2010年3月31日

(有片有圖) 1萬蚊硬啃 Ekids Tommy MV 床戰 LAVINA:好想喊!

2010年3月31日



床上濕車
Tommy同 Lavina如入無人之境, Tommy話:「拍呢場大家都好投入, Lavina亦交到戲,大家覺得我狼,咪即係拍得好囉!我知好多人話我似曱甴,點都死唔去,我唔介意人哋咁講,我計劃緊 E-Kid's重組 o架!」



永冇底線
1萬蚊硬啃床戰  LAVINA:好想喊!




打正旗號靠剝搵快錢嘅 Lavina(鍾蕙芝),自飛甩洗底轉型 Rainbow(胡心諾)後市場大萎縮,惟有愈去愈盡博反彈。
要收復失地, 22歲 Lavina更實行益街坊,以 1萬蚊幫前 E-Kids成員 Tommy(阮民安)拍咗個超激 MV,剝剩底衫褲不特止,仲喺床上碌來碌去濕吻兼要捱 Tommy狼爪,玩到咁盡,委屈到想喊嘅 Lavina話:「要畀其他導演知道 Lavina其實好多嘢都肯做。」傻女,拍殺人戲都唔使真係殺人 o架!
早前 Lavina着住性感束胸衫孖住林雪同 MC Jin幫 Tommy新歌〈 Men's Talk〉拍 MV,咪以為 Lavina扭吓跳吓交行貨,查實 Tommy仲秘密搵咗 Lavina拍另一首慢歌 MV,搞埋床上激戰先係好嘢!


手多多
難得 Lavina咁配合, Tommy隻手仲輕輕搭住佢敏感部位, Tommy話:「咁激情係咁 o架啦,都係拍戲啫!」


摸 pat pat
除低婚紗冇裙襬阻住,順手摸埋落 pat, Lavina話:「其實我想話畀人聽,我都可以拍戲,希望有人留意我演技啦!」

忽然好驚
MV最激嗰段係講 Lavina試谷胸婚紗畀 Tommy睇,望住三圍 34E、 25、 36嘅 Lavina,就快 30歲嘅 Tommy睇到起晒火到要一邊濕吻一邊隻手唔規矩。又要剝又要捱抽水, Lavina今次都係收友情價 1萬蚊搞掂, Lavina話:「我唔覺蝕底呀!之前我仲畀香口膠 Tommy食,點知到埋位時突然間好驚、好想喊,當時自己講『唔好俾心理關口攔住自己,要畀其他導演知道 Lavina其實好多嘢都肯做同做到』最後兩三 take就拍完喇!」
Lavina要過心理關口博有電影導演睇中,着數晒 Tommy就笑住話自己都有生理關口要過:「酬勞幾多唔好講啦,總之有 5位數字合理啦,我聯絡 Lavina佢好快就應承嘞,首歌暫時未有歌名,個 MV都應該激到出唔到街,不過會喺隻碟度附送囉!今次全力反擊啦,成隻碟用咗 7、 8萬蚊,我成副身家啦!」兩個都要博一鋪,咪益晒班鹹濕仔囉!


秘密添食
故事講 Tommy同 Lavina本來諗住結婚,但前一晚 Tommy發現 Lavina偷食,所以出現呢幕 Tommy懶唔願意樣,噓爆!


激 MV頭炮
之前 Tommy仲搵咗 6位模特兒着睡衣拍〈 Men's Talk〉 MV,意識形態十足金魚缸, Lavina(箭嘴)喺呢個 MV內雖然只係客串,不過一物兩用都算抵得諗喎。



專攻 o靚模
Tommy一向鍾意搵 o靚模合作,早前就請咗女神周秀娜拍〈一世朋友〉 MV,仲要玩到面貼面懶深情, Tommy話:「我都有考慮過 Chrissie嘅,不過今次想有啲新鮮感,所以搵 Lavina囉!」

Lavina交投淡靜
Lavina之前搏到盡,上年勢勇頻頻出騷搵錢,可惜佢胸前條事業線幾長亦睇到盡,加上今年同 Rainbow拆夥後連孖妹誘惑都冇埋。由 2010年頭至今, Lavina除咗年初有兩個西九龍中心活動收到 2萬蚊外,其餘都係去首映襯吓就算,不過 Lavina話:「唔係冇 job接,而係準備緊新嘅寫真集,出埋呢次應該會唔再性感,準備改形象拍戲。」不過形象呢家嘢,好難改喎!



孖妹拆夥
早前 Lavina拍住師妹 Rainbow,為本刊谷胸戴假髮孖住最後一擊,之後就同 Rainbow各行各路, Rainbow話出唱片,唔知又幾時成事呢?



今年 1月份, Lavina為 ATV節目《財神到》做嘉賓,亞視出名冇水,所以得封 50蚊利是仔, Lavina仲要帶埋化妝 set頭、助手、經理人一齊去, ATV喺大埔咁遠,倒貼呀?《蘋果日報》圖片

MK Tommy溝女勁
咪睇 Tommy染金毛又着窄腳褲成個 MK仔咁款,查實佢溝女好有計,連林小明愛將江若琳同曾經喺電車界叱咤風雲嘅動漫 Maggie李曼筠都同佢拍過拖呀!


食 o靚模
Tommy去年 10月同有翻版徐子淇之稱嘅 o靚模 Debby(曾麗儀)同遊日本, 5日 4夜同一酒店出雙入對,不過 Tommy仍然死撐:「朋友一齊去玩啫!」


嗒師妹
Tommy 06年簽寰宇,經常與師妹江若琳合作拍電影,佢把口口浪過油,氹掂當時仲係新人嘅江若琳, 07年影到佢哋撐枱腳食麵,但江若琳係老闆林小明愛將,兩人地下情玩咗半年就拜拜, Tommy亦俾寰宇 bye埋。《壹週刊》圖片



迷巨咪
07年佢亦迷過另一大胸動漫女 Maggie,兩人拍《愛鬥大》時認識,當時 Tommy成日公開讚 Maggie身材好,又話一見佢就流鼻血,盛傳 Tommy力追,識歎!

熱門文章

 
8 の 玩物