你冇我，她說：「我同佢（陳樂榣）只係 hi bye friend。」

入數紙清楚寫明收款人為甄穎珊的英文名 Yan Wing Shan，總數為一萬五千元，過數日期是本周一（ 20日）。不過周三甄穎珊在活動中表示陳仍欠她 5位數。本刊記者致電甄，她即轉口風：「其實佢都真係還晒！」

三嬌賣肉多年，可惜撈極唔起，已落實玩到出年 1月拆夥。恨做歌手的石詠莉續約繼續發明星夢，甄穎珊則轉戰飲食界和朋友夾份賣糖水，而陳樂榣就從良教畫畫。

收追數 SMS

為了代父還債才去整容組成 Freeze的陳樂榣，年初已為自己鋪定後路，在中環和灣仔開班授徒教畫畫，下月更舉行慈善畫展。《 Face》圖片

曾經出手相助的甄穎珊，據知近日忙於搞甜品屋生意而性情大變，經常聯同另一成員石詠莉孤立陳樂榣，更周圍唱陳樂榣離隊唔撈。知情人士說：「甄穎珊經常同老闆蕭定一私自開會，話唔好再簽 Alley（陳樂榣），又同人講話以後啲 job淨係安排俾佢同石詠莉就得。 Alley知道仲點有心機撈落去。」另外甄穎珊為了逼陳樂榣盡早還清債，近日更多次 send「再唔還錢後果自負」等威嚇性的 SMS給陳樂榣。
記者向陳樂榣提及 SMS一事，她說：「我哋最近都係以 SMS聯絡，內容當然唔講得。我都聽過有人話唔需要安排 job俾我，但我覺得呢啲嘢唔係由藝人決定，如果客戶真係咁選擇，我都無話可說。」
對於欠債一事，陳樂榣坦言：「啱啱入咗數俾佢啦，仲用 SMS通知咗佢！我同佢做唔到朋友都算，大家仲係同事。」
記者追問陳樂榣錢從何而來，她解釋自上星期報道出街後，便有不少朋友和舊同事主動慰問，「啲錢我都係借返嚟，唔想件事愈搞愈大。總之我同佢再冇拖欠，做嘢一定會同佢見面，邊有得諗尷唔尷尬。」經記者多次游說下，陳樂榣最終向記者展示兩張櫃員機入數紙，收款人係甄穎珊，款項合共為一萬五千蚊。