[極醜惡] 沙田CID曬照保 - 伙記識做唔抄牌

蒼井空爆福山雅治好咸濕！

超級笨實驗之中日菜刀鋒利測試

主題：超級笨實驗之中日菜刀鋒利測試
日期：2010-10-27

如何處理撞車意外？

主題：如何處理撞車意外？
簡介：撞車點算好？什麼是和解書？賠錢點賠法？想知，全速看片！
日期：2010-10-30

如何辦公室搞地下情？

主題：如何辦公室搞地下情？
簡介：員工搞地下情，十個老闆九個憎，一於教你幾個法則，看片照跟冇有怕！
日期：2010-10-28

Kobe's Signature Fadeaway

VM Project Collaboration Trick Section Shortcilp part#2

VM Project Collaboration Trick Section Shortcilp part#2 from VMP on Vimeo.

【轉】瞞正印女友唐詩詠 散餐王崔建邦肉搏索模 ﹝有片！！﹞

瞞正印女友唐詩詠　散餐王崔建邦肉搏索模
2010年10月29日
忽然一週



孖住走
由於新竇未曝光，崔建邦在下午 4時許與郭思琳齊齊落樓。飲到大醉玩完一晚的郭思琳則以大黑超遮樣，不過依然以低胸背心誘邦邦。

江山易改，劣品難移。崔建邦年初涉毆打女友鄺敏慧，因雙方同意和解，崔建邦得以甩身，只需守行為一年。以為從此生性做人，但在周二（ 26日），崔建邦再被爆因醉駕被捕。
賤男本色一不離二，本刊發現收入大減的崔建邦，原來近日已秘密由畢架山豪宅搬往平三分之二租的西貢村屋。但窮心未盡色心又起，呢頭在新竇與女友唐詩詠癡纏，轉頭竟瞞着正印，偷偷帶有翻版李嘉欣之稱的索模郭思琳返新竇過夜。
散打王變散餐王，就連多次出口維護崔建邦的唐詩詠，事後從記者手上看完照片，亦心死說：「我唔會再樁個頭埋去。」死性不改，崔健邦愛情、事業再次一鋪清袋。

互動片段

• 唐詩詠到崔建邦新居
  
  

崔建邦醉駕被捕再惹官非，為挽救所剩無幾的形象，報道出街當日（ 27日）他慌忙在 TVB開記招交代事情，更在眾人面前懺悔：「我覺得好後悔，真係承諾以後都唔會。」縱使在記招上七情上面扮死狗，但私底下崔建邦除了醉駕外，私生活原來一樣極盡荒淫。



18/10露兩點
崔建邦與有「翻版李嘉欣」之稱的索模郭思琳在新居過夜後，至翌日下午 3時左右，崔率先赤裸上身步出村屋露台，拿取熨衫板後再入屋，明顯準備外出。






衣衫不整
不久記者就發現郭思琳背向窗戶着衫兼執靚個樣。




拖手
下午 3時許，本刊記者發現唐詩詠駕着自己的福士甲蟲車到達崔建邦新屋。入屋不久，換了件白 T恤的唐就與崔拖住手一同坐在梳化睇電視。當時崔母亦在廚房，看來在崔母心目中，唐就是個仔的正印女友。




23/10換衫走
6時半，兩人換上便裝外出，唐詩詠駕住自己的甲蟲車與崔一齊離開。




赤裸煮麵
之後崔建邦放下房內窗簾，與唐一同入房小睡兩個多小時。至 6時，崔率先步出睡房，當時已赤裸上身的他，在廚房煮麵。




陪食麵
崔建邦煮好麵才入房叫醒唐詩詠，之後崔坐在女方旁邊陪她食麵，冧爆！




原來當晚唐詩詠要返將軍澳開工，她在中途放低崔建邦後便直駛往 TVB。

新竇變砲房

崔建邦自年初涉打女友鄺敏慧（中巴）後，形象、事業一直插水， 6月時更直認經濟拮据。為慳錢，除了將大咬的 Audi戰車賣掉，換了架樸實 Mini外，原來他在月初更秘密搬竇，由以往月租三萬蚊的畢架山花園，搬到月租只需八千蚊的西貢龍蝦灣村屋。
因打女惹禍，早前誓神劈願表示「見過鬼怕黑」的崔建邦，講明唔再花心專心事業，兩個月前才被本刊踢爆已成功翻箍唐詩詠，誰知賤男濫交本色火速現形。本刊收到消息，崔建邦成功箝實唐詩詠後，竟然偷偷在一個月前與 starz people索模郭思琳搭上。
18日，崔建邦駕駛着自己的 Mini Cooper載郭思琳離開後，隨即趕入 TVB出席台慶亮燈儀式。當時唐詩詠亦在場，不過相信她估都估唔到，崔剛與索模在新屋共度一宵。



索摸過夜換衫

上周一（ 18日）下午三點，本刊發現打大赤肋的崔建邦，在新竇露台取熨衫板到廳內。同一時間，記者見到着住白色緊身背心的郭思琳，從睡房中步出。頭髮蓬鬆的她，隨意用橡筋箍將頭髮紥成馬尾，似剛睡醒不久。
當崔建邦熨完衫後，郭思琳在崔面前毫不避忌脫下上衣，換上黑色 deep V背心。由此看來，二人關係異常親密。由於無綫當晚舉行台慶亮燈儀式，校啱時間的崔建邦，接近五點便與郭思琳雙雙離開寓所。
現場所見，與崔建邦過完一晚的郭思琳，腳步浮浮，雙眼浮腫，顯得極度疲憊，相反食飽散餐的崔建邦，在台慶當晚，嘴角一直笑意吟吟，春風滿面。

新竇拖實唐詩詠



09年 2月，唐詩詠母親逝世，本已分手的崔建邦朝夕陪住唐詩詠，不久傳出兩人復合。

事隔幾日（ 23日），精力旺盛的崔建邦，慾火再度上升，急 call正印唐詩詠上新竇。唐還換上男友白色 T恤在屋內睇電視，之後二人更在睡房由晏晝兩點玩到傍晚六點。當時崔建邦的媽咪一直在內，明顯她對唐詩詠上門見慣不怪。至晚上八點唐詩詠便駕其甲蟲車離開，返回電視城拍攝新劇《真相》。
崔建邦多次有偷食紀錄，但唐詩詠對他依然不離不棄。據知，全因崔每次犯錯後，都會刻意在唐面前洗心革面，扮乖戒蒲。同時吼準唐詩詠耳仔軟性格，每每在女方失意時，顯出無限關懷，令唐對他泥足深陷，無法自拔。
知情人說：「 Amigo（崔建邦）唔係靚仔，不過就好識捉女仔心態。佢成日喺女仔面前扮弱者，最鍾意飲醉酒之後，講到自己幾咁懷才不遇，冇人關心佢，只有對方先至幫到佢重新做人，其實咪玩手段博女仔同情囉！好似 Natalie（唐詩詠）咁，佢呢幾年唔係冇人追，但就衰耳仔軟，成日覺得 Amigo只係一時做錯，認為可以憑自己去拯救呢個男人。而 Amigo又好識睇時機，之前 Natalie媽咪過身，當時佢哋兩個已經分咗手，但 Amigo就請埋大假去安慰 Natalie。我哋都勸過 Natalie好多次，叫佢擘大眼睇清呢個人，不過佢話我哋唔會明。」

崔母認唐詩詠為正印

上周六（ 23日），唐詩詠在崔建邦新屋小睡近 3小時期間，崔母剛巧在場，對兩人親密舉動明顯見慣不怪。相信崔母心目中，只知道唐詩詠是自己個仔的女友。







唐詩詠心死：唔會樁個頭埋去。
本周一（ 25日），記者在無綫電視城向唐詩詠問到崔建邦一腳踏兩船一事，起初她故作鎮定說：「無論你影到乜嘢，佢都係我好朋友，一個屋企人！」但她被再三問到有否被騙感覺，她則無奈說：「放心，我唔會樁個頭埋去！」

「唔會理其他人點睇」

一次不忠，百次不容。周一（ 25日），當記者拿出相片，踢爆崔建邦再次偷食時，唐詩詠亦由最初的執迷盲目，到最後忍唔住爆咗句：「我唔會再樁個頭埋去」，終於肯開眼望清賤男。
記：我哋影到你同崔建邦喺西貢間新屋入面，你哋拍番拖？
唐：呢個問題，我都答過好多次。我只可以講佢係我好朋友、一個屋企人，見面都好正常。
記：朋友會瞓埋一齊，同埋拖手嘅咩？
唐（淡淡然）說：無論你哋影到我同佢做乜都好，我亦唔會理其他人點睇，總之我同佢係好好嘅朋友。
記：係咪影到你哋做乜都唔會認？
唐：都係嗰句，真係想保留一個我同佢嘅空間。
記：佢之前咁花心，覺唔覺自己對呢段感情好盲目，前世欠咗佢？
唐：做朋友其實唔需要睇佢花唔花心。
記者隨即將崔建邦偷食相給唐詩詠睇。
記：你識唔識呢個女仔？
唐（停頓幾秒）：唔識。
記：佢前幾晚上咗崔建邦屋企過夜！
唐（口窒窒）：咁……佢（ Amigo）都係正常人，都應該有佢嘅正常社交。
記：但係個女仔喺佢屋企換衫喎？你會唔會對崔建邦重新估計？
唐（忽然轉口風）：其實我對佢已經放低咗，係你哋未放低，有段時間我承認好嬲佢，不過呢啲係之前嘅事。
記：其實你知唔知你身邊朋友、屋企人都好擔心你，驚你俾人呃？
唐（乾笑兩聲）：你哋放心喎，我都想同大家講唔使擔心，我唔會再樁個頭埋去。哈哈，總之我會快過佢（崔建邦）搵男朋友啦！



強顏歡笑
崔建邦因打女事件形象插水，周二（ 26日）再被爆出醉駕被捕，翌日（ 27日）急急在電視城開記招為醉駕解話。連衰多鑊，崔建邦在記招中一直強顏歡笑，多次表明自己會誠心悔過。




崔建邦由無綫外事部副總監曾醒明陪同下開記招，面對記者追問有關醉駕事件時，過往口若懸河的他，即使有備而來，亦顯得周身唔自在。




崔建邦早前才被無綫特赦，再度主持《東張西望》，誰知崔竟爆出醉駕。周三（ 27日）崔原定主持《東張西望》亦要臨時被抽起，可謂自作自受。




醉駕不特止，周三（ 27日）本刊發現崔建邦在揸車返回電視城途中，竟在車內拎住電話傾偈，罔顧安全。

郭思琳：飲醉過夜好平常！



上周六，中巴到灣仔出席活動，當記者將崔建邦和郭思琳過夜照片遞給她看時，她想了想說：「我唔識呢個女仔，不過女仔同任何人一齊都要小心啲，要識保護自己。」

本刊斷正崔建邦帶索模郭思琳返家過夜後，周二（ 26日），記者致電郭思琳，對此她直認不諱，更表示「飲醉過夜好平常」，夠晒 open！
記：我哋影到你上崔建邦屋企過夜？
郭：咁之前成班 friend上佢屋企食飯，我飲醉咗咪留喺佢屋企囉，好平常啫！
記：咁你哋有冇發生關係？
郭：冇，我酒醉都有三分醒，肯定冇俾人搞過！
記：會唔會係你飲得太多「斷片」？
郭：冇嘅……應該冇嘅。
記：你知唔知崔建邦同緊唐詩詠一齊？
郭：唔知喎！係嘅話，你哋應該要問吓唐小姐會唔會嬲！
至於偷食斷正的崔建邦，周三（ 27日）在電視城開記招為醉駕解話後，本刊記者再向他追問。崔有備而來說：「佢（郭思琳）係朋友嚟，之前一晚成班人喺我屋企 gathering，我哋冇嘢 o架！（冇嘢點解會過夜？）佢飲大咗，所以咪喺度瞓囉！（佢喺你面前換衫喎？）吓！我見唔到喎！（驚唔驚唐詩詠嬲？）佢點會嬲，我哋係好朋友嚟之嘛！」偷食斷到正，崔建邦錯的對不了！

寓所降呢

崔建邦早年成為陳志雲愛將後，工作密密接，自始毫不吝嗇，以月租三萬元進駐九龍塘豪宅畢架山花園高層單位。不過隨着他發生打女友鄺敏慧事件後，人氣下滑兼零工作，他惟有馬死落地行，近月改住 8千蚊租的西貢龍蝦灣的 2樓 700呎村屋，冇天台冇花園，座駕更可在空地任泊，實在慳番唔少。



現居
龍蝦灣 2樓村屋




舊居
畢架山千呎單位

屢傳整容落選港姐

今年 23歲的郭思琳，於 02年即 15歲時入行，擔任報章雜誌和廣告模特兒。成年後，她隨即秘密為 now收費電視台成人台主持節目。 07年她簽約成為蕭定一旗下藝人，有網民就立即踢爆她整容，數月後她參選香港小姐，當時傳媒封她為「翻版李嘉欣」，可惜經初次面試後便被 out。同年 9月，她有感外界把蕭定一旗下藝人與整容扯上關係，故由新公司支付七位數字提出解約，不過至今的工作量依然不多。



郭思琳在自己網頁，放有唔少拍過的廣告照片，如 Tic Tac（上圖），亦有她半裸晒 legging的照片。



身高 5呎 7吋的郭思琳，三圍 33、 23、 33，身材勻稱。




起得快跌得快

31歲的崔建邦，少年時曾向拳擊總會榮譽主席徐家傑拜師學藝，試過參加散打比賽獲得六連冠，於是有「散打王」稱號。崔於 20歲時開始做 DJ，更一度被無綫力捧，可惜他嗜杯中物，兩度醉酒鬧事，搞到事業起完再跌。

風光期



《壹週刊》圖片

崔建邦早年在港台任兼職助理時認識陳志雲。 05年順理成章成為 TVB合約藝員，之後與唐詩詠合作《 K-100》撻着。在陳生關照下，崔出道不久就擔任《萬千星輝賀台慶》等多個大騷司儀， 07年獲得「飛躍進步男藝員」。風頭一時無兩，更有傳他間接逼走與他路線相同的王賢誌。

折墮期

09年底 o靚模鄺敏慧（中巴）報警聲稱被男友崔建邦襲擊，鄺更在傳媒面前聲淚俱下數臭崔，加上有指他背住唐詩詠暗溝中巴，令人氣急挫，所有主持工作被飛。到 10月 3日，陳志雲又因涉嫌貪污而被捕，在冇人撐情況下，崔建邦踎躉數月。





翻生期



《蘋果日報》圖片

霉足半年，崔建邦於 6月終獲 TVB解封，亮相《獎門人》，之後亦復職做番《勁歌金曲》、《今日 VIP》主持。 7月他被本刊拍得駕車到唐詩詠寓所，二人翻撻成功，崔為了女方亦痛改前非，戒蒲戒滾。

散餐期

可惜蒲癮滾癮只戒甩三個月又再死灰復燃。本周三（ 27日）有報道指崔醉駕被捕，同時又被本刊斷正秘搬新竇不特止，更一周內嘆完郭思琳再口卓唐詩詠，賤男食散餐行為令人髮指。

2010 Moscow Arms Race

DFB: Caroline Fuss (Essex St)

DFB: Caroline Fuss (Essex St) from Roger Hie on Vimeo.

【轉】小豬疑生性病 傳染楊丞琳

小豬疑生性病　傳染楊丞琳
2010年10月28日
壹週刊



小豬緋聞多到數唔晒，大部分都係圈中人，如果爆料人無亂噏，而所有緋聞都係真，唔該各位盡快睇醫生。

最近有人响討論區爆料，指小豬羅志祥經泌尿科醫生證實患上俗稱「椰菜花」嘅性病，由於單方面治療好難痊癒，醫生於是提議小豬帶埋性伴侶一齊接受「電燒」治療，估唔到兩日後，小豬帶咗楊丞琳一齊見醫生。
嘩！講到似層層，不過爆料人為逃避法律責任，話自己响夢境見到以上情節。
小豬、楊丞琳拍偶像劇《海派甜心》期間傳出緋聞，會唔會戲假情真搞出性病，小豬忍唔住公開證清：「把我病歷拿出來，不然不要瞎扯（亂講）！」
強調潔身自愛，小豬話呢排不斷收到朋友電話慰問性病病情：「如果得（椰）菜花應該走路歪歪的，我走路很正常耶！」咦！你又知嘅？

爆料解讀

爆料人一直以隱名「洨豕」同「小豕」形容男主角，除咗「豕」係「豬」字嘅部首，下面仲提到禁慾 5年，引用年前白龍王向小豬指點迷津，叫佢戒色有運行單新聞。至於女主角以「臣又」做代號，係指當年楊丞琳同邱澤拍拖，男方將床事唱通街，話楊丞琳「那裡『很緊』」，刪走「緊」嘅部首「系」，於是變成「臣又」，少啲智力都好難估。





唔介意熱炒緋聞情侶檔搵錢，兩個除咗孖住拍廣告，早前小豬嚟香港舉行巡迴演唱會，搵嚟楊丞琳做嘉賓，仲錫面扮 sweet。




小豬微博留言鬧爆料者係「小人」，建議佢無聊時不如幫助身邊人孝順父母，唔好嘥心機屈佢喎！

【轉】陳偉霆鴛鴦面

陳偉霆鴛鴦面
2010年10月28日
壹週刊



整容技術日新月異，間尺鼻、瓜子臉、蝦餃下巴，任君選擇。變臉變上癮，經典人辦包括入行 7年的陳偉霆（ William），先後 3次加建修葺大改造，逐漸呈現倒塌危機，搞到「鴛鴦面」左右唔對稱。
近朱者赤，同 William交往一年嘅阿 Sa，最近亦被隊爆下巴有景轟，同樣係後天加工大軍成員。
愛何止令人變態，連樣都變埋呀！

2010年︰唔對稱

數年間， William集中改造高鼻樑，變成間尺鼻，但副作用開始出現，肌肉異常崩緊，五官左右唔對稱，明顯出現大細眼大細邊面。



2003年︰ MK仔
參加新秀時的陳偉霆，打扮走 MK路線，尤其係大大個豬膽鼻，對眼仲分到鬼咁開。




2009年︰爛面
有傳 William的「裝修」工程因為操之過急，塊面負荷唔住，出現潰爛情形，搞到成塊面爆瘡，由頸生到上額頭，驚嚇度爆燈。

阿 Sa狐狸下巴



2000年︰包面
入行 10年，阿 Sa塊面默默起革命，出道初時，扁口扁面面積大到似 pizza，毫無輪廓。




2005年︰鼻樑發育
隨着人氣急升，阿 Sa星味漸濃，五官亦與時並進，鼻樑變高，令輪廓更分明。




2010年︰尖下巴
「女大十八變」，今時今日嘅阿 Sa， pizza面冇咗，仲有個又尖又長嘅狐狸下巴。

變臉情侶檔

William愛「裝修」，舊愛 Angelababy個樣亦次次新鮮，物以類聚，連 Baby新男友，有過億身家嘅內地紅小生黃曉明，一樣係變臉高手。

Angelababy拆卸重建

索爆模界的 Angelababy，五官變化層出不窮，仲解釋陳年舊相出現嘅哨牙、闊腮、孖膶腸嘴，純粹受箍牙影響喎！



冏模




女神
用心改造唔同晒， Baby膶腸嘴變薄，下巴變尖，靚到呢……

黃曉明唔同晒

「內地億萬小生」黃曉明，靚樣迷倒萬千少女，但想當年海綿蛋糕闊面鼻圓、內雙眼皮，面型 16： 9，打扮娘爆。



1998年︰娘




2010年︰帥
變身「帥哥」，黃曉明一對雙眼皮滿電力，唔怪得冧死 Baby！

港鐵怪人…李小龍上身…

iPhone用戶性伴侶特多

iPhone用戶性伴侶特多



正所謂物似主人形，正如一個人的衣着品味某程度上反映出那個人對異性的吸引力，一個人選擇的智能電話平台，都可能反映出那個人的吸引力。

根據交友網站OkCupid在博客上公布的一個調查報告顯示，他們採用55.2萬張用戶照片，再綜合照片上的一些數據資料以及網站向網友提問的問題，發現擁有iPhone的用戶，擁有的性伴侶明顯比BlackBerry、Android用戶多，而iPhone女用戶平均在30歲前就擁有12.3個性伴侶，更是Android女用戶的一倍。大家跟手最想問的問題相信是，為何可以相差那麼遠？

這正正反映出電話背後所散發出來的品味，特別是Android同iPhone品味的反差。iPhone是蘋果設計的產品，蘋果由外觀到用戶介面設計都講求品味。連電話都追求品味的人，他們衣着打扮都有一定水平，所以裙下之臣多就不令人意外。老紀並非講Android電話不靚，只不過未經個別電話生產商特別設計過的Android介面，真的老實簡樸了一點，sorry！

所以不得不承認現實是殘酷的，有時毒男腐女們，如果要得人青睞，難免人靠衣裝，並不代表iPhone在手就醜男醜女都變萬人迷，只不過如果連何謂品味都搞不清楚，咁就真係神仙難救。

高登惡搞︰新世代萬能KEY─馬德鐘─應邀西班牙志雲飯局

iPhone screen lock 密碼形同虛設！！

主要的步驟也很簡單，只要在 Screen Lock 底下進入緊急電話，然後隨意輸入一組號碼撥出後，立刻按下右上角休眠按鍵 ，之後就會進入 Phone App，裡頭的通話記錄、語音信箱、聯絡資訊也會隨之見光死；另外這招不論是 iOS 4.1 / 4.2、iPhone 3G / 3GS / 4 通通適用，然後一旦完成一次撥號（真的可以通話）後，就會跳回 Screen Lock，一切回歸到原點。

另外一旦按了『分享』聯絡人的功能選項，隨後再按下拍照圖示，就會進入照片軟體，裡面的照片也隨之走光光，千萬別拿這招來對付您行為舉止怪異的男、女朋友呀！聽說還有更多神秘絕招，各位也可以私下玩一玩，有更多新玩法，也請跟大家分享囉！

【轉】池邊曬彈頭 寸嘴芭比：呢啲叫無厘頭革命 ﹝有片︰池邊飛釘 & 大鬧屯門﹞

池邊曬彈頭　寸嘴芭比：呢啲叫無厘頭革命
2010年10月27日
Face



健身室飛點
寸嘴芭比於住所健身室真空做運動，鬆身衫低已經失守，同場 gym友應該流緊鼻血。

曾面試港姐被叮的寸嘴芭比（廖祉甯）， 25歲女忽然又轉戰亞姐誓入娛樂圈，不過 Barbie選亞姐卻又好有性格，竟然五度甩底宣傳活動，邊個夠佢大膽？
本刊早前更發現奇人 Barbie喺屯門新居會所泳池三點式豪曬 E奶，健身房真空起釘，事後仲無厘頭攞出火機話：「我心中有火……呢啲叫無厘頭革命！」女版金句黎明，你做硬啦！

互動片段

• 寸嘴芭比池邊起釘
  
  
  
• 寸嘴芭比金句大鬧屯門
  
  

終於蒲頭
週日（ 24日） Barbie終於現身亞姐宣傳，對於腳上瘀痕佢冇正面回應，但神化亂噏說：「我去睇跌打，最近好似突然間有啲 lucky，屋企人話我係時候會紅，打跛對腳都唔使驚。」

參選港姐已係風頭躉嘅寸嘴芭比，外貌夠索兼次次有話題，轉戰亞姐亦同記者開火見報，即使多次缺席宣傳，亞視仍力撐話佢因為接咗騷撞期唔推得先缺席，擺明要靠 Barbie姐谷宣傳。

真空起釘

以為寸嘴芭比做宣傳先出位，原來私下更加激。原居天后私人樓最近已搬至屯門浪濤灣，連日來於屋苑會所出沒，喺泳池邊三點式曬 E奶都算，估唔到臨走時竟公然在戶外解開泳衣帶換衫， 33E奶春光乍洩，仍然好自然。自知亞姐大熱，芭比當然要 keep fit啲，佢曬完太陽即入健身室真空狂拉划艇機，身穿鬆身 T恤的 Barbie唔小心再露點。



泳池露出
雖然寸嘴芭比小心翼翼着回連身裙準備離開，但話晒有 E奶，得塊泳衣布仔點包得住？之後佢話嗰日陰天，所以唔會曬黑，亞視唔會鬧嘅！




擺上枱面
唔知係咪想有健康膚色參選亞姐，連日見寸嘴芭比去會所泳池邊水着曬太陽，相當養眼，佢回應說：「其實得我咁厚面皮，所以影我好，見到其他朋友，唔好騷擾佢哋！」




畫畫天分
原來 Barbie畫畫甚有天分，見佢曬得悶悶哋攞出畫簿畫幾筆，已經畫出有紋有路嘅圖案，亞姐選唔到，可以諗吓做設計喎。




粉紅 T-back
除咗真空，記者更發現寸嘴芭比做運動時着住粉紅色 T-back，同件 T恤襯晒色！

金句難明

記者事後問佢係咪為亞姐備戰狂操，佢竟亂噏話：「鼻戰？ War of nose，多謝！」超級九唔搭八。
F：《 FACE》　廖：寸嘴芭比
F：你點解又再去亞姐宣傳嘅？
廖：因為我去咗另一個思維，我靈魂喺外星嚟、肉身喺地球，救我呀師兄（記者）！」
F：點解你講嘢咁九唔搭八？
廖：呢啲叫無厘頭革命！我想啲人開心啲，個個有壓力。
F：你男友做咩生意？
廖：火機生意（隨即於背囊攞出打火機），我要提自己要燃亮別人，心中有火即係做事有熱誠有衝勁，而且一撻即着！」電車仔睇完啲相仲有火呀， Barbie姐！



係地球租畀我。我靈魂係外星嚟！(真實對白)
再學劉華︰問寸嘴芭比係咪與男友同居屯門，佢就話：「係地球租畀我嘅。」答完仲學足劉華被問到太太朱麗倩時用手揞住話唔答。




我要燃亮別人！心中有火即係做事有熱誠！(真實對白)
神化火機︰唔食煙嘅寸嘴芭比竟然隨身帶住火機，一時又話因為男友做火機生意、一時又話要提醒自己要燃亮別人，好神化。




搬竇
7月︰ Barbie由天后單幢樓搬到屯門私人屋苑，雖然遠咗，但勝在有會所及泳池。




10月

出位靠寸



係咪唔簽（無綫）冇得選先？
o殊！乖就唔好影，乖就唔好問！
我唔係驕傲係少少自戀，至少差 3線！

本來廖祉甯靚靚女，係今年 5月港姐面試大熱，但當記者問佢叫咩名時，佢竟一句：「我贏咗冠軍先話你知！」而被起朵「寸嘴芭比」，除咗靠寸出名，仲俾人喺婚姻登記處搵到佢同會計師男友 Chen Min排期結婚通知紀錄，阿囡，想喺娛樂圈發展，人緣好緊要 o架！